Hazrat Khwaja Sayyed Jamaal-ud-deen Jumman Shaah Chishti rahmtullāhi alaihi

40517529_1385450121589508_2842422013761421312_o

Aap ki wilaadat Ahmedabad (Gujarat) me hui.

Aap ke waalid Hazrat Khwaja Sayyed Mahmood Raajan Chishti bin Khwaja Sayyed Mohamamd Ilm-ud-deen rahmatullāhi alaihi hai.

Aap Husaini saadaat hain.

********************
Aap ne apne waalid se ta’aleem haasil ki.

Aap 9 saal ki umr me Haafiz e Qur’an hue.

********************
Aap khaanqaah ke madrase me talba ko ta’aleem dete.

Aap roz 1000 rak’at nafl namaaz padhte.

Aap be-miṡaal Shaayar bhi the aur aap ka takhallus ‘Jumman’ tha.
Aap Arabi Aur Faarsi ke maahir the.

*******************
Ek martaba raat ke waqt Aap masjid me ibaadat me masroof the. Ek shakhs kisi kaam se masjid me aaya. Us ne dekha ke Hazrat ke jism mubarak ke tamaami aaza aap ke jism se juda hokar alag alag pade hue hain. Wo shakhs samjha ke Hazrat ko kisi ne shaheed kar diya hai. Ye sochkar wo ghabhrata hua masjid se baahar nikal gaya.
Jab subah namaaz ka waqt hua to wo shakhs masjid me aaya Aur Hazarat Ko khairiyat se paakar hairatzada ho gaya. Ye ajeeb o ghareeb waaqia us ne logo me jaakar bataaya. Jab logo ne aap ki is ajeeb karamat ka tazkeera suna to jauk dar jauk aap ki khidmat me haazir hue.
Jab hazrat ki ye karaamat logo par zaahir ho gai to aap ko ye baat pasand na aai. Aap ne zabaane mubarak se farmaaya ke ‘Jis ne mera ye raaz zaahir kiya us ki zabaan gungi kyun nahi ho gai?’ Aur foran wo shakhs gunga ho gaya aur kaafi arse tak usi haalaat par raha. Aakhirkaar us shakhs ne aap ki baargaah me haazir hokar muafi talab ki. Hazrat ne karam farmaate hue us ko kaale angoor khaane ko diye. Jab us ne us ko khaaya to wo shakhs phir se bolta ho gaya.

********************
Aap Hazrat Khwaja Sayyed Mahmood Raajan Chishti rahmtullāhi alaihi ke mureed aur khalifa hain.
Aur ‘Chishti Naasiri’ sislile ke Shaikh hain.

Aap ke khalifa :
Hazrat Khwaja Hasan Muhammad Chishti bin Shaikh Ahmad urfe Shaikh Miyanji rahmtullāhi alaihi.

********************
Aap ka wisaal 20 Zil Hijja 940 Hijri (1533 A.D.) ko hua.

Aap ka mazaar Navrangpura, Ahmedabad (Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sayyed Jamaal-ud-deen Jumman Shaah Chishti rahmtullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.