Month: March 2021

15 Shaban ul Muazzam

• 

• 

• 

• 

• 

• 

• 

• 

Shab e Bara’at Mubarak

Ibne Maajah Ki Hadees Sharif Hain Mola e Kaynat Mola Imaam Ali (Alaihis Salam) Se Riwayat Karte Hai Ki :- Huzoor Rasool Allah (Sallallāhu Alaihi wa Aala Aalehi wa Sallam) Ne Irshad Farmaya Jab Nisf Shaaban Ki Yani (15 Shaban) Ki Raat Aaye To Raat Ko Qayaam Karo Aur Din Ko Roza Rakho, Beshak Ghuroob e Aaftab Se Subah Saadiq Tak Allah Ta’ala Ki Rehmat Ka Khaas Nuzool Aasman o Duniya Par Hota Hain, Rab Ta’ala Ki Taraf Se Aawaz Di Jati Hai :- Khabardar! Hai Koi Mujh Se Bakhshish Talab Kare, Me Use Baksh Du, Hai Koi Rizq Ka Taalib Ke Use Rizq Ata Karu, Hai Koi Musibat Zada Ke Me Use Aafiyat Ata Karu, Khabardar, Koi Is Tarah Hai ? Khabardar Koi Is Tarah Hai ?, Isi Tarha Ibne Majah Ki Ak Aur Hadees Sharif Hai Hazrat Syedna Abu Musa Ashari (Razi Allahu Tala Anhu) Riwayat Karte Hain:- Huzoor Rasool Allah (Sallallāhu Alaihi wa Aala Aalehi wa Sallam) Ne Irshad Farmaya:- Beshak Nisf Shaban Ki Raat Me Allah Ki Rahmat Ka Khaas Zahoor Hota Hai, Allah Apni Tamaam Makhlooq Ko Maaf Farma Deta Hai, Siwa e Mushrik, Logo Se Bughz Rakhne Wale, Aur Dushmani Karne Wale Se, Tabrani Aur Ibne Habaan Ki Hadees Hai Hazrat Syedna Maaz Bin Jabal (Razi Allahu Tala Anhu) Se Riwayat Hai:- Huzoor Rasool Allah (Sallallāhu Alaihi wa Aala Aalehi wa Sallam) Ne Irshad Farmaya Ki:- Allah Ta’ala Shaban Ki 15wi Raat Ko Apni Tamaam Makhlooq Ki Taraf Matawajjeh Hota Hai Aur Tamaam Makhlooq Ki Maghfirat Farma Deta Hai Lekin Mushrik Aur Bughz (Keena) Rakhne Wala Nahi Baksha Jata, Bayhaqi Aur Mishkaat Ki Hadees Sharif Hai Syyeda Ayesha Siddiqa (Salamun Aleha) Se Riwayat Hai Ki :- Huzoor Rasool Allah (Sallallāhu Alaihi wa Aala Aalehi wa Sallam) Ne Irshad Farmaya:- Nisf Shaaban Ki Raat Me Saal Bhar Me Paida Hone Wale Aur Faut (Intaqal) Hone Wale Baa’is e Rif’at Nek Aamal Aur Rizq Ke Asbaab Likh Diye Jaate Hain, Isi Tarah Ibne Maaja, Mishkaat, Attargib Wattarhib Ki Hadees Sharif Hai:- Jab 15 Shaban Aaye To Usme Ibadat Karo Din Me Roza, Shoib ul Imaam Ki Hadees Sharif Hai:- Allah Azzavajal Shaban Ki 15wi Shab Me Tajalli Farmata Hai Istagfar (Tauba) Karne Wale Ko Baksh Deta Hai, Behqi Ki Hadees Sharif Hai:- Syyeda Ayesha Siddiqa (Salamun Aleha) Ka Bayan Hai:- Huzoor (Sallallāhu Alaihi wa Aala Aalehi wa Sallam) Shaban Ki 15vi Raat Me Aadhi Raat Ko Qabarustan Tashreef Le Jate The, Hadees Sharif Me Aata Hai:- Huzoor (Sallallāhu Alaihi wa Aala Aalehi wa Sallam) Ne Irshad Farmaya Jisne 15wi Shaban Ko Roza Rakha Usko Meri Shafa’at Halaal Ho Gayi, Isi Tarha Ak Aur Hadees Sharif Hai:- Jo Shaks 15wi Shaban Ko Roza Rakhe Use Jahannum Ki Aag Na Chuegi…

Hazrat Anas Bin Malik RadiyAllahu Ta’ala Anhu Se Riwayat Hai, Farmate Hain Ki

Rasool-E-Karim SallAllahu Alaihi Wa Aalihi wa Sallam Mimbar Par Tashrif Farma Huwe Aur Bahut Baatein Irshad Farmayi Aur Phir Farmaya :

Ali Ibn Abi Talib Kaha’n Hain ?

Hazrat Aliy-ul-Murtaza Yeh Irshad Sun Kar Aap Alayh-is-Salatu Wa’s-Salam Kee Khidmat Me Tezi Ke Saath Haazir Huwe Aur Arz Kiya :

Ya RasoolAllah SallAllahu Ta’ala Alayhi Wa Aalihi Wa Sallam ! Mein Haazir Hoo’n

Huzoor SallAllahu Ta’ala Alayhi Wa Aalihi Wa Sallam Ne Un(Aliy-ul-Murtaza) Ko Seene Se Laga Liya.

Aur Aap Kee Aankho’n Ke Darmiyan Bosa Diya
Aur Buland Aawaaz Se Framaya :

Aye Musalmano’n !
Yeh (Ali) Mera Bhaai Hai.

Aur Mere Chacha Ka Beta Hai.

Aur Mera Damad Hai.

Yeh (Ali) Mera Dost Hai.

Yeh (Ali) Sibtayn, Ya’ni Hasan Wa Husain Ka Baap Hai “Jo” Jannati Jawano’n Ke Sardar Hain.

Yeh Mujh Ko Museebato’n Se Durr Karne Waala,

Yeh Allah Ta’ala Ka Sher Hai.

Aur Us Ke Dushmano’n Ke Liye Us Kee Zameen Par Us (Allah Ta’ala) Kee Talwaar Hai.

Is (Ali) Se Bughz Rakhne Waale Par Allah Ta’ala Kee La’nat Ho.

Aur Allah Is Ke Dushmano’n Se Bari Hai.

Aur Mein Bhi Is Ke Dushmano’n Se Bari Hoo’n.

Aur Jo Yeh Pasand Karta Hai Ki Allah Ta’ala Aur Mujh Se Be-Ta’lluq Ho Jaaye, Bas Woh Ali Se Be-Ta’lluq Ho Jaaye.

Aur Jo Yaha’n Mawjood Hai Woh Us Ke Yeh Bata De,Jo Yaha’n Mawjood Nahin Hai.

Phir Irshad Farmaya

Aye Ali Bayth Jaao.
Yeh Woh Ta’aruf Hai Jo Allah Ta’ala Ne Khaas Tere Liye Karwaya Hai

📚
[Muhibb-ud-Deen Tabari Fi Dhakha’ir-ul-‘Uqba Fi Manaqibi Dhawi-‘l-Qurba, Saf’h-92.]

15 Sha’baan Kee Raat Qiyaam Kiya Karo Aur Din Ko Roza Rakkha Karo

“Hazrat ‘Ali Bin Abi Talib RadiyAllahu Ta’ala ‘Anhu Riwayat Karte Hain Ki Rasool Allah SallAllahu Ta’ala ‘Alayhi Wa-Aalihi Wa-Sallam Ne Farmaya : Jab Pandrah-15 Sha’baan Kee Raat Ho To Us Raat Ko Qiyaam Kiya Karo Aur Din Ko Roza Rakkha Karo Kyun Ki Allah Ta’ala Ghurube Aaftab Ke Waqt Aasmani Dunya Par Nuzool Farmata Hai Aur Farmata Hai : Kya Ko’i Meri Bakhshish Ka Taalib Hai Ki Mein Us Ko Bakhsh Doo’n? Kya Ko’i Rizq Maangne Waala Hai Ki Mein Use Rizq Doo’n? Kya Ko’i Bimaar Hai Ki Mein Use Shifa Doo’n? Kya Ko’i Ayse Hai? Ayse Hai? Yaha’n Tak Ki Fajr Tulooa Ho Jaati Hai.”

–
[Ibn Majah Fi As-Sunan, 01/44, Raqm-1388,

Kinani Fi Misbah Al-Zujajah Fi Zawa’id Ibn Majah, 02/10, Raqm-491,

Mundhiri Fi At-Targhibu Wa At-Tarhibu Mina Al-Hadith Ash-Sharif, 02/74, Raqm-1550,

Al-Minhaj-us-Sawi Mina Al-Hadith-in-Nabawi ﷺ, Safha-230, Raqm-166.]
〰〰