Month: February 2020

Hazrat Ibne Abbaas Radi-Allahu-Ta’aala-Anhu Se Riwayat Hain, Unohne Farmaya Ki Mujhse Meri Waalida Hazrat Ummul-Fazl Radi-Allahu-Ta’aala-Anha Ne Hadees Bayaan Ki, Ki Main Nabi-A-Akram SALLALLAHU-TA’AALA-ALAIHI-WASALLAM Ke Saamne Se Hoker Guzri! Huzoor Ne Farmaya Tu Haamila Hain Aur Tere Pet May Ladka Hain, Jab Wo Paida Ho To Use Mere Paas Lana! Ummul-Fazl Ne Arz Kiya, Ya Rasoolallah! Mere Hamal Kahan Se Aaya? Haalaanki Quraish Ne Kasme Kha Li Hain Ki Wo Auraton Ke Paas Nahi Jayege!

»SARRAAF«•
**************
HIQAYAT
*********
Ek Shaks Auliya-A-Kiraam Ka Munkir Tha! Ek Roz Hazrat Junnoon Misri Rehmatullah Ta’aala Alaihi Se Uski Ittifaqan Mulakaat Hogayi! Hazrat Junnoon Misri Ne Use Apni Anghuti Deker Farmaya, Ki Jao Kisi Naanbai Ke Paas Ise Girwi Rakh Aao! Wo Shaks Anghuti Leker Naanbai Ke Paas Gaya Aur Use Anghuti Girwi Rakhne Ko Kaha! Us Naanbai Ne Anghuti Dekhi Aur Kaha Ki Ise Ek Dirhaam Se Zyada May Na Rakhuga! Wo Shaks Anghuti Wapas Le Aaya Aur Hazrat Junnoon Misri Se Kehne Laga Ki Wo Ise Ek Dirhaam Se Zyada Per Girwi Rakhne Ko Taiyyar Nahi Hain! Aapne Farmaya, Ki Accha Ab Ise Kisi Sarraaf Ke Paas Lejao Aur Usse Daryaft Karo Ki Wo Ise Kitne May Girwi Rakh Lega! Chunanche, Wo Fir Us Anghuti Ko Leker Ek Sarraaf Ke Paas Aaya! Sarraaf Ne Anghuti Dekhker Kaha Ki Wo Ise Ek Hazaar Per Girwi Rakh Lega! Wo Shaks Hazrat Junnoon Misri Ke Paas Aaya Aur Batane Laga Ki Sarraaf Iske Ek Hazaar Dinaar Deta Hain!
Hazrat Junnoon Misri Ne Farmaya Ki Bas Mujhe Yahi Samjhana Tha Ki Tumahra Ilm Us Naanbai Ka Is Anghuti Ke Mutaallik Tha! Tum Agar Aarif Pehchanne Wale Hote To Auliya-A-Kiraam Ka Bhi Inkaar Nahi Karte! Wo Fauran Apni Galti Per Sharminda Hua Aur Tauba Ki!
(Tazkiratul Auliya, Pg-145)
*********************************
SABAK
********
Auliya-A-Kiraan Ka Inkaar Asal May Apni Kam Ilmi Aur Nadaani Ka Muzahira Hain! Jin Logon Ke Yahan Kabhi Wali Guzra Hi Nahi Wo Kya Jane?
Jahan Lakhon Wali Guzre Aur Guzrege Wo Waliyon Ke Khadim Bhi Hain Aur Unki Shaan Ko Bhi Jaante Hain!

••»AQIDA«••
****************
Huzoor SALLALLAHU-ALAIHi-WASALLAM Ka Jism Be-Saaya:-
**********************************
Huzoor Sayyad-A-Aalam Noor-A-Mujassam SALLALLAHU-ALAIHI-WASALLAM Ki Tamaam Khususiyat Mayse Ek Khususiyat Yeh Bhi Hain Ki Aapke Jism-A-Aqdas Ka Saaya Nahi Padta Tha! Na Suraj Ki Roshni May Aur Na Chand Ki Chandni May! Yehi Aqida Sahaba, Taabayeen, Aur Tamaam Bujurgaan-A-Deen Ka Hain Jiski Tafsil Kitaabon May Majkoor Hain! Is Mukaam Per Bataur Ikhtisaar Chnd Aham Khususiyat Ke Aqide Mulaiza Ho!

Hazrat Usmaan Gani Radi-Allahu-Ta’aala Anhu Ka Aqida:-
(Inteqaal 35 Hijri)

Rayisul Mufassireen Hazrat Allama Imaam Nasfi Rehmatullah Ta’aala Alaihi (Inteqaal 701 Hijri) Farmate Hain! “Hazrat Usmaan Gani Radi-Allahu-Ta’aala-Anhu Ne Huzoor Ki Bargah May Arz Kiya Ki Khuda-A-Ta’aala Ne Aapka Saaya Zameen Per Nahi Daala Taaki Koi Insaan Isper Apna Kadam Na Rakh De!”

(Tafsir-A-Madaris Jild-2,Pg-103)

*********************************
TASHRIH
*********
Is Hadees Sharif Se Huzoor SALLALLAHU-ALAIHI-WASALLAM Ke Jism-A-Aqdas Ka Saaya Na Hone Ke Baare May Amirul Momineen Hazrat Usmaan Gari Radi-Allahu-Ta’aala-Anhu Ka Aqida Wajeh Taurper Malum Hua Jiski Taayid Huzoor Se Bhi Saabit Hui Ki Aapke Saamne Hazrat Usmaan Gani Radi-Allahu-Ta’aala-Anhu Ne Is Baat Ko Pesh Kiya Aur Aapne Uska Inkaar Nahi Farmaya Aur Yeh Bhi Saabit Hua Ki Hazrat Allama Imaam Nasfi Rehmatullah Alaihi Ka Bhi Yahi Aqida Hain Ki Huzoor Ke Jism-A-Aqdas Ka Saaya Nahi Padta Tha Warna Is Hadees Sharif Ko Bila Tarhudh Wo Apni Tafsir May Hargiz Na Tehrir Karte!