Khateeb e Bagdaadi ne Apni sanad ke sath ye Hadith riwayat ki hai

Khateeb e Bagdaadi ne Apni sanad ke sath ye Hadith riwayat ki hai ke Huzoor sallAllahu Ta’ala Alaihi wasallam ki walida majida Hazrat Bi Bi Aamina ne farmaya ke jab Huzoor e Aqdas sallAllahu Ta’ala Alaihi wasallam paida huye to maine dekha ke 1 bahut badi badly Ayi jis me raoshni ke sath ghodo ke hinhinane ,aur parindon ke udne ki Aawaaz thi , aur kuch insanon ki boliyan bhi sunayi deti thi . phir ek dam Huzoor sallAllahu Alaihi wasallam mere samne se gaib ho gaye aur maine suna ke 1 Aelaan hamak raha tha aur badan se gasht karao aur un ko samandaro ki bhi sair karao take tamaam kaainaat ko un ka naam , un ka Huliya , un ki sifat maloom ho jaye . Aur un ko tamaam jaandar makhlooq Yaani jinn o ins , Malaaika aur charindo aur parindo ke samne pesh karo , aur unhe Hazrat Aadam Alaihissalam ki Soorat , Hazrat Shees Alaihissalam ki Marifat , Hazrat Nooh Alaihissalam ki Shuja,at , Hazrat Ibrahim Alaihissalam ki Khullat , Hazrat Ismail Alaihissalam ki Zubaan , Hazrat Ishaq Alaihissalam ki Raza , Hazrat Saleh Alaihissalam ki Fasaahat , Hazrat Loot Alaihissalam ki Hikmat , Hazrat Yaqoob Alaihissalam ki Basharat , Hazrat Moosa Alaihisalam ki Shiddat , Hazrat Ayyob Alaihissalam ka Sabr , Hazrat Yonus Alaihissalam ki Ta,at Hazrat Yusha Alaihissalam ka Jehaad , Hazrat Da,aod Alaihissalam ki Aawaaz , Hazrat Daniyaal Alaihissalam ki Muhabbat , Hazrat Ilyas Alaihissalam ka waqaar , Hazrat Yahya Alaihissalam ki Ismat , Hazrat Esa Alaihissalam ka Zuhud Ata kar ke un ko tamaam peghambaron ke kamalaat aur Akhlaaq e Hasana se Muzayyan kar do is ke baad wo badal chat gaya , phir maine dekha Aap Resham ke sabz kapde me lipte huye hai , aur us kapde se paani tapak raha hai aur koi Munaadi Aelaan kar raha hai ke wah wah ! kiya khoob MUHAMMAD (sallallahu Alaihi wasallam) ko tamaam duniya par Qabza de diya gaya , aur Kainaat e Aalam ki koi cheez baaqi na rahi jo un ke Qabza e eqtedaar wa Ghalba e Ita,at me na ho , ab maine chehra e Anwar ko dekha to 14 vi ke chand ki tarah chmak raha tha aur badan se pakeeza khushboo Aa rahi thi , phir 3 shakhs nazar Aaye 1 ke hath me chandi ka lota , dusre ke hath me sabz zumurrud ka tasht , tisre ke hath me 1 chamakdaar Angothi thi , Angothi ko 7 martaba dho kar us ne Huzoor (sallAllahu Alaihi wasallam) ke 2 no shano ke darmiyaan Muhre Nubuwwat laga di , phir Huzoor (sallAllahu Alaihi wasallam) ko Reshmin kapde me lapet kar uthaya aur 1 lamha ke baad mujhe supurd kar diya
[hawala SIRATUL MUSTAFA BAAB 1]

******************

Hai kalaam e Ilahi me Shamsuz’zuha, Tere chehre Noore Faza ki qasam
Qasam e Shab e taar me raaz yeh tha, ke Habeeb ki zulfe duta ki qasam
Tere Khulq ko HAQ ne azeem kaha, Teri khilq ko HAQ ne jameel kiya
Koee Tujh sa huwa hai na hoga Shaha, Tere Khaliqe husn o ada ki qasam
Woh Khuda ne hai martaba tujh ko diya, na kisi ko mile na kisi ko mila
Ke Kalaam e majeed ne khaee Shaha, Tere shehro kalamo baqa ki qasam
Tera masnade naaz hai Arshe baree, Tera mehrame raaz hai rooh e ameen
Tu hi Sarware har do jahaan hai shaha, Tera misl nahi hai Khuda ki qasam

 SALLALLAHU TA’ALA ALLAIHI WA SALLAM