Day: January 23, 2020

•»HADEES«•
*************
Hazrat Anas Radi-Allahu-Ta’aala-Anhu Farmate Hain Ki Ek Isayi Musalman Hua Usne Sur-A-Bakr Aur Sur-A-Aale-Imraan Padhli Fir Wo Nabi-A-Karim SALLALLAHU-TA’AALA-ALAIHI-WASALLAM Ki Bargah May “WAHI” Ki Kitaabat Karne Laga, Iske Baad Wo Isayi Hogaya Aur Kehta Tha Ki Mohammad Wahi Jaante Hain Jo Maine Likh Diya Hain! Fir ALLAH-TA’AALA Ne Isko Maut De Di Aur Logon Ne Ise Dafn Kerdiya, Agle Din Uski Laash Zameen Per Padi Mili, Kehne Lage Yeh Mohammad Aur Unke Sathiyon Ne Kiya Hoga Kyonki Yeh Unke Paas Se Bhaagker Aagaya Tha, Isliye In Logon Ne Hamare Aadmi Ki Qabr Khodh Daali!
Dusre Din In Logon Ne Iske Liye Aur Gehri Qabr Khodhi Lekin Wo Agle Din Zameen Per Pada Mila, Kehne Lage Yeh Mohammad Aur Inke Sathiyon Ka Kaam Hain Kyonki Yeh Inke Paas Se Bhaag Aaya Tha!
Tisre Din In Logon Ne Iske Liye Jitni Unke Bas Ki Baat Thi, Utni Gehri Qabr Khodhi! Subah Hui To Fir Dekha Laash Baaher Padi Hain! Ab Wo Log Samajhe Ki Yeh Insaano Ka Kaam Nahi Hain (Yani Yeh Sab Kuch Gaib Se Ho Raha Hain) To Ise Wahin Pade Rehne Diya!

HIQAYAT
*********
Hijrat Se Pehle Baitullah Ki Kunji Quraish-A-Macca Ke Kabze May Thi! Yeh
Kunji Usman Bin Talha Ke Paas Raha Karti Thi! Yeh Log Baitullah Ko Peer Aur
Jumeraat Ke Roz Khola karte The!

✦ Hadith: jisne ye dua Subah ko 3 baar parhi to Shaam tak usko koi nagahani (achanak) museebat nahi pahuchegi
—————–
✦ Aban bin uthman radi allahu anhu se rivayat hai ki mainey Uthman Radi allahu anhu se suna ki Rasool-Allah Sallallahu Alalihi Wasallam ne farmaya jisne (shaam ko) 3 martaba ye dua parhi

بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

HIQAYAT:-
**********
Hazrat Siddiq-A-Akbar Radi-Allahu-Ta’aala-Anhu Ek Din Yahudiyon Ke Ek Madarse May Tashrif Legaye! Us Din Yahudiyon Ka Ek Bahoat Bada Aalim Jiska Naam Fakhaas Tha, Aaya Hua Tha! Uski Wajahse Wahan Bahoatse Yahudi Jama The! Siddiq-A-Akbar Radi-Allahu-Ta’aala-Anhu Ne Wahan Pahuchker Fakhaas Se Farmaya, Aye Fakhaas! ALLAH Se Dar Aur Musalman Hoja! Khuda Ki Kasam Mohammad ALLAH Ke Sacche Rasool Hain Jo Haq Leker Aaye Hain! Tum Log Unki Taarifen Tauraat Wa Injeel May Padhte Ho! Lihaja Tum Musalman Hojao Aur Sacche Rasool Ki Tasdiq Karo! Namaz Padho, Jakaat Do, Aur ALLAH Ko Karz Hasna Do Taaki Tum Jannat May Jao!
Fakhaas Bola, Aye Abu-Bakr! Kya Hamara Khuda Hum Se Karz Maangta Hain? Isse To Yeh Saabit Hua Ki Hum Gani (Amir) Aur Khuda Fakir Hain! Hazrat Siddiq-A-Akbar Radi-Allahu-Ta’aala-Anhu Ko Yeh Sunker Gussa Aaya Aur Fakhaas Ko Mooh Per Ek Thappad Maara! Farmaya, Kasam Khuda Ki! Agar Hum May Aur Tum May Mu-aayida Na Hota To Isi Waqt Teri Gardhan Alag Kerdeta! Fakhaas Thappad Khaker Huzoor SALLALLAHU-TA’AALA-ALAIHI-WASALLAM Ke Paas Aaya Aur Siddiq-A-Akbar Ki Shikayat Ki To Huzoor Ne Siddiq-A-Akbar Se Pucha, Siddiq-A-Akbar Ne Arz Kiya, Huzoor Isne Yun Kaha Tha Ki Hum Gani Hain Aur ALLAH Fakir Hain! Mujhe Is Baat Per Gussa Aaya Tha! Fakhaas Is Baat Se Fhir Gaya! Kehne Laga Maine Hargiz Aisa Nahi Kaha, Usi Waqt Siddiq-A-Akbar Ki Tasdiq May ALLAH-TA’AALA Ne Yeh Aayat Nazil Farmayi-

HIQAYAT:-
*********
Hazrat Abu-Talha Radi-Allahu-Ta’aala-Anhu Baaher Safar May The Ki Aapki Gair-Haaziri May Aapke Ladke Ka Intekaal Hogaya! Abu-Talha Radi-Allahu-Ta’aala-Anhu Jab Ghar Wapas Aaye To Pucha Ladka Kaisa Hain? Aapki Biwi Umme-Salim Ne Jawab Diya Ki Aaraam May Hain! Yeh Kehker Abu-Talha Radi-Allahu-Ta’aala-Anhu Ke Aage Khana Rakha! Jab Khane Se Farig Hue To Umme-Salim Boli Ek Masla To Batayen! Mere Paas Agar Koi Amanat Rakhi Ho Aur Kuch Dino Ke Baad Wo Shaks Apni Amanat Wapas Talab Kare To Kya Mujhe Wapas De Dena Chahiye Ya Nahi? Hazrat Abu-Talha Radi-Allahu-Ta’aala-Anhu Farmane Lage Yeh Bhi Koi Puchne Ki Baat Hain? Fauran Wapas De Dena Chahiye! Umme-Salim Ne Kaha Aur Wapas Deker Uska Koi Ranj Wa Gham To Nahi Karna Chahiye! Abu-Talha Radi-Allahu-Ta’aala-Anhu Bole Nahi! Wo Boli To Fir Suniye Hamara Ladka Khudawandh Karim Ne Hame Amanat Di Thi Wapas Le Li Hain! Ladke Ka Intekaal Hogaya Hain! Ab Sabr Kijiyega! Hazrat Abu-Talha Radi-Allahu-Ta’aala-Anhu Ne Yeh Sunker Sabr Kiya! Raat Gujarne Ke Baad Subha Huzoor SALLALLAHU-TA’AALA-ALAIHI-WASALLAM Ki Khidmat May Haazir Hue Aur Huzoor Se Saara Maajra Arz Kiya! Huzoor SALLALLAHU-TA’AALA-ALAIHI-WASALLAM Ne Farmaya Khuda Ta’aala Aaj Ki Raat Tumahre Liye Ba-Barkat Kare! Chunanche, Abu-Talha Radi-Allahu-Ta’aala-Anhu Ko Khuda Ne Ladka Ata Farmaya, Jab Paida Hua To Abu-Talha Radi-Allahu-Ta’aala-Anhu Use Huzoor SALLALLAHU-TA’AALA-ALAIHI-WASALLAM Ki Bargah May Laye! Huzoor SALLALLAHU-TA’AALA-ALAIHI-WASALLAM Ne Uski Peshani Per Hath Mubarak Fhera Aur Uska Naam Abdullah Rakha! Abdullah Jabtak Zinda Raha Huzoor Ke Hath Mubarak Fherne Ki Jagah Yani Peshani Bahoat Noorani Aur Roshan Nazar Aati Thi!