Hazrat Khwaja Maulana Ghulaam Hasan Naqshbandi rahmatullāhi alaihi

52987306_1520452351422617_121044466302713856_n
Hazrat Khwaja Maulana Ghulaam Hasan Naqshbandi rahmatullāhi alaihi :

Laqab :
‾‾‾‾‾‾‾‾‾‾
Peer e Suwag.

****************
Aap ki wilaadat 1267 Hijri (1850 A.D.) me Dagar Suwag, Lal Esan Karor, Zila Layyah, Punjab me hui.

Aap ke waalid ka naam Malik La’al bin Ahmed Yaar hai.

Bachpan me hi Aap ke waalidain ka intiqaal hua.

****************
Aap ne Dera Ismaeel Khan jaakar Hazrat Maulana Ghulaam Husain Pongar se ibtidaai ta’aleem haasil ki.
Phir Jhang me Maulana Muhammad Ali se Ilme Nahaw ki aur Karor me ta’aleem haasil ki.
Phir Mianwali me Maulana Ghulam Muhammad ta’aleem haasil ki.
Phir Chakrala me Maulana Noor Khan se majeed ta’aleem haasil ki.

Phir Hazrat Khwaja Uṡmaan Damani rahmatullāhi alaihi ke mureed hue aur faiz haasil kiya. Hazrat ke wisaal ke baad un ke saahabzaade Hazrat Khwaja Muhammad Siraaj-ud-deen Naqshbandi rahmatullāhi alaihi se ta’aleem wa faiz haasil kiya aur khilaafat haasil ki.

****************
Aap hamesha haq baat bataane me kisi se darte nahi the.
Aap hamesha shariat e islaam par amal karne ki ta’aleem farmaate.

Aap ke mubarak chehre me aur mubarak zabaan me ALLĀH ta’ala ne aisa aṡar rakha tha ke Ghair-muslim Aap ke chehre ko dekhkar aur Aap ki baat sunkar kalma padhkar Islaam me daakhil ho jaate.

****************
Ek martaba Hinduo ne Aap ke khilaaf fariyaad ki. Aap ko adaalat me bulaaya gaya to Aap ne farmaaya ke “Mera jurm kya hai?” Magistrate ne Aap ko bataaya ke “In Hinduo ki yeh fariyaad hai ke Aap Hindu ladko ko jabran musalman banaate ho.” Yeh sunkar Aap ko ta’ajjub hua. Aap ne Hinduo ke giroh par nigaahe tawajjoh daali aur farmaaya “Maine tumhe musalman banaaya hai?” Wo hindu ek ke baad ek be-ikhtiyaar Kalma padhne lage. Magistrate ne jab yeh haal dekha to khauf-zada ho gaya aur foran kaha “Is muqadame me aap ko ba-ijzzat bari kiya jaata hai.”

****************
Aap ke 3 saahabzaade hain :
(1) Faqeer Muhammad
(2) Ghulaam Muhammad
(3) Muhammad Ibrāheem.

****************
Aap Hazrat Khwaja Uṡmaan Damani rahmatullāhi alaihi ke mureed hain.
Hazrat Khwaja Muhammad Siraaj-ud-deen Naqshbandi rahmatullāhi alaihi ne Aap ko khilaafat ata faramai hai.

Aap ke khulfa :
(1) Hazrat Khwaja Faqeer Muhammad rahmatullāhi alaihi
(2) Hazrat Khwaja Ghulaam Muhammad rahmatullāhi alaihi
(3) Hazrat Khwaja Muhammad Ibrāheem rahmatullāhi alaihi
(4) Hazrat Khwaja Muhammad Abdullāh urfe Peer Baaro rahmatullāhi alaihi
(5) Hazrat Khwaja Gul Hasan rahmatullāhi alaihi
(6) Hazrat Khwaja Ghulaam Qaasim rahmatullāhi alaihi
(7) Hazrat Khwaja Faqeer Sultaan rahmatullāhi alaihi
(8) Hazrat Muhammad Abdul Ghafoor rahmatullāhi alaihi
(9) Hazrat Muhammad Asad Khan rahmatullāhi alaihi.

****************
Aap ka wisaal 13 Jamaadi uṡ ṡaani 1358 Hijri (1939 A.D.) ko hua.

Aap ka mazaar Lal Esan Karor, Punjab (Pakistan) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Peer e Suwag Khwaja Maulana Ghulaam Hasan Naqshbandi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.