Hazrat Khwaja Sayyed Sa’ad-ud-deen Kashgari Naqshbandi rahmatullāhi alaihi

53020276_1516177198516799_6107535037844946944_n

Aap ki wiladaat Kashgar (China) me hui.

Aap ke waalid Kashgar me taajir the.

**************
Kashgar ke madrasa me ibtidaai ta’aleem haasil karne ka baad Aap Samarqand aaye aur Hazrat Nizaam-ud-deen Khaamosh ki baargaah me ta’aleem haasil ki.

Kuchh saal Samarqand me qayaam ke baad Aap Hajj ke liye rawaana hue. Aap jab Herat pahunche tab Aap ki mulaaqaat Hazrat Zain-ud-deen Khafi se hui. Herat me qayaam ke darmiyaan aap ki mulaaqaat Qaasim-e Anwaar, Maulana Abu Yazeed Puraani aur Shaikh Baha-ud-deen Umar se hui.
844 Hijri (1440 A.D.) me Aap ne Makka mukarrama jaakar Hajj ada kiya.

***************
Is ke baad Herat waapas aakar wahi qayaam kiya. Aur puri zindagi Jaame Masjid ke qareeb Madrasa-e- Ghiyaṡiya me ta’aleeme deen me guzaari.

***************
Aap hamesha saadgi pasand karte the.

Aap maante the ke Rab ki yaad se door karne waale har khayaal se khud ko bachaana chaahiye aur Zikr e baatini (Silent Zikr) zyada zaroori hai aur usi se ALLĀH ki qurbat haasil hoti hai.

************
Tasannif :
‾‾‾‾‾‾‾‾‾‾‾‾
Aap ki likhi hui kitaaben :

(1) Risaala-e-Zikriya
(2) Risaala Dar Tawajjoh
(3) Risaala Dar Kalimaat-e-Qudsiya.

 Hazrat Fakhr-ud-deen Kaasefi ne Aap ke Wa’az aur dars ko ‘Rasahaat-e-Ain-ul-Hayaat’ kitaab me jama kiye hain.

************
Aap ke 2 saahabzaade hain :
(1) Khwaja Mohammad Akbar (Khwaja Kalaan)
(2) Khwaja Mohammad Asghar (Khwaja Khurd).

**************
Aap Hazrat Khwaja Nizaam-ud-deen Khaamosh ke mureed aur khalifa hain.

Aap ke khulfa :
(1) Hazrat Khwaja Mohammad Akbar (Khwaja Kalaan)
(2) Hazrat Khwaja Mohammad Asghar (Khwaja Khurd)
(3) Hazrat Maulana Abdur Rahmān Jaami
(4) Hazrat Maulana Shams-ud-deen Ruji
(5) Hazrat Maulana Mohammad
(6) Hazrat Maulana Ahmad Karizi
(7) Hazrat Shaikh Ismāeel Ruji
(8) Hazrat Maulana Mohammad Salaah Heravi
(9) Hazrat Maulana Shahaab-ud-deen Ahmad
(10) Hazrat Maulana Ala-ud-deen Kirmani
(11) Hazrat Khwaja Abdul Azeez Jaami.

*************
Aap ka wisaal 17 Jamaadi uṡ ṡaani 860 Hijri (1456 A.D.) ko hua.

Aap ka mazaar Herat (Afghanistan) me hai.

***************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sayyed Sa’ad-ud-deen Kashgari Naqshbandi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur in baato ko yaad rakhkar amal karne ki aur dusro ko bataane ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.