Hazrat Makhdoom Sayyed Sikandar Jahaaniya Tirmizi rahmatullāhi alaihi

48363014_1460067417461111_3583649552764239872_o

Aap ki wilaadat 750 Hijri (1349 A.D.) me Tirmiz (Iran) me hui.

Aap ke waalid ka naam Sayed Mas’ood Husaini hai.

 

Khalifa Maamoon Rasheed ke zamaane me Aap ke pardaada Arab se Shahere Tirmiz aaye.

*****************
Aap ne ibtidaai ta’aleem Tirmiz me apne waalide maajid se haasil ki.
9 saal ki umr me Aap Haafize Qur’an hue.
20 saal ki umr me majeed ta’aleem ke liye safar karke Uch tashreef laaye aur Hazrat Makhdoom Jahaaniyan Jahaangasht Sayyed Jalaal-ud-deen Husain rahmatullāhi alaihi se ta’aleem haasil ki aur Hazrat ki khidmat karte rahe.

Ek din Huzoor Rasool-Allāh sallallāhu alaihi wa sallam Hazrat Makhdoom Jahaaniyan Jahaangasht ke khwaab me tashreef laaye aur irshaad farmaaya ‘Aap ke Talba me ek Sayyedzaada bhi hai jin se Aap khidmat le rahe hain.’
Subah ko Hazrat Makhdoom Jahaaniyan Jahaangasht ne tamaam talba ko jama kiya aur farmaaya ‘Aap logo me wo kaun sa taalibe ilm hai jo Sayyed hai?’ Aap adab se aage badhe aur arz kiya ke ‘Huzoor! Main Sayyed hu.’ Hazrat ne daryaaft farmaaya ‘Aap ne yeh baat kyun chhupaai?’ Aap ne arz kiya ‘Agar main apna Sayyed hona zaahir kar deta to aap ki khidmat karne ka mauqa na milta.’
Hazrat ye Jawab sunkar bahot khush hue. Aap se khidmat lena mauqoof kar diya aur Aap par Shafqat farmaate hue Aap ke khane ka intazaam darsgaah ke bajaay khaas apne ghar par kar diya.

*****************
Aap ki Qaabiliyat ko dekh kar Hazrat Makhdoom Jahaaniyan Jahaangasht ne 775 Hijri (1373 A.D.) me Aap ko Khirqa e Khilaafat se nawaaza.
776 Hijri (1374 A.D.) me Hazrat ne Aap ko Khirqa e Ijaazat ata karke Mangrol jaane ke liye farmaaya. Aap ne Peer ki mohabbat mea se arz kiya ‘Huzoor! Main aap ko chhod kar kahi jaana nahi chaahta, main yahi Aap ki Khidmat me hi rehna chaahta hu.’ Lekin jab Hazrat ne Huzoor sallallāhu alaihi wa sallam ka farmaan aur bashaarat sunaai to Aap foran Mangrol jaane ke liye tayyaar ho gaye.

Phir Hazrat ne Aap ko paalki me bithakar Uch shareef se rawaana kiya aur khud paalki ko kandha dekar uthaaya. Aap ko yeh theek nahi laga ke khud paalki me baithe aur Peer o murshid paalki ko uthaaye. Is liye Aap paalki se utar gaye. Hazrat ne farmaaya ‘Asa bh Jahaaniya Tusa bhi Jahaaniya.’
Aur Aap ko ek khat likhkar diya ke ‘Main apne roohaani farzand Sayyed Sikandar bin Mas’ood ko Shahere Mangrol ki Wilaayat ataa karke bhej raha hu. Aap log har tarah se in ki madad karen aur in ka saath den aur Deene Islaam ki tabligh o ishaa’at me in ke saath rahen. Jo koi in ki mukhaalifat karega ALLĀH ta’ala ke yaha us ka koi maqaam o martaba nahi hai.’

*****************
Pehle Aap Karachi tashreef laaye aur yaha se Samandar ke raaste Mangrol tashreef laaye. Aap ke yaha aane ka khaas maqsad yaha ke Zaalim Raaja se musalmano ko najaat dilaana tha. Pehle Mangrol se 3 mile door Sheel naami Bandar par thehre. Aap apne Peer ke ataa karda jo Tabarrukaat apne saath laaye the un ko Sheel me hi kisi ko amaanat ke taur par de diye.
Us ke baad Aap Sheel se apne saathiyo ko lekar Mangrol ki taraf rawaana hue. ‘Daarvaav’ se hokar Mangrol ke maghribi darwaaze se Shaher me dakhil hue.
Us waqt Shahere Mangrol par Raaja Kunvar Paal Vaghela ka raaj tha jo bahot Zaalim tha. Aap ke tashreef laane ke baad us zaalim Raja ne Aap se jung ki. Is jung me Aap ke kai saathi aur dusre buzurgaane deen ne shahaadat ka jaam nosh kiya. 17 Shawwaal 777 Hijri ko ALLĀH ta’ala ke fazl se Aap ko fateh haasil hui.

Sultaan Firoz Shaah Tughlaq ne Aap ko Mangrol ki hukoomat sambhaalne ki darkhwaast ki. Lekin Aap ne inkaar kiya aur ibaadat wa riyaazat me mashgool ho gaye.

********************
Aap ne khaanqaah ki taamir ki aur Sheel se tamaam tabarrukaat apni Khaanqaah me le aaye.

Mangrol me sukoonat pazeer hokar 48 Saal tak Aap ta’aleem wa faiz ata farmaate rahe.

Aap ne Kai Masaajid aur Madaaris ki taamir ki.
785 Hijri (1384 A.D.) me Aap ne Shaher me ek shaandaar Jaame Masjid taamir karwaai.
Aap ki daawat par Hazrat Makhdoom Jahaaniyan Jahaangasht rahmatullāhi alaihi Mangrol tashreef laaye aur ek Hujre me Chilla kashi ki. Yaha par Aap ne ek masjid taamir ki jis ka naam ‘Masjide Rahmat’ rakha.
Is ke baad Aap ne ‘Raavli Masjid’ ki taamir ki.

****************
Aap ka wisaal 10 Rabi uṡ Ṡaani 825 Hijri ko hua.

Aap ka mazaar Mangrol (Saurashtra, Gujarat) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Makhdoom Sayyed Sikandar Jahaaniya Tirmizi rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

WhatsApp Image 2020-10-06 at 11.41.41 PM
 

Aapka Mubarak Naam SAYYED SIKANDAR rehmatullah alayh he. Aapka Nasabnaama HAZRAT SAYYEDNA IMAM MOOSA KAAZIM radiyallahu anhu se ja milta he. Aapke Aaba o Ajdaad KHALIFA MAMOON RASHID ke zamane me Jab Husaini Saadate Kiram ne Arab Sharif se hijrat kar dusre Mulko me sukunat ikhtiyaar ki tab Iran ke mash’hoor Shaher Tirmiz me ja kar bas gae.*

*✳ Aapki Viladate Baa Sa’aadat 750 Hijri me Tirmiz me hui. Aapne Ibtedaai Taalim Shahere Tirmiz me Apne Vaalid e Maajid HAZRAT SAYYED MAS’OOD HUSAINI Alayhirrehma se hasil ki. Aapne sirf nou (9) Saal ki Umr Sharif me Quran e Majid Hifz kar liya tha.*

*✳ Bis (20) Saal ki Umr Sharif me mazid Taalim Hasil karne ki Niyyat se Aapne Apne Vatan ko chhod kar Hindustan ki janib rukh kiya aur Madinatus Saadat Uch Sharif (Pakistan) me tashrif laae jo us waqt ka Uloom o Funun ka markaz tha aur dur dur se Taalibe Ilm aa kar waha Apni Ilmi Pyas bujhaate

HAZRAT SAYYEDNA JALALUDDIN MAKHDOOM JAHANIYA JAHANGASHT radiyallah anhu ka maamool tha ke Aap Apne Taalibe Ilmo me jo Saadate kiram hote unse kabhi koi khidmat na lete. Ek din HUZUR SARVAR E AALAM sallallahu alayhi va sallam ne Aalame Khwab me HAZRAT MAKHDOOM JAHANIYA JAHANGASHT radiyallahu anhu ko Basharat di ke Aapke Taalibe Ilmo  me ek Sayyedzade bhi he jinse Aap Khidmat le rahe he.*

*✳ Is Khwab ke baad Aap behad fikr me pad gae ke mere Taalibe Ilmo me wo koun Sayyedzaade he jinse me Khidmat le raha hu? Ye to mere Usool ke khilaf he. Aapne subah hote hi tamam Talba ko jama kiya aur farmaya ke : “Aap logo me wo kounsa Taalibe Ilm he jo Sayyed he?”*

*✳ HAZRAT SAYYED MAKHDOOM SIKANDAR MANGROLI rehmatullah alayh Adab se aage badhe aur arz kiya ke : “Huzur ! me Sayyed hu”. HAZRAT MAKHDOOM JAHANIYA JAHANGASHT radiyallahu anhu ne daryaft farmaya ke : “Aapne ye baat kyu chhupaai?”*

*✳ is par HAZRAT SAYYED MAKHDOOM SIKANDAR rehmatullah alayh ne arz kiya ke : “Pir e Tariqat aur Buzurgo ki Bargah me Apna Khandani fakhr zaahir karna ye meri Nazar me Gustakhi aur Be Adabi he aur agar me Apna Sayyed hona Zaahir kar deta to Aapki Khidmat karne ka mouqa na milta. Is liye mene is baat ko chhupaae rakha”*

*✳ Is Jawab se HAZRAT MAKHDOOM JAHANIYA JAHANGASHT radiyallahu anhu bahot Khush hue. Aapse Apni Khidmat lena mouquf kar diya aur Aap par Shafqat farmaate hue Aapke khane ka Intezam Dasrgaah se hata kar Khaas Apne Ghar par kar diya.*

✳ Aap HAZRAT SAYYEDNA MAKHDOOM JAHANIYA JAHANGASHT radiyallahu anhu ke Murid the. Aapke Murshide Giraami ne Aapki Qaabiliyat ko dekh kar 755 Hijri me Aapko Khirqa e Khilafat se Nawaza aur 776 Hijri me phir Khirqa e Ijazat Ataa farmaya.*

*✳ Jab dusri martaba Aapko Khirqa e Ijazat se Nawaza gaya to HAZRAT MAKHDOOM JAHANIYA JAHANGASHT radiyallahu anhu ne HUZUR E AKRAM sallallahu alayhi va sallam ki Bashrat aur Hukm par Aapko Mangrol bhejna chaha.*

*✳ Pehle to Aapne Apne Pir ki Mohabbat me Adab se arz kiya ke : “Huzur ! Me Aapko chhod kar kahi jana nahi chahta, me yahi Aapki Khidmat me hi rehna chahta hu”. Lekin Jab Aapke Pir o Murshid ne HUZUR sallallahu alayhi va sallam ka Hukm aur Basharat sunaai to Aap Mangrol aane ke liye fouran tayyar ho gae.*

Aapko Mangrol bhejne se qabl Aapke Pir o Murshid HAZRAT MAKHDOOM JAHANIYA JAHANGASHT radiyallahu anhu ne Khud ko mile bahot se Tabarrukaat me se Kuchh Tabarrukaat aur farmaan Aapko ataa farmaae. Ye Azim Tabarrukaat ka khazana Aaj bhi Gujarat me Mangrol Sharif me moujud he.*

*✳ HAZRAT MAKHDOOM JAHANIYA JAHANGASHT radiyallahu anhu ne Aapko Mangrol bhejne se pehle Paalki me bitha kar Uch Sharif ki Galiyo me phiraaya aur Aapki Paalki ko khud kandha diya. Aap Paalki me bethe aur Aapke Murshid Aapki Paalki ko Kandha de ye Aapko thik nahi laga is liye Aap Paalki se utar gae.*

*✳ is par Aapke Murshid HAZRAT MAKHDOOM JAHANIYA JAHANGASHT radiyallahu anhu ne Apni Sindhi Zaban me Aapse farmaya ke : “ASAA BHI JAHANIYA TUSA BHI JAHANIYA”. Is farmaan ke baad Aap bhi JAHANIYA ke Laqab se mash’hoor hue.*

Jab Uch Sharif se HAZRAT SAYYED SIKANDAR JAHANIYA MANGROLI rehmatullah alayh ravana hue to HAZRAT MAKHDOOM JAHANIYA JAHANGASHT radiyallahu anhu ne Mangrol ke Saadat e kiram aur Ulama e izaam ke naam ek Khat tehrir kiya. Jisme likha tha ke….*

*✳ Me (MAKHDOOM JAHANIYA JAHANGASHT) Mere Roohani Farzand SAYYED SIKANDAR bin MAS’OOD ko Shahere Mangrol ki Vilayat ataa kar ke bhej raha hu. Aap log har tarah se inki madad kare aur inka sath de aur Deene Islam ki Tablig o Ishaa’at me inke sath rahe. Jo koi inki Mukhaalifat karega ALLAH TA’ALA ke yaha uska koi Maqam o martaba nahi he.*

*✳ Uch Sharif se Aap Karachi tashrif laae aur yaha se Samandar ke raaste Mangrol tashrif laae. Aapke yaha aane ka khas maqsad yaha ke Zaalim Raja se Musalmano ko Najaat dilane ka tha. Aap chunke Samandar ke raaste yaha tashrif laae to Pehle Mangrol se tin meel dur Sheel naami Bandar par thehre. Aap Apne sath Apne Pir o Murshid ke Ataa karda tamami Tabarrukaat sath laae the usko Sheel me hi kisi ko Amaanat ke taur par de diye.*

*✳ Uske baad Aap Sheel se Apne Ja Nisaar sathiyo ko lekar Mangrol ki taraf ravana hue. ‘Daarvaav’ se ho kar Mangrol ke Maghribi Darwaze se Shaher me dakhil hue. Us waqt Shahere Mangrol par RAJA KUNVAR PAAL VAGHELA ka Raaj tha jo bahot Zaalim Raja tha. Aapke yaha tashrif lane ke baad Aapki us Zaalim Raja se Jung hui. Jisme Aapko ALLAH TA’ALA ne Fateh Ataa farmaai.*

*✳ Ye Fateh Aapko 17 Shavval hijri 777 me nasib hui. Is jung me Aapke kai sathi aur dusre Buzurgane Deen ne Shahadat ka Jaam Nosh kiya. Jinke Mazarate Sharifa Shahere Mangrole me aaj bhi moujud he. HAZRAT SAYYED MAKHDOOM SIKANDAR rehmatullah alayh ne Mangrol ko Fateh karne ke baad Apne wo Tamami Tabarrukaat jo Aapne Sheel me kisi ko Amaanat ke taur par diye the wo Apni Khanqah me le aae. Khanqah ke ek Kamre me Aapne Chilla kiya tha aur saare Tabarrukaat vahi par rakhe the jo Aaj bhi vahi par moujud he .*

 Mangrol Fateh karne ke baad Mangrol ki Hukumat SULTAN FIROZ SHAH TUGHLAQ ne Aapko sambhaalne ki Darkhwast ki. Lekin Aapne Shahere Mangrol ki Hukumat ko Qubul karne se inkaar kar diya aur waha ka Raaj kisi Dusre ko sonp diya aur Aap ALLAH ki yaad me mashgool ho gae.*

*✳ Mangrol ko Fateh karne ke baad Aapne Fateh ki khushi me Shaher me ek Shandar Jaame Masjid banvaai. Is Masjid ki Taamir us dour me hui he jab ke Hindustan me na to Taaj Mahal tha na hi Laal Qila aur na hi Dehli ki Jama Masjid. Ye Masjid 785 hijri mutabiq 1384 isvi me Taamir hui he. Jisme sirf Paththaro ka Isemaal kiya gaya he.*

*✳ Is Masjid ki Taamir Aapke Hukm par AARAM SHAH ke Farzand IZZUDDIN ne ki thi. Masjid ke Sutuno (Pillers) par Behad Khub Surat Andaz me Arabi aur Faarsi Zabano me us waqt ki Tarikh Naqsh ki gai he jo dekhne ke laayaq he.*

HAZRAT SAYYED MAKHDOOM SIKANDAR JAHANIYA rehmatullah alayh ne Apne Pir o Murshid HAZRAT SAYYEDNA MAKHDOOM JAHANIYA JAHANGASHT radiyallahu anhu ko Shahere Mangrol me tashrif lane ke liye Dawat naama pesh kiya.*

*✳ Aapke Dawat par HAZRAT MAKHDOOM JAHANIYA JAHANGASHT radiyallahu anhu Mangrol tashrif laae. Is mouqe par HAZRAT SAYYED SIKANDAR Alayhirrehma ne Apne Pir o Murshid ki Yaad me ek Masjid ki Taamir ki aur uska Naam ‘Masjide Rehmat’ rakha.*

*✳ HAZRAT SAYYEDNA MAKHDOOM JAHANIYA JAHANGASHT radiyallahu anhu ne usi Masjid ke Hujre me Chilla Kashi ki. Masjide Rehmat ki Taamir ke baad HAZRAT SAYYED MAKHDOOM SIKANDAR Alayhirrehma ne ‘Raavli Masjid’ ki taamir ki. Ye Tamami Masjide Aaj bhi Mangrol me moujud he.

HAZRAT SAYYED MAKHDOOM SIKANDAR JAHANIYA rehmatullah alayh Mangrol Sharif me 48 Saal tak Deene Islam ki Khidmate Anjaam dete rahe. Hijri 777 se 825 Tak Aap Shahere Mangrol ko Apne Faizane Karam se Maalamaal karte rahe. Aapki koshisho se kai Qaum Islam ke Daaman me aa gai. Aapne Kai Masaajid, Madaaris aur Khanqaho ki Taamir ki.*

*✳ Jaha Aapka Mazare Aqdas he usi jagah par Aap Yaade Ilahi me Apni Zindagi Basar karte. 10 Rabiul Aakhir Hijri 825 ko Aapne is Faani Duniya se kuch farmaya. Aapki Dargah Sharif Mangrol me ‘JAHANIYA PIR’ ke Naam se mash’hoor he.*

*✳ Yaha par do (2) Bade Gumbad Sharif he. Dargah Sharif ke Pehle Darwaze se dakhil hote hi Houz ke paas Maghrib ki janib Pehle Gumbad Sharif ke andar sab se Pehla Mazare Paak Aapka he. Aapke Pehlu me HAZRAT GOUHAR Alayhirreha aur unke Pehlu me Aapke Sahabzade HAZRAT SAYYED AADAM Alayhirrehma ka Mazar Sharif he. Aur dusre Gumbad Sharif me HAZRAT SAYYED RUKNUDDIN urf RAAJU bin SAYYED AADAM bin SAYYED SIKANDAR JAHANIYA rehmatullahi alayhim ajmain ka Mazar e Paak he.*

 Aapke Pir o Murshid HAZRAT SAYYEDNA MAKHDOOM JAHANIYA JAHANGASHT radiyallahu anhu ke Ataa karda Tabarrukaat jo Aap Apne sath Mangrol me laae the wo Aaj bhi Aapki Khanqah Sharif me moujud he aur waha ke Khuddam Zaairin ko uski Ziyarat karvaate he. Un Tabarrukaat me se baaz Tabarrukaat ki fehrist hasbe zel he.*

*✳ HAZRAT SAYYEDNA BABA FARIDUDDIN MAS’OOD GANJ SHAKAR radiyallahu anhu ki Kanghi Mubarak*

*✳HAZRAT MEHBOOB EILAHI KHWAJA NIZAMUDDIN AULIA va HAZRAT SAYYEDNA KHWAJA NASIRUDDIN CHARAAG E DEHLI radiyallahu anhuma ke Kurta Sharif*

*✳ HAZRAT SAYYEDNA MAKHDOOM RAAJU QATAAL radiyallahu anhu ki Multaani Banavat ki Tehband Sharif*

*✳ HAZRAT SAYYED SIKANDAR JAHANIYA Alayhirrehma ka Amama Sharif  aur Aapka Kurta Sharif*

*✳ Ek Qurane Paak jo Kapde ke upar likha hua he.*

*✳Ek Sunehra Quran Sharif jisko HAZRAT SAYYED SIKANDAR Alayhirrehma ki Vaalida Majida Padha karti thi.*

*✳ Mangrol ko Fateh karne ke liye hui Jung me istemaal kiye hue bahot se Alam (Jhande)*