Hazrat Imaam Badr-ud-deen Mahmood al-Ayni rahmatullāhi alaihi

45566996_1429860070481846_1518240968854208512_n

Aap ki wilaadat 26 Ramazaan 762 Hijri (30 July 1360 A.D.) me Ayntab (Gaziantep, Turkey) me hui.

Aap ke waalid ka naam Ahmad hai.

****************
Aap ne Qur’an, Fiq’h, Tawaarikh aur Adab ki ta’aleem haasil ki.

****************
788 Hijri (1386 A.D.) me Aap Jerusalem gaye. Waha Sadr-ul-Madrasa wa khaanqaah aur Hanafi Shaikh al-Sayrami se mulaaqaat hui aur un ki daawat par un ke ghar Cairo gaye aur phir Zaahiriyah silsila ke mureed hue.

790 Hijri (1388 A.D.) me Hazrat Shaikh al-Sayrami ke wisaal ke baad Ameer Jaarkas al-Khaleeli ke saath ikhtelaaf hua. Aap ke ustaad Siraaj-ud-deen al-Bulqini ne aap ko bacha liya.

***********************
Is ke baad aap Cairo se Damishq tashreef le gaye.
Waha ke Ameer ne aap ko Muhtasib (market inspector) banaaya.

800 Hijri (1398 A.D.) me Aap Cairo waapas aaye.
Aap ne Ameer Tamarbugha al-Mashtoob ke saath Hajj ada kiya.
Ameer Jakm min Awd ke saath bhi Aap ke achhe ta’alluqaat the jo Sultaan Barqūq ke dawaatdaar (secretary or confidential advisor) the.

Sultaan Barqūq ke inteqaal ke baad al-Maqrizi ji jagah par aap ko Cairo ke Mutahsib banaaya gaya. Darmiyaan me kuchh waqt ke liye al-Maqrizi ko phir se Muhatasib bane.
Is ke baad Sultaan Barqūq ke shehzaade Naasir Faraaj ke zamaane me aap ko Naazir ul-ahbaas (overseer of of trust properties) banaaya. Aap ko kai baar is ohade se barkhaast kiya gaya aur phir se dobaara is ohade par waapas rakha gaya.
Sultan Mu’ayyad Shaikh ke zamaane me aap ko phir se Muhatsib banaaya gaya.
823 Hijri (1420 A.D.) me aap ko Safeer bana kar Qaramanid bheja gaya.
Aap ko kai baar Sultaan ke darbaar me Islaami mauzoo ko Arabi me padhkar Turkey zabaan me samjhane ke liye bulaaya jaata.
825 Hijri (1422 A.D.) me Sultaan al-Ashraf Barsbay ke zamaane me Aap ko dusre mulko se aane waale afsaro ka istaqbaal karne ke liye au un se guftagu karne ke liye bulaaya jaata.
829 Hijri (1426 A.D.) me aap ko Hanafi Qaazi ul Quzzaat (chief judge) banaaya gaya. 3 saal baad aap ko is ohade par se barkhaast kiya gaya aur baad me phir se dobaara is ohade par waapas rakha gaya.
Sultaan Azeez Jaqmaq ke zamaane me Aap ko Qaazi ul Quzzaat ke ohade par se barkhaast kiya gaya.
Aap apna waqt kitaaben likhne me guzaarne lage.
853 Hijri (1449 A.D.) me jaeefi ke sabab Aap ko Naazir ul-ahbaas ke ohade par se barkhaast kiya gaya.

****************
Aap ki likhi hui mash’hoor kitaaben :
(1) Umdatul Qaari
(2) Al-Binaaya Sharh al-Hidaaya
(3) Al-Saif-ul-Muhammad fee Seerat-ul-Malik al-Mu’ayyad
(4) Iqd al-Jooman fee Taarikh Ahl al-Zamaan
(5) Ar-Rad ul-Waafir
(6) Nukhab al-Afkar fi Tahqeeq Mabani al-Akhbar fi Sharh Ma’ani al-Aaṡar
(7) Sharh Sunan Abu Daawūd.

****************
Aap ka wisaal 27 Safar 855 Hijri (March 1453 A.D.) ko 93 saal ki umr me hua.

Aap ka mazaar Cairo (Egypt) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Badr-ud-deen Mahmood al-Ayni rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.