Hadith Sayyidah Fatimah سلام الله عليها Ke Jaame’ Manaqib Ka Bayan

Sayyidah Fatimah سلام الله عليها Ke Jaame’ Manaqib Ka Bayan

Hazrat Aaishah Siddiqua RadiyAllahu Ta’ala Anha Farmati Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Apne Marz-E-Wisaal Me Apni Saahabzadi Hazrat Fatimah RadiyAllahu Ta’ala Anha Ko Bulaaya Phir Un Se Sargoshi Farmaayi To Woh Rone Lagi’n.
Phir Unhein Qaarib Bula Kar Sargoshi Kee To Woh Hans Padi’n.
Hazrat Aaishah Siddiqua RadiyAllahu Ta’ala Anha Farmati Hain :
Mein Ne Is Baare Me Sayyidah سلام الله عليها Se Puchha To Unhone Bataaya :
Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Mere Kaan Me Farmaya Ki Aap SallAllahu Ta’ala Alayhi Wa Aalihi  Wa Sallam Ka Isi Marz Me Wisaal Ho Jaayega.
Pas Mein Rone Lagi, Phir Aap SallAllahu Ta’ala Alayhi Wa Aalihi  Wa Sallam Ne Sargoshi Karte Huwe Mujhe Bataaya Ki Mere Ahl-E-Bait Me Sab Se Pehle Tum Mere Baad Aawogi Is Par Mein Hans Padi.”

Yeh Hadith Muttafaque Alayh Hai.

[Bukhari Fi As-Sahih, 03/1361, Raqam-3511,

03/1327, Raqam-3427,

Muslim Fi As-Sahih, 04/1904, Raqam-2450,

Nasa’i Fi Faza’il-us-Sahabah/77, Raqam-296,

Ahmad Bin Hanbal Fi Al-Musnad, 06/77,

Ahmad Bin Hanbal Fi Faza’il-us-Sahabah, 02/754, Raqam-1322,

Ghayat-ul-Ijabah Fi Manaqib-il-Qarabah,/101, 102, Raqam-105.]

Hazrat Masruq RadiyAllahu Ta’ala Anhu Riwayat Karte Hain Ki Ummul Momineen Hazrat Aaishah Siddiqua RadiyAllahu Ta’ala Anha Ne Farmaya :
Hum Huzoor Nabi-E-Akram SallAllahu Ta’ala Alayhi Wa Aalihi  Wa Sallam Kee Azwaaj-E-Mutahharaat Aap SallAllahu Ta’ala Alayhi Wa Aalihi  Wa Sallam Ke Paas Jama’ Thi’n Aur Koi Aik Bhi Hum Me Se Ghair Haazir Na Thi, Itne Me Hazrat Fatimat-uz-Zahra RadiyAllahu Ta’ala Anha Waha’n Tashrif Le Aayin, To Allah Kee Qasam Un Ka Chalna Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ke Chalne Se Zarrah Bhar Mukhtalif Na Tha.”

Yeh Hadith Muttafaque Alayh Hai Aur Alfaz Bukhari Ke Hain.

[Bukhari Fi As-Sahih, 05/2317, Raqam-5928,

Muslim Fi As-Sahih, 04/1905, Raqam-2450,

Nasa’i Fi Faza’il-us-Sahabah/77, Raqam-263,

Ahmad Bin Hanbal Fi Faza’il-us-Sahabah, 02/762, Raqam-1342,]

Tayalisi Fi Al-Musnad,/196, Raqam-1373,

Ibn Sa’d Fi At-Tabaqat-ul-Kubra, 02/247,

Dulabi Fi Adh-Dhurriyat-ut-Tahirah, 01/101, 102, Raqam-188,

Ghayat-ul-Ijabah Fi Manaqib-il-Qarabah,/102, Raqam-106.]

Hazrat Aaishah Siddiqua RadiyAllahu Ta’ala Anha Bayan Karti Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Kee Tamam Azwaaj Jama’ Thi’n Aur Koi Bhi Ghair Haazir Nahin Thi.
Itne Me Hazrat Fatimah RadiyAllahu Ta’ala Anha Aayin Jin Kee Chaal RasoolAllah SallAllahu Ta’ala Alayhi Wa Aalihi  Wa Sallam Ke Chalne Ke Mushaabeh Thi.
Aap SallAllahu Ta’ala Alayhi Wa Aalihi  Wa Sallam Ne Farmaya :
Marhaba (KhushAamadid) Meri Beti !
Phir Unhien Apni Daayi’n Ya Baayi’n Jaanib Bitha Liya.”

Ise Imam Muslim, Ibn Majah Aur Nasa’i Ne Riwayat Kiya Hai.

[Mulim Fi As-Sahih, 04/1905, 1906, Raqam-2450,

Ibn Majah Fi As-Sunan, 01/518, Raqam-1620,

Nasa’i Fi As-Sunan-ul-Kubra, 04/251, Raqam-7078,

05/96, 146, Raqam-8368, 8516, 8517,

Nasa’i Fi Faza’il-us-Sahabah/77, Raqam-263,

Nasa’i Fi Kitab-ul-Wafah, 01/20, Raqam-02,

Ghayat-ul-Ijabah Fi Manaqib-il-Qarabah,/102, 103, Raqam-107.]

Ummul Momineen Hazrat Aaishah RadiyAllahu Ta’ala Anha Riwayat Karti Hain Ki Mein Ne Huzoor Nabi-E-Akram SallAllahu Ta’ala Alayhi Wa Aalihi  Wa Sallam Kee Saahabazaadi Sayyidah Fatimah سلام الله عليها Se Badh Kar Kisi Ko Aadaat Wa Atwaar, Sirat Wa Kirdaar Aur Nishast Wa Barkhaast Me Aap SallAllahu Ta’ala Alayhi Wa Aalihi  Wa Sallam Se Mushaabihat Rakhne Waala Nahin Dekha.”

Is Hadith Ko Imam Tirmidhi Aur Aboo Dawood Ne Riwayat Kiya Hai.

[Tirmidhi Fi As-Sunan, 05/700, Raqam-3872,

Aboo Dawood Fi As-Sunan, 04/355, Raqam-5217,

Nasa’i Fi Faza’il-us-Sahabah/78, Raqam-264,

Hakim Fi Al-Mustadrak, 04/303, Raqam-7715,

Bayhaqui Fi As-Sunan-ul-Kubra, 05/96,

Ibn Sa’d Fi At-Tabaqat-ul-Kubra, 02/248,

Ibn Jawzi Fi Sifat-us-Safwah, 02/06, 07,

Ghayat-ul-Ijabah Fi Manaqib-il-Qarabah,/103, 104, Raqam-108.]

Ummul Momineen Hazrat Aaishah RadiyAllahu Ta’ala Anha Farmati Hain Ki Mein Ne Andaaz-E-Guftagu Me Hazrat Fatimat-uz-Zahra RadiyAllahu Ta’ala Anha Se Badh Kar Kisi Ko Huzoor Nabi-E-Akram SallAllahu Ta’ala Alayhi Wa Aalihi  Wa Sallam Se Is Qadar Mushaabahat Rakhne Waala Nahin Dekha.”

Is Hadith Ko Imam Bukhari Ne “Al-Adab-ul-Mufrad” Me Aur Imam Nasa’i Ne Ibn Hibban Ne Riwayat Kiya Hai.

[Bukhari Fi Al-Adab-ul-Mufrad, 01/326, 377, Raqam-947, 971,

Nasa’i Fi As-Sunan-ul-Kubra, 05/391, Raqam-9236,

Ibn Hibban Fi As-Sahih, 15/403, Raqam-6953,

Hakim Fi Al-Mustadrak, 03/167, 174, Raqam-4732, 4753,

Tabarani Fi Al-Mu’jam-ul-Awsat, 04/242, Raqam-40890,

Bayhaqui Fi As-Sunan-ul-Kubra, 07/101,

Ibn Rahwayh Fi Al-Musnad, 01/08, Raqam-06,

Ghayat-ul-Ijabah Fi Manaqib-il-Qarabah,/104, Raqam-109.]

Hazrat Abd-ul-Allah Bin Abbas RadiyAllahu Ta’ala Anhuuma Riwayat Karte Hain Ki Jab Aayat :
“Jab Allah Kee Madad Aur Fateh Aa Pahunchi.”
Naazil Huwi To Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Hazrat Fatimah سلام الله عليها Ko Bulaaya Aur Farmaya :
Meri Wafat Kee Khabar Aa Gayi Hai, Woh Ro Padi’n.
Aap SallAllahu Ta’ala Alayhi Wa Aalihi  Wa Sallam Ne Farmaya :
Mat Ro, BeShak Tum Mere Ghar Waalon Me Sab Se Pehle Mujh Se Milogi To Woh Hans Padi’n, Is Baat Ko Aap SallAllahu Ta’ala Alayhi Wa Aalihi  Wa Sallam Kee Baaz Azwaaj Ne Bhi Dekha.
Unhone Kaha :
Fatimah !
(Kya Maajara Hai), Hum Ne Aap Ko Pehle Rote Aur Phir Hanste Huwe Dekha Hai ?
Aap Ne Jawaab Diya :
Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Mujhe Bataaya :
Meri Wafaat Ka Waqt Aa Pahuncha Hai.
(Is Par) Mein Ro Padi, Phir Aap SallAllahu Ta’ala Alayhi Wa Aalihi  Wa Sallam Ne Farmaya :
Mat Ro, Tum Mere Khaadndaan Me Sab Se Pehle Mujhe Milogi, To Mein Hans Padi.”

Is Hadith Ko Imam Darmi Ne Riwayat Kiya Hai.

[Darami Fi As-Sunan, 01/08, Raqam-06,

Ibn Kathir Fi Tafsir-ul-Qr’an Al-Azim, 04/561,

Ghayat-ul-Ijabah Fi Manaqib-il-Qarabah,/104, 105, Raqam-110.]

Hazrat Anas Bin Maalik RadiyAllahu Ta’ala Anhu Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Sayyidah Fatimah RadiyAllahu Ta’ala Anha Ke Liye Khusoosi Duaa Farmaayi :
Aye Allah ﷻ!
Mein (Apni) Is (Beti) Aur Is Kee Awlaad Ko Shaitaan Mardood Se Teri Panaah Me Deta Hoo’n.”

Is Hadith Ko Imam Ibn Hibban, Ahmad Aur Tabarani Ne Riwayat Kiya Hai.

[Ibn Hibban Fi As-Sahih, 15/394, 395, Raqam-6944,

Tabarani Fi Al-Mu’jam-ul-Kabir, 22/409, Raqam-1021,

Ahmad Bin Hanbal Fi Faza’il-us-Sahabah, 02/762, Raqam-1342,

Haythami Fi Mawarid-uz-Zaman, 550, 551, Raqam-2225,

Ibn Jawzi Fi Tadhkirat-ul-Khawas, 01/277,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/67,

Ghayat-ul-Ijabah Fi Manaqib-il-Qarabah,/105, 106, Raqam-111.]

Hazrat Anas Bin Malik RadiyAllahu Ta’ala Anhu Se Marwi Hai Ki Koi Bhi Shakhs Hazrat Hasan Bin Ali Aur Hazrat Fatimat-uz-Zahra’ Se Badh Kar Huzoor Nabi-E-Akram SallAllahu Ta’ala Alayhi Wa Aalihi  Wa Sallam Se Mushaabahat Rakhne Waala Nahin Tha.”

Is Hadith Ko Imam Ahmad Bin Hanbal Ne Riwayat Kiya Hai.

[Ahmad Bin Hanbal Fi Al-Musnad, 03/164,

Ghayat-ul-Ijabah Fi Manaqib-il-Qarabah,/106, Raqam-112.]

Hazrat Umme Salma RadiyAllahu Ta’ala Anha Riwayat Karti Hain Ki Jab Sayyidah Fatimah سلام الله عليها Apni Marz-E-mout Me Mubtila Huwi’n To Mein Un Kee Timaardaari Karti Thi.
Bimaari Ke Is Poore Arse Ke Dauraan Jaha’n Tak Mein Ne Dekha Aik Subah Un Kee Haalat Behtar Thi.
Hazrat Ali RadiyAllahu Ta’ala Anhu Kisi Kaam Se Baahar Gaye.
Sayyidah Qa’inaat Ne Kaha :
Aye Amma’n !
Mere Ghusl Ke Liye Paani Laaein.
Mein Paani Laayi.
Aap Ne Jaha’n Tak Mein Ne Dekha Behtarin Ghusl Kiya.
Phir Boli’n :
Amma’n Ji !
Mujhe Naya Libaas Dey’n.
Mein Ne Aisa Hee Kiya Aap Qibla Rukh Ho Kar Leyt Gayin.
Haath Rukhsaar Mubaarak Ke Niche Kar Liya Phir Farmaya :
Amma’n Ji :
Ab Meri Wafaat Ho Jaayegi, Mein (Ghusl Kar Ke) Paak Ho Chuki Hoo’n, Lihaaza Mujhe Koi Na Khole Pas Usi Jagah Aap Kee Wafaat Ho Gayi.
Hazrat Umme Salma Bayan Karti Hain Ki Phir Hazrat Ali KarramAllahu Ta’ala Waj’hah-ul-Karim Tashrif Laaye To Mein Ne Unhein Saari Baat Bataayi.”

Ise Ahmad Ne Riwayat Kiya Hai.

[Ahmad Bin Hanbal Fi Faza’il-us-Sahabah, 06/461, Raqam-27656, 27657,

Dulabi Fi Adh-Dhurriyat-ut-Tahirah, 01/113,

Zayla’iy Fi Nasb-ur-Rayah, 02/250,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/103,

Haythami Fi Majma’-uz-Zawa’id, 09/210,

Ibn Athir Fi Usd-ul-Ghabah Fi Ma’rifah As-Sahabah, 07/221,

Ghayat-ul-Ijabah Fi Manaqib-il-Qarabah,/106, 107, Raqam-113.]

Hazrat Jaabir RadiyAllahu Ta’ala Anhu Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
Har Maa’n Kee Awlaad Ka Oosbah (Baap) Hota Hai Jis Kee Taraf Woh Mansub Hoti Hai, Siwaaye Fatimah Ke Beton Ke, Ki Mein Hee Un Ka Wali Aur Mein Hee Un Ka Nasab Hoo’n.”

Is Hadith Ko Imam Hakim Ne Riwayat Kiya Hai.

[Hakim Fi Al-Mustadrak, 03/179, Raqam-4770,

Sakhawi Fi Istijlab Irtiqa’ Al-Ghuraf, 01/130,

Ghayat-ul-Ijabah Fi Manaqib-il-Qarabah,/107, Raqam-114.]

Roz-E-Qayamat Sayyidah Fatimah سلام الله عليها Ke Maqam Wa Martabe Ka Bayan

Roz-E-Qayamat Sayyidah Fatimah سلام الله عليها Ke Maqam Wa Martabe Ka Bayan

Hazrat Ali RadiyAllahu Ta’ala Anhu Se Riwayat Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Sayyidah Fatimah سلام الله عليها Se Farmaya :
(Aye Fatimah !) Mein, Too Aur Yeh Donon (Hasan Wa Husain) Aur Yeh Sone Waala (Hazrat Ali RadiyAllahu Ta’ala Anhu Kyun Ki Ua Waqt Aap So Kar Uthey Hee They) Roz-E-Qayamat Aik Hee Jagah Honge.”

Is Hadith Ko Imam Ahmad Aur Bazzar Ne Riwayat Kiya Hai.

[Ahmad Bin Hanbal Fi Al-Musnad, 01/101,

Ahmad Bin Hanbal Fi Faza’il-us-Sahabah, 02/692, Raqam-1183,

Bazzar Fi Al-Musnad, 03/29, 30, Raqam-779,

Shaybani Fi As-Sunnah, 02/598, Raqam-1322,

Haythami Fi Majma’-uz-Zawa’id, 09/169, 170,

Ibn Athir Fi Usd-ul-Ghabah Fi Ma’rifah As-Sahabah, 07/220,

Ghayat-ul-Ijabah Fi Manaqib-il-Qarabah,/96, Raqam-96.]

Hazrat Ali KarramAllahu Ta’ala Waj’hah-ul-Karim Bayan Karte Hain Ki Mein Ne Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ko Yeh Farmate Huwe Suna :
Qayamat Ke Din Aik Needa’ Dene Waala Parde Ke Pichhe Se Aawaaz Dega :
Aye Ahl-E-Mehshar !
Apni Nigaahein Jhuka Lo Taa Ki Fatimah Binte Mustafa SallAllahu Ta’ala Alayhi Wa Aalihi  Wa Sallam Guzar Jaaein.”

Is Hadith Ko Imam Hakim Ne Riwayat Kiya Hai.

[Hakim Fi Al-Mustadrak, 03/166, Raqam-4728,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/94,

Ibn Athir Fi Usd-ul-Ghabah Fi Ma’rifah As-Sahabah, 07/220,

Ajlooni Fi Kashf-ul-Khafa’, 01/101, Raqam-263,

Ghayat-ul-Ijabah Fi Manaqib-il-Qarabah,/96, 97, Raqam-97.]

Hazrat Aboo Hurayrah RadiyAllahu Ta’ala Anhu Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
Anbiya-E-Kiram Qayamat Ke Din Suwaari Ke Jaanwaron Par Suwaar Ho Kar Apni-Apni Qaum Ke Musalmanon Ke Saath Maidan-E-Mehshar Me Tashrif Laaeinge Aur Saaleh Apni Ootani Par Laaye Jaaeinge Aur Mujhe Buraaq Par Laaya Jaayega, Jis Ka Qadam Us Kee Muntaha-E-Nigah Par Padega Aur Mere Aage-Aage Sayyidah Fatimah Hogi.”

Is Hadith Ko Imam Hakim Ne Riwayat Kiya Hai.

[Hakim Fi Al-Mustadrak, 03/166, Raqam-4727,

Ghayat-ul-Ijabah Fi Manaqib-il-Qarabah,/97, Raqam-98.]

Hazrat Ali RadiyAllahu Ta’ala Anhu Bayan Karte Hain Ki RasoolAllah SallAllahu Ta’ala Alayhi Wa Aalihi  Wa Sallam Ne Mujhe Bataaya :
(Mere Saath) Sab Se Pehle Jannat Me Daakhil Hone Waalon Me, Mein, Fatimah, Hasan Aur Husain Honge.
Mein Ne Arz Kiya :
Ya RasoolAllah  ﷺ!
Hum Se Muhabbat Karne Waale Kaha’n Honge ?
Aap SallAllahu Ta’ala Alayhi Wa Aalihi  Wa Sallam Ne Farmaya :
Tumhare Pichhe Honge.”

Is Hadith Ko Imam Hakim Ne Riwayat Kiya Hai.

[Hakim Fi Al-Mustadrak, 03/164, Raqam-4723,

Ibn Asakir Fi Tarikh Dimishq Al-Kabir, 14/173,

Hindi Fi Kanz-ul-Ummal, 12/98, Raqam-34166,

Haytami Fi As-Sawa’iq-ul-Muharriqah, 02/448,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/214,

Ghayat-ul-Ijabah Fi Manaqib-il-Qarabah,/97, 98, Raqam-99.]

Hazrat Ali KarramAllahu Ta’ala Waj’hah-ul-Karim Se Riwayat Hai Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
Mein, Ali, Fatimah, Hasan Wa Husain Aur Hum Se Muhabbat Karne Waale Sab Roz-E-Qayamat Aik Hee Jagah Ikaththe Honge.
Qayamat Ke Din Hamara Khaana Pina Bhi Ikaththa Hoga, Yaha’n Tak Ki Logo’n Me Faisle Kar Diye Jaaeinge.”

Is Hadith Ko Imam Tabarani Ne Riwayat Kiya Hai.

[Tabarani Fi Al-Mu’jam-ul-Kabir, 03/41, Raqam-2623,

Haythami Fi Majma’-uz-Zawa’id, 09/174,

Ghayat-ul-Ijabah Fi Manaqib-il-Qarabah,/98, Raqam-100.]

Hazrat Aaishah RadiyAllahu Ta’ala Anha Farmati Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
Roz-E-Qayamat Aik Needa’ Dene Waala Aawaaz Dega :
Apni Nigaahe Jhuka Lo Taa Ki Fatimah Binte Muhammad-E-Mustafa SallAllahu Ta’ala Alayhi Wa Aalihi  Wa Sallam Guzar Jaaein.”

Is Hadith Ko Khatib Baghdadi Ne Riwayat Kiya Hai.

[Khatib Al-Baghdadi Fi Tarikh Baghdad, 08/142,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba,/94,

Ghayat-ul-Ijabah Fi Manaqib-il-Qarabah,/98, Raqam-101.]

Hazrat Ali Bin Abi Talib RadiyAllahu Ta’ala Anhuma Se Riwayat Hai Ki RasoolAllah SallAllahu Ta’ala Alayhi Wa Aalihi  Wa Sallam Ne Farmaya :
Qayamat Ke Din Mujhe Buraaq Par Aur Fatimah Ko Meri Suwaari Azbaa’ Par Bithaaya Jaaega.”

Is Hadith Ko Imam Ibn Asakir Ne Riwayat Kiya Hai.

[Ibn Asakir Fi Tarikh Dimishq Al-Kabir, 10/353,

Ghayat-ul-Ijabah Fi Manaqib-il-Qarabah,/99, Raqam-102.]

Hazrat Aboo Ayyub Ansari RadiyAllahu Ta’ala Anhu Se Riwayat Hai :
Roz-E-Qayamat Arsh Kee Gehraaiyon Se Aik Needa Dene Waala Aawaaz Dega :
Aye Mehshar Waalon !
Apne Saron Ko Jhuka Lo Aur Apni Nigaahein Nichi Kar Lo Taa Ki Fatimah Binte Muhammad SallAllahu Ta’ala Alayhi Wa Aalihi  Wa Sallam Pool Siraat Se Guzar Jaaein.
Pas Aap Guzar Jaaeingi Aur Aap Ke Saath Hoor-E-Iyn Me Se Chamakti Bijliyon Kee Tarah Sattar Hazaar-70.000 Khaadimaaein Hongi.”

Is Hadith Ko Muhibb Tabari Ne Riwayat Kiya Hai.

[Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/94,

Hindi Fi Kanz-ul-Ummal, 12/105, 106, Raqam-34210,

Ibn Jawzi Tadhkirat-ul-Khawas, 01/279,

Haytami Fi As-Sawa’iq-ul-Muharriqah, 02/557,

Manawi Fi Fayd-ul-Qadir, 01/420, 429,

Ghayat-ul-Ijabah Fi Manaqib-il-Qarabah,/99, Raqam-103.]

Hazrat Ali KarramAllahu Ta’ala Waj’hah-ul-Karim Rowayat Karte Hain Ki RasoolAllah SallAllahu Ta’ala Alayhi Wa Aalihi  Wa Sallam Ne Farmaya :
Meri Beti Sayyidah Fatimah Qayamat Ke Din Is Tarah Uthegi Ki Us Par Izzat Ka Joda Hoga Jise Aab-E-Hayaat Se Dhoya Gaya Hai.
Saari Makhlooq Use Dekh Kar Dang Rah Jaaeingi, Phir Use Jannat Ka Libaas Pehnaaya Jaaega Jis Ka Har Hullah Hazaar Hullo’n Par Mushtamil Hoga, Har Aik Par Sabz Khat Se Likha Hoga :
Muhammad Kee Beti Ko Ahsan Soorat, Akmal Haybat, Tamam Tar Karaamat Aur Be-Panaah Izzat Wa Ehtaraam Se Jannat Me Le Jaao.
Pas Aap Ko Dulhan Kee Tarah Saja Kar Sattar Hazaar-70.000 Huron Ke Jhurmut Me Jannat Kee Taraf Laaya Jaaega.”

Is Hadith Ko Muhibb Tabari Ne Riwayat Kiya Hai.

[Muhibb-ud-Deen Tabari Fi Dhakha’ir-ul-Uqba Fi Manaqib Dhaw-il-Qurba, 01/95,

Ghayat-ul-Ijabah Fi Manaqib-il-Qarabah,/100, Raqam-104.]

Hadith Sayyidah Fatimah سلام الله عليها Kee Shaadi Se Muta’lliqah Umoor Ka Bayan

Sayyidah Fatimah سلام الله عليها Kee Shaadi Se Muta’lliqah Umoor Ka Bayan

Hazrat Miswar Bin Makhramah RadiyAllahu Ta’ala Anhu Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
BeShak Fatimah Mere Jigar Ka Tukada Hai Aur Us Kee Naaraazgi Mujhe Pasand Nahin.
Khua Kee Qasam Kisi Shakhs Ke Paas RasoolAllah Aur Dushman-E-Khuda Kee Betiya’n Jama’ Nahin Ho Sakti’n.”

Yeh Hadith Muttafaque Alayh Hai.

[Bukhari Fi As-Sahih, 03/1364, Raqam-3523,

Muslim Fi As-Sahih, 04/1903, Raqam-2448,

Ibn Majah Fi As-Sunan, 01/644, Raqam-1999,

Ahmad Bin Hanbal Fi Faza’il-us-Sahabah, 02/759, Raqam-1335,

Ibn Hibban Fi As-Sahih, 15/407, 408, 535, Raqam-6956, 6957, 7060,

Tabarani Fi Al-Mu’jam-ul-Kabir, 20/18, 19, 22/405, Raqam-1013,

Ghayat-ul-Ijabah Fi Manaqib-il-Qarabah,/92, Raqam-90.]

Hazrat Miswar Bin Makhramah RadiyAllahu Ta’ala Anhu Ne Riwayat Kiya Ki Unhone Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ko Minbar Par Farmate Suna :
Bani Hishaam Bin Mughirah Ne Apni Beti Ka Ali Se Rishta Karne Kee Mujh Se Ijaazat Maangi Hai.
Mein Unhein Ijaazat Nahin Deta Do Baarah Mein Unhein Ijaazat Nahin Deta, Seh Baarah Mein Unhein Ijaazat Nahin Deta Aur Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Yeh Bhi Farmaya :
Meri Beti Mere Jism Ka Hissa Hai, Us Kee Pareshaani Mujhe Pareshaan Karti Hai Aur Us Kee Taklif Mujhe Taklif Deti Hai.”

Is Hadith Ko Imam Muslim, Tirmidhi, Aboo Dawood Aur Ibn Majah Ne Riwayat Kiya Hai.

[Muslim Fi As-Sahih, 04/1902, Raqam-2449,

Tirmidhi Fi As-Sunan, 05/698, Raqam-3867,

Aboo Dawood Fi As-Sunan, 02/226, Raqam-2071,

Ibn Majah Fi As-Sunan, 01/643, Raqam-1998,

Nasa’i Fi As-Sunan-ul-Kubra, 05/147, Raqam-8518,

Ahmad Bin Hanbal Fi Al-Musnad, 04/328,

Ahmad Bin Hanbal Fi Faza’il-us-Sahabah, 02/756, Raqam-1328,

Ghayat-ul-Ijabah Fi Manaqib-il-Qarabah,/92, 93, Raqam-91.]

Hazrat Buraydah RadiyAllahu Ta’ala Anhu Se Riwayat Hai Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Hazrat Ali Aur Sayyadah Fatimah RadiyAllahu Ta’ala Anhuma Kee Shaadi Kee Raat Hazrat Ali RadiyAllahu Ta’ala Anhu Se Farmaya :
Mujhe Mile Baghair Koi Amal Na Karna Phir Aap SallAllahu Ta’ala Alayhi Wa Aalihi  Wa Sallam Ne Paani Mangwaaya, Is Se Wuzoo Kiya Phir Hazrat Ali RadiyAllahu Ta’ala Anhu Par Paani Daal Kar Farmaaya :
Aye Allah ﷻ!
In Donon Ke Haque Me Barkat Aur In Donon Par Barkat Naazil Farma, In Donon Ke Liye In Kee Awlaad Me Barkat Ata’ Farma.”

Is Hadith Ko Imam Nasa’i Imam Tabarani Ne Riwayat Kiya Hai.

[Nasa’i Fi As-Sunan-ul-Kubra, 06/76, Raqam-10088,

Nasa’i Fi Amal-ul-Yawm Wa’l-Laylah, /253, Raqam-258,

Rooyani Fi Al-Musnad, 01/77, Raqam-35,

Tabarani Fi Al-Mu’jam-ul-Kabir, 02/20, Raqam-1153,

Ibn Athir Fi Usd-ul-Ghabah, 07/217,

Ibn Sa’d Fi At-Tabaqat-ul-Kubra, 08/21,

Haythami Fi Majma’-uz-Zawa’id, 09/209,

Ghayat-ul-Ijabah Fi Manaqib-il-Qarabah,/31, 32, Raqam-92.]

Hazrat Abd-ul-Allah Bin Mas’ood RadiyAllahu Ta’ala Anhu Riwayat Karte Hain Ki Huzoor Nabi-E-Akram SallAllahu Ta’ala Alayhi Wa Aalihi  Wa Sallam Ne Farmaya :
Allah Ta’ala Ne Mujhe Hukm Farmaya Hai Ki Mein Fatimah Ka Nikaah Ali Se Karu’n.”

Is Hadith Ko Imam Tabrani Ne Riwayat Kiya Hai.

[Tabarani Fi Al-Mu’jam-ul-Kabir, 10/156, Raqam-10305,

Husayni Fi Al-Bayan Wa’t-Ta’rif, 01/174, Raqam-455,

Haythami Fi Majma’-uz-Zawa’id, 09/204,

Halabi Fi Al-Kashf-ul-Hathith, 01/174,

Manawi Fi Fayd-ul-Qadir, 02/215,

Ghayat-ul-Ijabah Fi Manaqib-il-Qarabah,/94, Raqam-93.]

Hazrat Anas RadiyAllahu Ta’ala Anhu Se Marwi Hai Ki RasoolAllah SallAllahu Ta’ala Alayhi Wa Aalihi  Wa Sallam Masjid Me Tashrif Farma They Ki Aap SallAllahu Ta’ala Alayhi Wa Aalihi  Wa Sallam Ne Hazrat Ali RadiyAllahu Ta’ala Anhu Se Farmaya :
Yeh Jibra’il عَلَيْهِ السَّلَام Mujhe Bata Rahe Hain Ki Allah Ta’ala Ne Fartimah Se Tumhaari Shaadi Kar Dee Hai Aur Tumhare Nikaah Par Chaalis Hazaar 40.000 Firishton Ko Gawaah Ke Taur Par Majlis-E-Nikaah Me Sharik Kiya Gaya, Aur Shajaraha-E-Tooba Se Farmaya :
In Par Moti Aur Yaaqoot Nichhaawar Karo Phir Dilkash Aankhon Waali Hoorein Un Motiyon Aur Yaaqooton Se Thaal Bharne Lagi’n.
Jinhein (Taqrib-E-Nikaah Me Shirkat Karne Waale) Firishte Qayamat Tak Aik Doosare Ko Bataure Tahaa’if Deinge.”

Is Hadith Ko Muhibb Tabari Ne Riwayat Kiya Hai.

[Muhibb-ud-Deen Tabari Fi Al-Riyad-un-Nadarah Fi Manaqib-il-Ashrah, 03/146,

Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/72,

Ghayat-ul-Ijabah Fi Manaqib-il-Qarabah,/94, 95, Raqqam-94.]

Hazrat Ali KarramAllahu Ta’ala Waj’hah-ul-Karim Se Riwayat Hai RasoolAllah SallAllahu Ta’ala Alayhi Wa Aalihi  Wa Sallam Ne Farmaya :
Mere Paas Aik Firishte Ne Aa Kar Arz Kiya :
Aye Muhammad !
Allah Ta’ala Ne Aap Pas Salam Bheja Hai Aur Farmaya Hai :
Mein Ne Aap Kee Beti Fatimah Ka Nikaah Mala-E-Aala Me Ali Bin Abi Talib Se Kar Diya Hai, Pas Aap Zameen Par Bhi Fatimah Ka Nikaah Ali Se Kar Dein.”

Is Hadith Ko Muhibb Tabari Ne Riwayat Kiya Hai.

[Muhibb Tabari Fi Dhakha’ir-ul-Uqba Fi Manaqib Dhaw-il-Qurba, 01/73,

Ghayat-ul-Ijabah Fi Manaqib-il-Qarabah,/95, Raqam-95.]