Hazrat Sayyed Shaah Jalaal-ud-deen Chanda Husaini rahmatullāhi alaihi

31404174_1262322493902272_6847959770150731776_n

Laqab :
‾‾‾‾‾‾‾‾‾‾
Qutb e Gogi.

****************
Aap ke waalid ka naam Sayyed Ali Jehan Sheereen bin Sayyed Khizr hai.

Aap Husaini Saadaat hain.

***************
8 saal ki umr me Aap ne Qur’an aur Ilme Nahaw wa Sarf ki ta’aleem haasil ki.
Apne waalid se bahot muddat tak Uloom o Funoon haasil karte rahe.

****************
Aap 10wi sadi Hijri ki shuruat me Sultaan Yusouf Aadil Shaah ke zamaane me Arab se Hind me tashreef laaye aur Deccan me Bidar hote hue Gogi me sukoonat ikhtiyaar karke ta’aleem aur tadrees karte rahe.

Aap ki ta’aleem se bahot saare Hinduo ne Islaam apnaaya.

****************
Aap ke 2 saahabzaade hain :
(1) Sayyed Shaah Ahmad urfe Shams Aalam Husaini
(2) Sayyed Shaah Mohammad urfe Noor Aalam Husaini

****************
Aap Hazrat Khwaja Arif Billāh bin Zia-ud-deen rahmatullāhi alaihi ke mureed aur khalifa hain.
Aap ‘Chishti Ashrafi’ silsila ke shaikh hain.

****************
Aap ka wisaal 10 Sha’abaan 858 Hijri (August 1454 A.D.) ko hua.

Aap ka mazaar Gogi, Bijapur (Karnataka) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Jalaal-ud-deen Chanda Husaini rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.