Hazrat Ali AlaihisSalam Namaz Padhne Mein Awwaliyyat Ka Bayan

Hazrat Anas Bin Malik RadiyAllahu Ta’ala Anhu Se Riwayat Hai Ki Peer Ke Din Huzoor Nabi-E-Akram SallAllahu Ta’ala Alayhi Wa Aalihi Wa Sallam Kee Bi’sat Huwi Aur Mangal Ke Din Hazrat Ali KarramAllahu Ta’ala Waj’hah-ul-Karim Ne Namaz Padhi.”

Is Hadith Ko Imam Tirmidhi Aur Haakim Ne Riwayat Kiya Hai.

[Tirmidhi Fi As-Sunan, 05/640, Raqam-3728,

Hakim Fi Al-Mustadrak, 03/121, Raqam-4587,

Manawi Fi Fayd-ul-Qadir, 04/355,

Ghayat-ul-Ijabah Fi Manaqib-il-Qarabah,/115, 116, Raqam-125.]

Hazrat Abd-ul-Allah Bin Abbas RadiyAllahu Ta’ala Anhuma Se Riwayat Hai Woh Farmate Hain Sab Se Pehle Hazrat Ali KarramAllahu Ta’ala Waj’hah-ul-Karim Ne Namaz Padhi.”

“Ise Imam Tirmidhi Ne Riwayat Kiya Hai Aur Kaha Hai Ki Is Ke Baare Me Ahl-E-Ilm Ka Ikhtilaaf Hai.
Baa’z Ne Kaha :
Sab Se Pehle Aboo Bakr Sirddique RadiyAllahu Ta’ala Anhu Islaam Laaye Aur Baa’z Ne Kaha :
Sab Se Pehle Hazrat Ali KarramAllahu Ta’ala Waj’hah-ul-Karim Islaam Laaye Jab Ki Baa’z Muhaddithin Ka Kehna Hai Ki Mardon Me Sab Se Pehle Islaam Laane Waale Hazrat Aboo Bakr Siddique RadiyAllahu Ta’ala Anhu Hain Aur Bachchon Me Sab Se Pehle Islam Laane Waale Hazrat Ali KarramAllahu Ta’ala Waj’hah-ul-Karim Hain Kyun Ki Woh Aanth Baras Kee Umr Me Islaam Laaye Aur Aurton Me Sab Se Pehle Musarraf Ba-Islam Hone Waali Hazrat Khadijat-ul-Kubra RadiyAllahu Ta’ala Anha Hain.”

[Tirmidhi Fi As-Sunan, 05/642, Raqam-3734,

Ghayat-ul-Ijabah Fi Manaqib-il-Qarabah,/116, Raqam-126.]

Hazrat Habbah Uraniyyi RadiyAllahu Ta’ala Anhu Bayan Karte Hain Ki Mein Ne Hazrat Ali KarramAllahu Ta’ala Waj’hah-ul-Karim Ko Minbar Par Hanste Huwe Dekha Aur Mein Ne Kabhi Bhi Aap Ko RadiyAllahu Ta’ala Anhu Ko Is Se Zyaadah Hanste Huwe Nahin Dekha.
Yaha’n Tak Ki Aap RadiyAllahu Ta’ala Anhu Ke Daant Nazar Aane Lage.
Phir Aap KarramAllahu Ta’ala Waj’hah-ul-Karim Ne Farmaya :
Mujhe Apne Waalid Aboo Talib Ka Qaul Yaad Aa Gaya Tha.
Aik Din Woh Hamaare Paas Aaye Jab Ki Mein Huzoor Nabi-E-Akram SallAllahu Ta’ala Alayhi Wa Aalihi Wa Sallam Ke Saath Tha Aur Hum Waadi-E-Nakhlah Me Namaz Ada Kar Rahe They, Pas Unhone Kaha :
Aye Mere Bhatije !
Aap Kya Kar Rahe Hain ?
Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Aap Ko Islam Kee Da’wat Dee To Unhone Kaha :
Jo Kuchh Aap Kar Rahe Hai Hain Ya Keh Rahe Hain Us Me Koi Harj Nahin Lekin Aap Kabhi Bhi (Tajurbe Me) Meri Umr Se Zyaadah Nahin Ho Sakte.
Pas Hazrat Ali KarramAllahu Ta’ala Waj’hah-ul-Karim Apne Waalid Kee Is Baat Par Hans Deeye Phir Farmaya :
Aye Allah !
Mein Nahin Jaanta Ki Mujh Se Pehle Is Ummat Ke Kisi Aur Fard Ne Teri Ibaadat Kee Ho Siwaaye Tere Nabi SallAllahu Ta’ala Alayhi Wa Aalihi Wa Sallam Ke, Yeh Teen-03 Martaba Dohraaya Phir Farmaya :
Tehqique Mein Ne Aammat-un-Naas Ke Namaz Padhne Se Saath-07 Saal Pehle Namaz Ada Kee.”

Is Hadith Ko Imam Ahmed Bin Hanbal Ne Riwayat Kiya Hai.

[Ahmad Bin Hanbal Fi Al-Musnad, 01/99, Raqam-776,

Tayalisi Fi Al-Musnad, 01/36, Raqam-188,

Haythami Fi Majma’-uz-Zawa’id, 09/102,

Ghayat-ul-Ijabah Fi Manaqib-il-Qarabah,/117, 118, Raqam-128.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s