Hazrat Imaam Qaazi Ayaaz ibn Moosā al-Yahsubi al-Sabti rahmatullāhi alaihi

51920759_1509979422469910_4481958283598364672_n
Hazrat Imaam Qaazi Ayaaz ibn Moosā al-Yahsubi al-Sabti rahmatullāhi alaihi :

Aap ki wilaadat 476 Hijri (1083 A.D.) me Sabta (Ceuta) me hui.

Aap ke waalid ka naam Moosā ibn Ayaaz al-Yahsubi hai.

Aap Yamen ke Yahsub qabeele se ta’alluq rakhte hain.
Aap ke pardaada Andalusia (Spain) se Shahere Faas muntaqil hue aur phir Sabta me mustaqil sukoonat pazeer hue.

****************
Aap ne Sabta (Ceuta) me Hazrat Qaazi Abu Abdullāh Muhammad bin Isā se ta’aleem haasil ki.

506 Hijri se 507 Hijri (1114 A.D.) tak Aap ne Cordoba, Murcia, Almeria, aur Granada safar karke ta’aleem haasil ki.
Murcia me Hazrat Abu Ali al-Sadafi ne Aap ko ijaazat ata farmai.

Aap ne Abu Abdullāh ibn Hamdin aur Abul Hasan ibn Siraaj se bhi ta’aleem haasil ki.

Aap ke shaagrido me Mohammad ibn-ul-Hajj, Muhammad ibn Ahmad ibn Rushd, Ahmad bin Abdur Rahmān al-Qurtubi mash’hoor hain.

****************
Aap Maaliki mazhab ke muqallid the.

515 Hijri (1121 A.D.) se 530 Hijri (1136 A.D.) tak Aap Sabta (Ceuta) ke Qaazi rahe.

531 Hijri me Aap Gharnaatah (Granada) tashreef laaye aur Qaazi bane.

****************
Apni ta’aleemaat aur Tasannif ke zariye Aap ne azeem khidmate deen ki hai.

Aap ne Huzoor Rasool-Allāh sallallāhu alaihi wa sallam ke ikhtiyaar aur ilme ghaib par ṡaboot pesh kiye.

Muhammad ibn Tumart ne jab Mahdi hone ka daawa kiya to Aap ne daleel ke saath use radd kiya.
Hukoomat ne Aap ko jila watan kar diya. Aap pehle Tadla aur phir Marrakech me qayaam pazeer rahe.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :

(1) Shifa Ba-Ta’arife Huqooq-ul-Mustafa sallallāhu alaihi wa sallam
(2) Tarteeb-ul-mardarik wa-Taqreeb-ul-masalik li ma’arifat alam mazhab Maalik (Maaliki Ulama ki sirat e mubarak)
(3) Al-Ilma ila Ma’arifa Usool al-Riwaaya wa Taqyid al-Sama
(4) Ikmal-ul-mualim bi fawaa’id Muslim (Tafseer e Saheeh Muslim)
(5) Bughya-ul-ra’i lima Tadmanahu Hadeeṡ Umm Zara min al-Fawaa’id,
(6) Al-Ilam bi Hudood Qawaa’id al-Islaam (Arkaan e Islaam)
(7) Mashaariq-ul-Anwaar ala Saheeh al-At’har (al-Muwatta Malik ibn Anas, Saheeh Al-Bukhari aur Saheeh Muslim)
(8) Al-Tanbihat al-Mustanbata ala al-kutoob al-Mudawwana wa al-Mukhtalata
(9) Daqaa’iq al-akhbar fee Zikr-ul-jannah wal-naar.

****************
Al-Mohad ke saath aitraaz ki wajah se Aap ko neza maarkar shaheed kar diya gaya aur phir Aap ke jisme paak ke tukde kar diye gaye.

Aap ka wisaal 9 Jamaadi uṡ ṡaani 544 Hijri ko Jum’aa ke roz hua.

Aap ka mazaar Baab-ul-Ailen, Marrakesh (Morocco) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Qaazi Ayaaz ibn Moosā al-Yahsubi al-Sabti rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.