Roz e Qayamat Hazrat Sayyidah Fatimah Zahra(Salam Alaiha) ke Shan o Azmat.

Mawla Ali Alyhissalam Bayan Karte Hain Ki Mein Ne RasoolAllah (Sallallahu Alaihi Wa Aalaehi Wa Sallam) Ko Yeh Farmate Huwe Suna :
Qayamat Ke Din Aik Needa’ Dene Waala Parde Ke Pichhe Se Aawaaz Dega :
Aye Ahl-E-Mehshar ! Apni Nigaahein Jhuka Lo Taa Ki Fatimah Binte Muhammad (Sallallahu Alaihi Wa Aalaehi Wa Sallam) Guzar Jaaein.
__

Hazrat Abu Hurayrah (RadiAllahu Ta’ala Anhu) Riwayat Karte Hain Ki RasoolAllah (Sallallahu Alaihi Wa Aalaehi Wa Sallam) Ne Farmaya :
Anbiya-E-Kiram Qayamat Ke Din Sawaari Ke Jaanwaron Par Sawaar Ho Kar Apni-Apni Qaum Ke Musalmanon Ke Saath Maidan-E-Mehshar Me Tashrif Laaeinge Aur Saaleh (Alaihis Salaam) Apni Ootani Par Laaye Jaaeinge Aur Mujhe Buraaq Par Laaya Jaayega, Jis Ka Qadam Us Kee Muntaha-E-Nigah Par Padega Aur Mere Aage-Aage Sayyidah Fatimah Hogi.
_

Ummul Momineen Hazrat Aaishah (Salaamullahi Alaiha) Farmati Hain Ki RasoolAllah (Sallallahu Alaihi Wa Aalaehi Wa Sallam) Ne Farmaya :
Roz-E-Qayamat Aik Needa’ Dene Waala Aawaaz Dega : Apni Nigaahe Jhuka Lo Taa Ki Fatimah Binte Muhammad-E-Mustafa (Sallallahu Alaihi Wa Aalaehi Wa Sallam) Guzar Jaaein.
__

Hazrat Abu Ayyub Ansari (RadiAllahu Ta’ala Anhu) Se Riwayat Hai : Roz-E-Qayamat Arsh Kee Gehraaiyon Se Aik Needa Dene Waala Aawaaz Dega :
Aye Mehshar Waalon ! Apne Saron Ko Jhuka Lo Aur Apni Nigaahein Nichi Kar Lo Taa Ki Fatimah Binte Muhammad (Sallallahu Alaihi Wa Aalaehi Wa Sallam) Pool Siraat Se Guzar Jaaein. Pas Aap Guzar Jaaeingi Aur Aap Ke Saath Hoor-E-iyn Me Se Chamakti Bijliyon Kee Tarah Sattar Hazaar-70,000 Khaadimaaein Hongi.
__

Hazrat Mawla Ali Riwayat Karte Hain Ki RasoolAllah (Sallallahu Alaihi Wa Aalaehi Wa Sallam) Ne Farmaya :
Meri Beti Sayyidah Fatimah Qayamat Ke Din Is Tarah Uthegi Ki Us Par Izzat Ka Joda Hoga Jise Aab-E-Hayaat Se Dhoya Gaya Hai.
Saari Makhlooq Use Dekh Kar Dang Rah Jaaeingi, Phir Use Jannat Ka Libaas Pehnaaya Jaaega Jis Ka Har Hullah Hazaar Hullo’n Par Mushtamil Hoga, Har Aik Par Sabz Khat Se Likha Hoga:
Muhammad Kee Beti Ko Ahsan Soorat, Akmal Haybat, Tamam Tar Karaamat Aur Be-Panaah Izzat Wa Ehtaraam Se Jannat Me Le Jaao.
Pas Aap Ko Dulhan Kee Tarah Saja Kar Sattar Hazaar-70,000 Huron Ke Jhurmut Me Jannat Kee Taraf Laaya Jaaega

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s