Hazrat Imaam Abu Daawūd, Sulaimān al-Azdi rahmatullāhi alaihi

36541215_1313955465405641_3234001582366392320_n

Hazrat Imaam Abu Daawūd, Sulaimān al-Azdi rahmatullāhi alaihi :

Aap ki wilaadat 202 Hijri (817 A.D.) me Sijistan (Iran) me hui.

Aap ke waalid ka naam Aash’as bin Is’hāq hai.

Aap Arab ke Azd qabeele se ta’alluq rakhte hain.

*************
Aap ne 20 saal ki umr me Ilm e Hadeeṡ sikhna shuru kiya.
Aap Ahaadeeṡ jama karne ke liye Iraq, Misr (Egypt), Shaam (Syria), Hijaaz, Tihamah, Khurasan, Nishapur, Isfahan, aur Marv ka safar karte rahe.

Aap ne Imaam Ahmad bin Hanbal, Ibrāheem ibn Ya’aqoob al-Juzajani, Is’hāq ibn Rahawaiy, Ali ibn al-Madini, Yahyā ibn Ma’in se ta’aleem haasil ki.

****************
Aap ne 241 Hijri me Baghdad me apni kitaab ‘Sunan Abi Daawūd’ mukammal ki.

Aap Fiq’h aur Ijtihaad ke bhi maahir the.

Aap ke shaagirdo me Imaam Muhammad al-Tirmizi aur Imaam Ahmad an-Nasa’i mash’hoor hain.

Bahot saare ulama Aap ko ‘Imaam ul Muhaddeeṡeen’ maante hain.

*************
Aap ne bahot saari kitaaben likhi hain,
Jis me se sab se mash’hoor ‘Sunan Abi Daawūd’ (4800 Ahaadeeṡ ka majmua) (Jo Saha Sitta ki kitaabo me se hai).

Is ke ilaawa aap ki likhi hui mash’hoor kitaaben :
(1) Kitaab-ul-Maraaseel (600 Mursal Ahaadeeṡ ka majmua)
(2) Masa’il al Imaan Ahmad
(3) Asilahan Ahmad bin Hanbal
(4) Al Masa’il allati halafa alaiha al Imaam Ahmad
(5) An-Nasikh wal Mansukh
(6) Risaalah fee wasf kitaab as sunan
(7) Az-Zuhd
(8) Ijabatan Sawalat Al Ajurri
(9) Tasmiyat ul Akhwaan
(10) Kitaab al Radd Ala’ Ahl al Qadar
(11) Al Bat’h wan Nushur
(12) Dala’il an Nubuwat
(13) Fazaa’il al Ansaar
(14) Musnad Maalik
(15) Al-Dua
(16) Ibtida al wahy
(17) At Tafarrud fus sunan
(18) Akhbaar-ul-Khawarij
(19) Alam-un-Nubuwwat.

*************
Aap ka wisaal 18 Shawwaal 275 Hijri (889 A.D.) ko hua.

Aap ka mazaar Basra (Iraq) me hai.

*************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Abu Daawūd, Sulaimān rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.