Hazrat Khwaja Haafiz Sayyed Mohammad Ali Shaah Khairabadi rahmatullāhi alaihi

38469560_1353484174786103_7242608956177121280_n

Alqaab :
‾‾‾‾‾‾‾‾‾‾
Shaikh-u-Islaam, Sultaan-ul-Masha’ikh.

****************
Aap ki wilaadat 1192 Hijri (1778 A.D.) me hui.

Aap Hasani saadaat hain.
Aur Hazrat Ghauṡ e aazam Abdul Qaadir Jeelaani radiy-Allāhu anhu ki nasl se hain.

****************
Bachpan me hi Aap Haafiz e Qur’an hue.
Phir Khairabad me majeed ta’aleem haasil ki.
Phir Shahjahanabad (Delhi) jaakar ta’aleem haasil ki.

Phir Haramain Shareefain (Makkah mukkarama aur Madeena munnawara) me ta’aleem haasil karne me aur ibaadat me 10 saal guzaare.

****************
Peer ke farmaan par Aap ne Khairabad me apni khaanqaah taamir ki aur logo ko ta’aleem aur faiz ata farmaate rahe.
Aap Aalime ba-amal the aur bemiṡaal shama e ilm the. Hazaaro logo ne Aap ke zariye hidaayat paai.

****************
Aap Hazrat Khwaja Shaah Sulaimān Taunsawi rahmatullāhi alaihi ke mureed aur khalifa hain.
Aur ‘Chishti Sulaimāni’ silsila ke Shaikh hain.

Aap ke khulfa :
(1) Hazrat Khwaja Peer Habeeb Ali Shaah rahmatullāhi alaihi (Katalmandi, Hyderabad)
(2) Hazrat Sardaar Beg rahmatullāhi alaihi (Aga Pura, Hyderabad),
(3) Hazrat Hasan uz zamaan rahmatullāhi alaihi (Yakutpura, Hyderabad).

****************
Aap ka wisaal 19 Zil Qa’ada 1266 Hijri (September 1850 A.D.) ko 71 saal ki umr me hua.

Aap ka mazaar Khairabad (Uttar Pradesh) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Haafiz Sayyed Mohammad Ali Shaah Khairabadi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.