Mohsin-e-Islam Hazrat Sayyeduna Abu Talib Alaihissalam ne Islam Kab Kabool kiya?

Mohsin-e-Islam Hazrat Sayyeduna Abu Talib Alaihissalam ne Islam Kab Kabool kiya?

“Jab Aaayat utri ke “Wa Anzir Ashiratakal Aqrabeen” Apne Aqreba ko Tauheed ka Paigam Pahuncha Den. Aaqa SallAllahu Alaihi wa Aalihi wa Sallam ne Kohe Safa par sabko ikatta kiya, usme gair log nahi they sirf sardaraan-e-Quraish they, Khandan ke log they. Aage Maroof Hadees hai Maroof Waqiya Pahad ke piche se ek lashkar ka zikr karna to sabne kaha ke bin dekhe maan lenge ke fauj hai kyunki Aap Sachhe hain, to bin dekhe Apni Sadaqat par ikrar karwake, Apni Sadaqat ke Tasadduq se Allah ko manwaana, ye Waqiya hai aapko pata hai. Jab ye baat hogayi to jinke nasib me Imaan nahi tha wo budbudaane lage aur unme pesh pesh abu lahab tha aur usne kuch nazeba kalimat bhi kahe. Chunanche majma disperse hogaya Aaqa SallAllahu Alaihi wa Aalihi wa Sallam Ghar Aaye. Is Aayat ki Shaan-e-Nuzool me ek baat batana chahta hun. Jab Aaqa SallAllahu Alaihi wa Aalihi wa Sallam Ghar Aaye to Maula Ali al Murtaza, us waqt Unki Umr kisine 9 saal kaha riwayato, kisine 10 kaha kisine 12 kisine 14, bus ye riwayate hain maqsad ye hai ke bilkul Naujawani, Nou-Umri thi. Ye baat khaas nuqte waali hai ke is umr ka bacha 9,10, 12 saal ka koi uska apna ghar alag hota hai rehne ka ya Baap ke ghar me rehta hai? Agar aapke bachhe bhi 9,10 saal ki umr me alag kiraye ka maqaan leke rehte hain to kehlen ke Maula Ali kisi alag maqaan me rehte hain. Magar is umr ka bacha apne baap he ke ghar rehta hai. To itni baat zehan me mehfooz karlen.

Aapne Hazrat Ali ko bulaya aur farmaya: Ali kal jo Hamne bulaye they Kohe Safa par saare Quraishi sardar, inko fir Apne Ghar bula aur acha khana paka aur inki daawat kar taake Gharme aake fir Mai baithkar inpar Mehnat karun aur Dawat-e-Tauheed dun.

Imam Ibne Jarir Tabari riwayat karte hain, ab mai pehle hawale (references) dedu aapko taake pata chal jaaye ke yuhi koi chalte chalte kisi muarrikh ne kehdi hai ya badi sika (sachhi), tthos aur muhaqqaq baat hai. Imam Ibne Jarir Tabari ne riwayat kiya, Imam Behaqi Azeem Muhaddis, unhone riwayat kiya, Imam Ibne Aseer ne riwayat kiya, Imam Ibne Kaseer ne riwayat kiya, Imam Ibne Asakir ne riwayat kiya, Al Makrizi ne riwayat kiya. Ye Tamam Muhaddiseen riwayat karte hain ke Aaqa SallAllahu Alaihi wa Aalihi wa Sallam ne farmaya Ali Khana kar. To chunanche Maula Ali Sher-e-Khuda ne Apne Ghar un saare sardaran e Quraish ko bulake Huzoor ki Dawat-e-Ishaa’at keliye Dastarkhwan bichaya, khana pakaya aur Aaqa ko bulaya aur pehla Jalsa rachaya. Ab ye baat meri is baat se jod len, Ye Ghar Ali ka tha ya Abu Talib ka tha? Kiske Ghar Dastarkhwan bich raha hai, Kaun sardaraan e Quraish ko Dawat-e-Tauheed sunwaane keliye Ghar khana pakwa raha hai? Gosht pak raha, raan pak rahi hai, Kitabo me hai! Kaun bakre Zibah karraha hai Kaun Gharse kharch karke Majlis Dawat-e-Tauheed ki kaayam karraha hai? Ye Ghar Abu Talib ka hai.

Daar-e-Arqam, Hazrat Arqam ka Ghar, Dawat-e-Tauheed aur Dawat-e-Islam ka Markaz jo chupe chupe Tableeg hoti thi 3 saal tak, Wo Markaz-e-Tauheed baadme bana hai, sabse Pehla Jo Ghar Markaz e Dawat-e-Tauheed bana Wo Daar-e-Abi Talib hai.

Bakri ki raane bhuni, paani doodh ke katore rakhe, ehtemam se khana banaya aur Aaqa SallAllahu Alaihi wa Aalihi wa Sallam ko Unhone kaha ke Mere Habib ab Aap bayan farmayen. To Aaqa SallAllahu Alaihi wa Aalihi wa Sallam ne Dawat-e-Tauheed di. To pehla Jalsa Kohe Safa par aur Dusri Majlis aur Nashist Dawat-e-Tauheed ki Daar-e-Abi Talib. Fir Aaqa SallAllahu Alaihi wa Aalihi wa Sallam ne pura Khitab kiya. Mezbaan Hazrat Abu Talib They aur Organiser Hazrat Ali al Murtaza They. Uske baad dusre din fir Dawat ki, in sab Kutub me hain. Aaqa SallAllahu Alaihi wa Aalihi wa Sallam Tashreef laaye khana hua, Jalsa hua aur Aaqa ne Dawat-e-Tauheed di. Teesre din fir Dawat ki aur fir Jalse hua.

Daar-e-Abi Talib me “Wa Anzir Ashiratakal Aqrabeen” ke tehat Aaqa SallAllahu Alaihi wa Aalihi wa Sallam 3 Din Dawat-e-Tauheed Dete rahe. Aur jab ye Bayan hochuka usme Hazrat Abu Talib Khade hogaye aur Isko Imam Ibne Aseer aur Imam Tabari aur digar Muarrekheen riwayat karte hain. Wo farmate hain Hazrat Abu Talib Khade hogaye aur Aapne farmaya:

Mere Mehboob, Mere Bhatije Muhammad (SallAllahu Alaihi wa Aalihi wa Sallam). Ab Aapki Baaten 3 Din Sunkar Aapki Madat karna, Hame Us Amal se bhi Muhabbat hogayi hai!
HAMNE AAPKI NASIHAT KABOOL KARLI HAI! Ye Alfaz hai “Ma Ahabba Ilaina Mu’aamatak wa Aqbalana Le Naseehatak wa Ashadda Tasdikatana Le Hadeesak” Unhone kaha
“Hamne Aapki Mu’aamat se Pyar karliya, AAPKI NASIHAT (DAWAT-E-TAUHEED) KABOOL KARLI AUR AAPKI BAAT KI TASDEEQ KA AYLAN KARDIYA!

Ab meri samjhme nahi ke ab Imaan Laane ka Aylan iske alawa kuch aur bhi hota hai? Koi aur bhi aylan rehgaya? Wo Hazrat Abu Talib jis Aylan ka intezar logo ko Unki Umr-e-Mubarak ke aakhri din tak hai ke kab karte hain kab karte hain kab karte hain?
Yaaro tumhare kaano tak aawaz na pahunche to hamara kya, Wo to Pehle Din ka kar chuke hain!!!

Imam Ibne Aseer bayan karte hain Hazrat Abu Talib RadiAllahu Ta’ala Anhu ne aage farmaya: Ye saara Aapka Khanwada baitha hai inme se ek Mai bhi hun. Aur aage farmaya: Khuda ki Qasam aaj ke baad Aap Jo Dawat leke uthe hain, Uski Madat o Nusrat Hamara Fareeza hogaya!”

Hazrat Sayyeduna Abu Talib Alaihissalam Pehle Din se he Musalman hain aur Pehle Din he Uska Aylan kardiya!

Iss dawat ko dawat-e- zulashrah kaha jata hai aur iss dawat se har adna o aala waqif hai wo alag baat hai ki bughz e Ali Alaihissalam ki bina par iqrar-bil-lisan wa tasdeeq bil qalb nahi ho pa rahi hai becharo se

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s