Hazrat Khwaja Shaikh Shaah Ghulaam Ali Abdullāh Dehlawi rahmatullāhi alaihi

45200396_1426081910859662_6136194740430831616_n

Aap ki wilaadat 1156 Hijri (1743 A.D.) me Patiala (Punjab) me hui.

Aap ke waalid ka Hazrat Shaah Abdul Lateef Batalwi hai.

Aap ki wilaadat se pehle Hazrat Ali radiy-Allāhu ta’ala anhu Aap ke waalid ke khwaab me tashreef laaye aur farmaaya ke ‘Is ladke ka naam mere naam se rakhna.’
Aap ke pariwaar ne aap ka naam Abdullāh rakha, magar Aap Ghulaam Ali ke naam se mash’hoor hain.

****************
Aap 1 mahine me Haafize Qur’an hue.

Aap ke waalid ne apne peer Hazrat Naasir-ud-deen Qaadri rahmatullāhi alaihi se bai’at ke liye Aap ko Delhi bulaaya. Jab Aap Delhi pahunche to Hazrat ka wisaal ho chuka tha.
Aap ne 2 saal tak Hazrat ke saahabzaade Khwaja Meer Dard rahmatullāhi alaihi aur Khwaja Fakhr-ud-deen Chishti Fakhr-e-Jahaan rahmatullāhi alaihi aur dusre kai masha’ikh ki sohbat me rehkar faiz haasil kiya.
Aakhir me 1168 Hijri (1754 A.D.) me Aap Hazrat Mirza Mazhar Jaan-e-Jaanaan rahmatullāhi alaihi ke mureed hue.
15 saal tak Hazrat ki khidmat me rehkar ta’aleem aur faiz haasil kiya. Phir Hazrat ne Aap ko khilaafat ata farmai.

****************
Aap 13wi sadi ke Mujaaddide Islaam hain.
Aap Qutb e zamaan hain.
Aap ne apni ta’aleem aur faiz ke zariye islaam k azeem khidmat farmai.
Aap ke khulfa ne bhi Arab o Ajam me isha’ate islaam aur khidmate deen ko jaari rakha.

****************
Aap roz namaaze fajr ke baad Qur’an majeed ke 10 paara tilaawat karte.
Phir kuchh der tak Muraaqaba karte.
Phir Ishraaq ke baad Hadeeṡ aur Tafseer ki ta’aleem farmaate.
Aap sirf raat ko apne musalle par chataai rakhkar kuchh waqt aaraam karte. Phir uthkar ibaadat wa riyazat me mashgool ho jaate.

Jab bhi Aap Huzoor Rasool-Allāh sallallāhu alaihi wa sallam ka naam mubarak sunte to wajd me aa jaate.
Aap har amal Sunnate Rasool ke mutaabiq karte aur koi Sunnate Rasool tark kare to bardaasht nahi karte the.

Aap kabhi Baadshaaho aur Ameero ke tohfe qubool nahi farmaate. Khaanqaah me maujood taqreeban 500 logo ke khaane ke kiye aur deegar zarooriyato ke liye hamesha ghaib se intazaam hota tha.

Ek martaba Aap ne raat ko aaraam karne ka iraada kiya to Huzoor Rasool-Allāh sallallāhu alaihi wa sallam tashreef laaye aur Aap ko ishaa se pehle na sone ki ta’aqid ki.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Maqaamat-e-Mazhari (Sawaan-e-Hayaat e Mirza Mazhar Jaan-e-Jaanaan)
(2) Eidah-e-Tareeqat
(3) Ahwaal-e-Buzurgaan
(4) Risaalah Tareeqah e Shaah-e-Naqshband
(5) Risaalah Sitri Chand dar Ahwaal-e-Shaah-e-Naqshband
(6) Maqaamat-e-Mujaddid-e-Alfi -ṡaani
(7) Kamaalat-e-Mazhariya
(8) Risaalah dar Aitaraazaat bar Hazrat Mujaddid
(9) Risaalah Tareeqat Bai’ayat wa Azkaar
(10) Risaalah-e-Azkaar
(11) Risaalah-e-Muraaqabat
(12) Risaalah Mashgooliyah
(13) Sulook Raaqia Naqshbandia.

 Hazrat Shaah Raoof Ahmad Raaft Faarooqi rahmatullāhi alaihi ne ‘Makateeb Shareefa’ me Aap ke 125 khato ka jama kiye hain.
 Hazrat Shaah Raoof Ahmad Raaft Faarooqi rahmatullāhi alaihi ne ‘Durr-ul-Ma’arif’ me aur Hazrat Maulana Ghulaam Mohiy-ud-deen Kasuri rahmatullāhi alaihi ne ‘Malfoozaat’ Aap ke Malfoozaat jama kiye hain.

****************
Karaamat :
‾‾‾‾‾‾‾‾‾‾‾‾
(1) Ek shakhs Bukhara se aa raha tha. Kabul me saamaan se lada hua oont Attock nadi me doob gaya. Us ne Aap ke waseele se dua ki to ALLĀH ke fazl se us ka oont saamaan samet nadi se baahar aa gaya. Wo niyaz lekar Aap ki baargaah me aaya. Jab us ne Aap ko saara waaqya bataaya to Aap ne farmaaya ‘Wo niyaz ada kar di.’ Us ne arz kiya ‘Ji Huzoor!’

(2) Zulf Shaah naami ek shakhs Aap se bai’at karne ke liye Delhi aa raha tha. Raaste me sehra me raasta bhul gaya aur bahot pareshaan tha. Itne me ek buzurg tashreef laaye aur raasta dikhaaya. Us ne puchha ke ‘Aap kaun hain?’ to us buzurg ne farmaaya ‘Jise milne ke liye tum Delhi jaa rahe ho.’

****************
Aap Hazrat Shams-ud-deen Mirza Mazhar Jaan-e-Jaanaan rahmatullāhi alaihi ke mureed aur khalifa hain.
Aur ‘Naqshabandi Mujaddidi Mazhariya’ silsila ke Shaikh hain.

Aap ke khulfa :
(1) Hazrat Haafiz Shaah Abu Saeed Faarooqi Mujaddidi rahmatullāhi alaihi
(2) Hazrat Shaah Ahmad Saeed Faarooqi Mujaddidi rahmatullāhi alaihi
(3) Hazrat Maulana Khaalid Baghdadi al-Kurdi rahmatullāhi alaihi (Baghdad / Iraq)
(4) Hazrat Shaah Raoof Ahmad Raaft Faarooqi Mujaddidi Rampuri rahmatullāhi alaihi (Bhopal)
(5) Hazrat Maulana Ghulaam Mohiy-ud-deen Kasuri rahmatullāhi alaihi
(6) Hazrat Maulana Bashaaratullāh Bahraichi rahmatullāhi alaihi
(7) Hazrat Mirza Abdul Ghafoor Khorjawi rahmatullāhi alaihi
(8) Hazrat Shaah Abdul Rahmān Mujaddidi Jalandhari rahmatullāhi alaihi
(9) Hazrat Maulana Muhammad Shareef rahmatullāhi alaihi (Sirhind)
(10) Hazrat Maulana Abdur Rahmān Shahjahanpuri (Shahjahanpur)
(11) Hazrat Mirza Raheemullāh Beg urfe Muhammad Durwesh Azimabadi rahmatullāhi alaihi
(12) Hazrat Muhammad Munawwar Akbarabadi rahmatullāhi alaihi
(13) Hazrat Shaah Sa’adullāh Naqshbandi Hyderabadi rahmatullāhi alaihi
(14) Hazrat Sayyed Ahmad Kurdi rahmatullāhi alaihi
(15) Hazrat Sayyed Abdullāh Maghribi rahmatullāhi alaihi
(16) Hazrat Maulana Noor Muhammad rahmatullāhi alaihi
(17) Hazrat Meer Naqsh Ali rahmatullāhi alaihi rahmatullāhi alaihi (Lucknow)
(18) Hazrat Maulana Karamullāh Mohaddeeṡ rahmatullāhi alaihi (Delhi)
(19) Hazrat Muhammad Asghar rahmatullāhi alaihi (Delhi)
(20) Hazrat Mirza Muraad Beg rahmatullāhi alaihi (Delhi)
(21) Hazrat Ahmad Yaar rahmatullāhi alaihi (Delhi)
(22) Hazrat Shaikh Jaleel-ur-Rahmān rahmatullāhi alaihi (Delhi)
(23) Hazrat Maulana Peer Muhammad rahmatullāhi alaihi (Kashmir)
(24) Hazrat Akhund Sher Muhammad rahmatullāhi alaihi (Multan)
(25) Hazrat Qamar-ud-deen rahmatullāhi alaihi (Peshawar)
(26) Hazrat Muhammad Sher Khan rahmatullāhi alaihi (Afghanistan)
(27) Hazrat Maulana Jaan Muhammad Herati rahmatullāhi alaihi (Kandahar / Afghanistan)
(28) Hazrat Maulana Shaah Gul Muhammad Ghaznawi rahmatullāhi alaihi (Ghazni / Afghanistan)
(29) Hazrat Maulana Muhammad Azeem rahmatullāhi alaihi
(30) Hazrat Maulana Sayyed Ismāeel Madani rahmatullāhi alaihi (Madeena munawwara)
(31) Hazrat Meer Taalib Ali urfe Maulana Abdul Ghaffaar rahmatullāhi alaihi (Makka mukarrama)
(32) Hazrat Shaikh-ul-Haram Maulana Muhammad Jaan rahmatullāhi alaihi (Makka mukarrama).

****************
Aap ka wisaal 22 Safar 1240 Hijri (15/16 October A.D.) ko 84 saal ki umr me hua.

Wisaal ke waqt Aap Jaami al-Tirmizi ka mutaalla kar rahe the.

Aap ki namaaze janaaza Hazrat Haafiz Shaah Abu Saeed Faarooqi Mujaddidi rahmatullāhi alaihi ne padhaai.

Aap ka mazaar Khaanqaahe Mazhariya, Delhi me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Shaikh Shaah Ghulaam Ali Abdullāh Dehlawi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.