Manaqib e Hazrat Sayyidah Khadijah al Kubra SalamUllahAlaiha

“Hazrat Aaishah Siddiqua RadiyAllahu Ta’ala Anha Farmati Hain Ki Mein Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Ajwaaz Mutahharaat Me Se Kisi Par Itna Rashk Nahin Karti Jitna Hazrat Khadijah RadiyAllahu Ta’ala Anha Par, Hala’n Ki Woh Mere Nikaah Se Pehle Hee Wafaat Paa Chuki Thi’n, Lekin Mein Aap SallAllahu Ta’ala Alayhi Wa Aalihi Wa Sallam Ko Un Ka (Kasrat Se) Dhikr Farmate Huwe Sunti Thi Ki Allah Ta’ala Ne Aap SallAllahu Ta’ala Alayhi Wa Aalihi Wa Sallam Ko Hukm Farmaya Ki Khadija Ko Motiyon Ke Mahal Kee Bashaarat De Dijiye Aur Jab Aap SallAllahu Ta’ala Alayhi Wa Aalihi Wa Sallam Koi Bakari Zabah Farmate To Aap SallAllahu Ta’ala Alayhi Wa Aalihi Wa Sallam Un Kee Saheliyon Ko Itna Gosht Bhejte Jo Unhein Kifaayat Kar Jaata.”

Yeh Hadith Muttafaque Alayh Hai.

[Bukhari Fi As-Sahih, 03/1388, Raqam-3605,

Muslim Fi As-Sahih, 04/1888, Raqam-2435,

Ahmad Bin Hanbal Fi Al-Musnad, 06/58, Raqam-24355,

Bayhaqui Fi As-Sunan-ul-Kubra, 07/307, Raqam-14574,

Ghayat-ul-Ijabah Fi Manaqib-il-Qarabah,/ 223, Raqam-272.]

“Hazrat Aboo Hurayrah RadiyAllahu Ta’ala Anhu Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Bargah Me Hazrat Jibar’il عَلَيْهِ السَّلَام Aa Kar Arz Guzaar Huwe :
Ya RasoolAllah  ﷺ!
Yeh Khadija Hain Jo Aik Bartan Le Kar Aa Rahin Hain Jis Me Saalan Aur Khaane Peene Kee Chizein Hain, Jab Yeh Aap Ke Paas Aaein To Inhein Un Ke Rab Ka Aur Mera Salaam Kahiye Aur Inhein Jannat Me Motiyon Ke Mahal Kee Bashaarat De Dijiye, Jis Me Na Koi Shor Hoga Aur Na Koi Taklif Hogi.”

Yeh Hadith Muttafaque Alayh Hai.

[Bukhari Fi As-Sahih, 03/1389, Raqam-3609,

Muslim Fi As-Sahih,04/1887, Raqam-2432,

Ibn Abi Shaybah Fi Al-Musannaf, 06/390, Raqam-32287,

Ghayat-ul-Ijabah Fi Manaqib-il-Qarabah,/224, Raqam-273.]

“Hazrat Ismail Se Marwi Hai Ki Hazrat Abd-ul-Allah Bin Awfa RadiyAllahu Ta’ala Anhu Se Poochha Gaya Ki Kya Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Hazrat Khadijah RadiyAllahu Ta’ala Anha Ko Bashaarat Dee Thi ?
Unhone Jawaab Diya, Haa’n, Aap SallAllahu Ta’ala Alayhi Wa Aalihi Wa Sallam Ne Unhein (Jannat Me) Aise Mahal Kee Bashaarat Dee Thi Jo Motiyon Se Bana Hoga Aur Us Me Na Shor Wa Ghul Hoga Aur Na Koi Aur Taklif Hogi.”

Yeh Hadith Muttafaque Alayh Hai.

[Bukhari Fi As-Sahih, 03/1389, Raqam-3608,

Muslim Fi As-Sahih, 04/1887, Raqam-2433,

Ibn Abi Shaybah Fi Al-Musannaf, 06/390, Raqam-32288,

Ghayat-ul-Ijabah Fi Manaqib-il-Qarabah,/224, 225, Raqam-274.]

Hazrat Ali RadiyAllahu Ta’ala Anhu Se Riwayat Hai Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Apne Zamaane Kee Sab Se Behtareen Aurat Maryam Hain Aur (Isi Tarah) Apne Zamaane Kee Sab Se Behtareen Aurat Khadijah Hain.”

Yeh Hadith Muttafaque Alayh Hai.

[Bukhari Fi As-Sahih, 03/1388, Raqam-3604,

Muslim Fi As-Sahih, 04/1886, Raqam-2430,

Ibn Abi Shaybah Fi Al-Musannaf, 06/390, Raqam-32289,

Ghayat-ul-Ijabah Fi Manaqib-il-Qarabah,/225, Raqam-275.]

Hazrat Aaishah Siddiqua RadiyAllahu Ta’ala Anha Se Riwayat Hain Ki Hazrat Khadijah RadiyAllahu Ta’ala Anha Kee Bahan Haalah Binte Khuwaylid Ne RasoolAllah SallAllahu Ta’ala Alayhi Wa Aalihi Wa Sallam Se Andar Aane Kee Ijaazat Talab Kee To Aap SallAllahu Ta’ala Alayhi Wa Aalihi Wa Sallam Use Hazrat Khadijah RadiyAllahu Ta’ala Anha Ka Ijaazat Talab Karna Samajh Kar Kuchh Larzah Bar’andaam Se Ho Gaye.
Phir Farmaya :
Khudaaya !”
Yeh To Haala’n Hai.
Hazrat Aaishah Siddiqua RadiyAllahu Ta’ala Anha Farmati Hain Ki Mujhe Rashk Huwa.
Pas Mein Arz Guzaar Huwi Ki Aap Quraysh Kee Aik Surkh Rukhsaaron Waali Budhiya Ko Itna Yaad Farmate Rehte Hain, Jinhein Fowt Huwe Bhi Aik Zamaana Beet Gaya Hai Kya Allah Ta’ala Ne Aap Ko Un Ka Neam-ul-Badal Ata’ Nahin Farma Diya Hai ?”

Yeh Hadith Muttafaque Alayh Hai.

[Bukhari Fi As-Sahih, 03/1389, Raqam-3610,

Muslim Fi As-Sahih, 04/1889, Raqam-2437,

Bayhaqui Fi As-Sunan-ul-Kubra, 07/307, Raqam-14573,

Ghayat-ul-Ijabah Fi Manaqib-il-Qarabah,/225, 226, Raqam-276.]

“Hazrat Aaishah Siddiqua RadiyAllahu Ta’ala Anha Farmati Hain Ki Mujhe Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Kisi Zawjah Mutahharah Par Itna Rashk Nahin Aata Jitna Hazrat Khadijah RadiyAllahu Ta’ala Anha Par, Haala’n Ki Mein Ne Unhien Dekha Nahin Hai, Lekin Huzoor Nabi-E-Akram SallAllahu Ta’ala Alayhi Wa Aalihi Wa Sallam Aksar Un Ka Zikr Farmate Rehte They Aur Jab Aap SallAllahu Ta’ala Alayhi Wa Aalihi Wa Sallam Koi Bakari Zabah Farmate To Us Ke Aazaa’ Ko Alaahidah Alaahidah Kar Ke Unhein Hazrat Khadijah RadiyAllahu Ta’ala Anha Kee Milne Waali Aurton Ke Haa’n Bhejte.
Kabhi Mein Itna Arz Kar Deti Ki Duniya Me Kya Hazrat Khadijah Ke Siwa Koi Aurat Nahin Hai ?
To Aap SallAllahu Ta’ala Alayhi Wa Aalihi Wa Sallam Farmate :
Haa’n Woh Aisi Hee Yagaanah Rozgaar Thi’n Aur Meri Aulaad Bhi Un Se Hai.”

Is Hadith Ko Imam Bukhari Ne Riwayat Kiya Hai.

[Bukhari Fi As-Sahih,03/1389, Raqam-3607,

Ghayat-ul-Ijabah Fi Manaqib-il-Qarabah,/226, 227, Raqam-277.]

“Hazrat Aaishah Siddiqua RadiyAllahu Ta’ala Anha Se Riwayat Hai Ki Mein Ne Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Azwaaj-E-Mutahharaat Me Se Kisi Par Rashk Nahin Kiya, Siwaaye Hazrat Khadijah RadiyAllahu Ta’ala Anha Ke (Ya’ni Mein Un Par Rashk Kiya Karti Thi) Aur Mein Ne Hazrat Khadijah RadiyAllahu Ta’ala Anha Ka Zamaana Nahin Paaya.
Sayyidah Aaishah RadiyAllahu Ta’ala Anha Farmati Hain Ki RasoolAllah SallAllahu Ta’ala Alayhi Wa Aalihi Wa Sallam Jab Bhi Bakari Zabah Karte They To Aap SallAllahu Ta’ala Alayhi Wa Aalihi Wa Sallam Farmate Ke Is Ka Gosht Hazrat Khadijah Kee Saheliyon Ke Haa’n Bhej Do.
Sayiidah Aaishah RadiyAllahu Ta’ala Anha Farmati Hain Ki Mein Aik Din Ghusse Me Aa Gayi Aur Mein Ne Kaha :
Khadijah, Khadijah Hee Ho Raha Hai.
To Huzoor Nabi-E-Akram SallAllahu Ta’ala Alayhi Wa Aalihi Wa Sallam Farmaya Ki Khadijah Kee Muhabbat Mujhe Ata’ Kee Gayi Hai.”

Is Hadith Ko Imam Muslim Ne Riwayat Kiya Hai.

[Muslim Fi As-Sahih, 04/1888, Raqam-2435,

Ibn Hibban Fi As-Sahih, 15/467, Raqam-7006,

Ghayat-ul-Ijabah Fi Manaqib-il-Qarabah,/227, Raqam-278.]

“Hazrat Aaishah Siddiqua RadiyAllahu Ta’ala Anha Farmati Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Hazrat Khadijah RadiyAllahu Ta’ala Anha Kee Maujoodagi Me Doosari Shaadi Nahin Farmaayi Yaha’n Tak Ki Hazrat Khadijah RadiyAllahu Ta’ala Anha Ka Intiqaal Ho Gaya.”

Is Hadith Ko Imam Muslim Ne Riwayat Kiya Hai.

[Muslim Fi As-Sahih, 04/1889, Raqam-2436,

Hakim Fi Al-Mustadrak, 03/205, Raqam-4855,

Abd Bin Humayd Fi Al-Musnad, 01/429, Raqam-1475,

Ghayat-ul-Ijabah Fi Manaqib-il-Qarabah,/228, Raqam-279.]

Hazrat Aaishah Siddiqua RadiyAllahu Ta’ala Anha Bayan Karti Hain Ki Mein Ne Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Azwaaj-E-Mutahharaat Me Se Kisi Aurat Par Itna Rashk Nahin Kiya Jitna Ki Mein Ne Hazrat Khadijah RadiyAllahu Ta’ala Anha Par Rashk Kiya Hai Kyun Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Un Ka Kasrat Se Zikr Farmaya Karte They Haala’n Ki Mein Ne Un Ko Kabhi Nahin Dekha Tha.”

Is Hadith Ko Imam Muslim Ne Riwayat Kiya Hai.

[Muslim Fi As-Sahih, 04/1889, Raqam-2435,

Ghayat-ul-Ijabah Fi Manaqib-il-Qarabah,/228, Raqam-280.]

Hazrat Sayyidah Aaishah Siddiqua RadiyAllahu Ta’ala Anha Farmati Hain Ki Mein Ne Kisi Aurat Par Is Qadar Rashk Nahin Kiya Jis Qadar Ki Mein Ne Hazrat Khadijah RadiyAllahu Ta’ala Anha Par Rashk Kiya Aur Hazrat Khadijah RadiyAllahu Ta’ala Anha Meri Shaadi Se Teen-03 Saal Pehle Wafaat Paa Chuki Thi’n (Aur Mein Yeh Rashk Us Waqt Kiya Karti Thi) Ki Jab Aap SallAllahu Ta’ala Alayhi Wa Aalihi Wa Sallam Hazrat Khadijah RadiyAllahu Ta’ala Anha Ka Zikr Farmaya Karte They Aur Aap SallAllahu Ta’ala Alayhi Wa Aalihi Wa Sallam Ko Aap SallAllahu Ta’ala Alayhi Wa Aalihi Wa Sallam Ke Parwardigaar Ne Hukm Farmaya Ki Hazrat Khadijah RadiyAllahu Ta’ala Anha Ko Jannat Me Khooldaar Motiyon Se Bane Huwe Ghar Kee KhushKhabari De Do Aur Aap SallAllahu Ta’ala Alayhi Wa Aalihi Wa Sallam Jab Bhi Bakari Zabah Karte They To Hazrat Khadijah RadiyAllahu Ta’ala Anha Kee Saheliyon Ko Gosht Bheja Karte They.”

Is Hadith Ko Imam Muslim Ne Riwayat Kiya Hai.

[Muslim Fi As-Sahih, 04/1888, Raqam-2435,

Ghayat-ul-Ijabah Fi Manaqib-il-Qarabah,/228, 229, 281.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s