Khuda ki Marefat (Pehchan)

*Khuda ki Marefat (Pehchan)*

Imam Ali (a.s) : Insaan ki aqalmandi aur sharafat ki buniyad uski marefat hai isliye marefat hi fazilat ki daleel hai – eemaan dil ki marefat (pehchan) hi ka naam hai.

Rasule Khuda (s.a.w.s) : Afzal wahi hai jo marefat me sabse aagey hai – Jo marefat ke lihaz se afzal hai wahi eemaan ke lihaz se afzal hai ( kiyun ke eemaan ka daro’ madaar marefat par hai).

Imam Sadiq (a.s) : Koi amal marefat ke baghair qubool nahi hota – aur marefat amal (yani ilm hasil karne se) hasil hoti hai. Jab marefat hasil hojati hai tho wo or ziyada nek amal ki taraf rehnumai karti hai – jiske pass marefat nahi iska nek amal dusut nahi kiyun ke Allah marefat hi ke bina par amal qubool karta hai. Jo amal (muraad koshish) nahi karta isko marefat hasil nahi hoti. Marefat ke liye ilm aur amal dono zaruri hai.

Imam Kazim (a.s) : Jo shaks Khuda ke baaton ko yaad nahi rakhta iske dil me marefat nahi rehsakti  – aur wo  apne dil me marefat mehsoos bhi nahi karta.

Imam Ali (a.s) : Kuch galat malumat gumrahi tak lejati hai.

Imam Ali (a.s) : Aankhon ka dekhna haqiqi dekhna nahi hota kiyun ke aankhen galti bhi karti hai mager aql kabhi isko dhoka nahi deti jo is se nasihat chahe.

Imam Sadiq (a.s) : Sirf hawaas se marefat hasil nahi hoti – Dil (aql) ke siwa kisi cheez se Khuda ki pehchaan hasil nahi ki jasakti kiyun ke Aql hi hawaas ko tamaam cheezon ki pehchaan karati hai – Isliye sirf hawaas se tamaam cheezon ko nahi jaana jasakta.

Imam Ali (a.s) : Aankh tho charbi se bani hai – asal dekhna rooh (aql) ka kaam hai.

Imam Ali (a.s) : Hawaas aankh haath paa’on se Khuda ko mehsoos nahi karsakte kiyun ke haath tho Khuda ko chu nahi saktey – balke aqlen bhi khuda ke zaat ka tasawwar nahi karsakti.

Imam Ali (a.s) :Aqal’on se hum Khuda ke wajood badai azmat hikmat aur iske kalaam ko samajh sakten hain. Har cheez apni zidd se pehchani jati hai Tamaam tareef us Allah ke liye hai jisne apni takhliqaat se apne wajood ka pata bataya aur makhloqaat ke fana hone se apne azli abdi hone ka pata bataya aur makhloqaat ke ek dusre se mushaba hone se apne be misaal wa be nazeer hone ka pata diya.

Refrence:Meezan ul Hikmat V-1