Day: February 22, 2020

HADEES:-
***********
Farmaan-A-Nabwi SALLALLAHU-TA’AALA-ALAIHI-WASALLAM Hain Agar Tumahri Tarah Jaanwar Maut Ko Jaan Lete To Unme Koi Mota Jaanwar Khane Ko Na Milta! Hazrat Aayesha Radi-Allahu-Ta’aala-Anha Ne Pucha, Ya Rasoolallah! Kisi Ka Hashr Shahidon Ke Sath Bhi Hoga? Aapne Farmaya, Haan! Jo Shaks Din-Raat May 20 Bar Maut Ko Yaad Karta Hain Wo Shahidon Ke Sath Uthaya Jayega!

HIQAYAT:-
**********
Hazrat Abul Hussain Noori Rehmatullah Ta’aala Alaihi Ki Ek Khadima Thi! Aapne Us Khadima Se Farmaya Ki Mere Liye Roti Aur Dudh Lao! Chunanche, Khadima Le Aayi! Hazrat Abul Hussain Noori Rehmatullah Alaihi Ne Koyla Sulgaya Dudh Garam Kiya! Roti Dudh Ke Sath Khane Lage! Khadima Ne Dekha Ki Hazrat Abul Hussain Noori Rehmatullah Ta’aala Alaihi Ke Hath Per Koylon Ki Syahi Lag Rahi Hain! Aap Usi Hath Se Roti Kha Rahe Hain! Khadima Ne Dil May Kaha, Ki Yeh ALLAH Ke Kaise Wali Hain? Magar Inme Najafat (Safayi) Nahi Hain! Dil May Yeh, Yeh Kehker Baaher Nikli To Ek Aurat Ne Use Pakad Liya Aur Kaha, Ki Mere Kapdon Ki Gatri Chura Ligayi Hain! Uski Churane Wali Tum Ho! Lihaja Main Tumeh Thane Le Chalugi!
Chunanche, Wo Zabardasti Use Thane Legayi! Hazrat Abul Hussain Noori Rehmatullah Ta’aala Alaihi Ko Pata Chala To Aap Thane Pahuche Aur Farmaya, Ki Yeh Bekasoor Hain Ise Chod Do! Sipahi Ne Kaha Ki Iski Begunahi Ka Aapke Paas Kya Saboot Hain? Aapne Farmaya, Wo Dekho! Logon Ne Udhar Dekha To Us Aurat Ke Ghar Walon Se Ek Aurat Wahi Gatri Leker Aayi Aur Boli Gatri Milgayi!!
Chunanche, Khadima Ko Chod Diya Gaya! Hazrat Abul Hussain Noori Rehmatullah Alaihi Ne Khadima Se Farmaya, Kya Aayinda Fir Bhi Yun Kahogi Ki ALLAH Ke Waliyon May Najafat (Safayi) Nahi Hoti? Khadima Ne Kaha, Huzoor! Meri Tauba!

••HADEES••
************
Hazrat Jaabir Radi-Allahu-Ta’aala-Anhu Se Marwi Hain Ki Ek Shaks Huzoor SALLALLAHU-TA’AALA-ALAIHI-WASALLAM Ki Khidmat May Khana Maangne Aaya To Huzoor Ne Isko Aadha Wask Jau Inayat Farmaye! Wo Shaks Iski Biwi Aur Iske Mehmaan Isme Se Khate Rahe Yahan Tak Ki Ek Din Usne Naap Liya To Wo Khatm Hogaye, To Wo Huzoor SALLALLAHU-TA’AALA-ALAIHI-WASALLAM Ki Khidmat May Aaya! Huzoor Ne Farmaya Agar Tum Naapte Nahi To Khate Rehte Aur Wo Baaki Rehta!

(Muslim Jild-2, Pg-246)

HADEES:-
*********
ALLAH-TA’AALA Ke Ek Nabi Ka Aise Patther Se Guzar Hua Jo Khud To Chota Tha Magar Usse Pani Bahoat Nikal Raha Tha, ALLAH-TA’AALA Ke Nabi Ko Bahoat Taajjub Hua, ALLAH-TA’AALA Ne Patther Ko Bolne Ki Takat Ata Kerdi Aur Usne Kaha Jabse Maine ALLAH-TA’AALA Ka Yeh Farmaan Suna Hain Ki-“Insaan Aur Patther Jahannam Ka Indhan Hoge!”Main Barabar ALLAH Ke Khauf Se Ro Raha Hoon!ALLAH Ke Nabi Ne ALLAH Se Dua Maangi Ki Is Patther Ko Jahannam Ki Aag Se Bacha Le! ALLAH-TA’AALA Ne Dua Kabul Farma Li!Kuch Muddat Guzarne Ke Baad Unka Fir Usi Taraf Jana Hua, Dekha To Patther Barabar Roye Ja Raha Hain! Unohne Pucha, Ab Kyon Roye Ja Raha Hain? Patther Ne Jawab Diya Us Waqt Khauf Ki Wajah Se Ro Raha Tha Aur Ab Khushi Aur Musarrat May Ro Raha Hoon!