Sukhe Darakht Par Khajoor’on Ka Aana_
Ek Safar Me Hazrat Imaam Hasan Alahis Salam Ka Guzar Khajuron Ke Ek Bagh Me Hua Jiske Tamaam Darakht Khush Ho Gaye The, Hazrat Zubair Razi Allahu Tala Anhu Ke Ek Farzand Bhi Us Safar Me Aapke Sath The Aapne Usi Bagh Me Padao Kiya Aur Khuddam Ne Aapka Bistar Ek Sukhe Darakht Ki Jadh Me Bicha Diya, Hazrat Zubair Ke Farzand Ne Arz Kiya Ke Aye Ibne Rasool Allah! Kash Is Sukhe Darakht Par Taza Khajure Hoti To Ham Log Sair Hokar Kha Lete, Ye Sunkar Hazrat Imaam Hasan Ne Chupke Se Koi Dua Padhi Aur Bilkul Hi Achanak Se Wo Sukha Darakht Bilkul Sar Sabz o Shadab Ho Gaya Aur Usme Taza Paki Hui Khajoore Lag Gayi, Ye Manzar Dekh Kar Ek Shaks Kehne Laga Ke Khuda Ki Qasam Ye To Jadu Ka Karishma Hain Ye Sunkar Hazrat Zubair Ke Farzand Ne Usko Bhut Zor Se Danta Aur Farmaya Ke Tauba Kar Ye Jadu Nahi Hai Balqe Ye Shahzada e Rasool Hazrat Imaam Hasan Ki Dua e Maqool Ki Karamat Hain, Phir Logo Ne Khajoor’on Ko Darakht Se Toda Aur Sab Logo Ne Khoob Shikam Sair Ho Kar Khaya.
📚 *Reference* 📚
*1.* Rozatus Shohada, Jild 1, Safa 404.
*2.* Shawahidun Nabuwat, Safa 302.
Aal-e-Qutub Aal-e-Syed Abdullah Shah Ghazi 