Advertisements

Bismillah Al rahman Al Raheem.

Bismillah Al rahman Al Raheem.

“Ek Hindal wali dusre Hindal wali ke sath hain.
Kada aur Ajmer Sarkar (S.A.W) ke Mojezaat hain”

“Kada mein ek wali ‘Shuja darwesh’ ka aana hua
Kar ke Ganga mein ghusl musalla bichana hua
Tha khayal ki shukr khuda baja laao.n
bargah e maula mein apna sir jhukaon”

“kada ka hakim jo ‘jai chand rathaur’ tha
Tha wo zalim aur jabir kufr ka nichod tha
Kaat Kar ungli darwesh ki usne ye Kaha’ Ja yaha.n se aye malich aaya yaha.n to kaise bhala”

“Phir Shuja darwesh waha’n se hoker ba deeda num
Chal diye janib wo shahre haram
Phir waha’n se pahuche dayar e karam
Pur ashq thi aankhe.n aur seena tha pur dard e gham”

“Rauza e Mustafa par darwesh ne yoo.n shikwa kiya
Rote the aur kahte the ki Aye Habeeb e kibriya
Haakim e hind ne kaati hai meri ungliya.n
Padhne di na mujhko namaz, munkir hai wo aapke deen ka”

“Bole Aaqa (s.a.w) ye Shuja Darwesh se
ro nahi ungli katne aur kufr ke fareb se
Hind ki Sar zamin jo kafiron ke maskan se hai
Purchame Islam phairna waha.n Qutubuddin’ mere farzand se hai”

“Sarkar (s.a.w) ne phir basharat ye ‘Qutubuddin’ ko dee
Aye farzand-e-mun tum hi to ho Aftab-e- deen
Saazgaar hai tumko ‘kada’ ki sarzamin
Phairege waha’n hatho tere Purchame deen-e-mubeen”

“Mye Muhammad mustafa (s.a.w) karta hoo’n.n ye elaa.n
Tumko baksha walayat hind, tum ho waha.n ke hukmara.n
Paa ker phir sarkar se ye tamgha e naebi
Meer Qutubuddin muhammad waarid hue hindustan”

“Sarkar (s.a.w) ke maujze ko hazrat ne zahir phir yoo.n kiya
Dekhla Kar jauhar harbo zarb Purchame deen phaira diya
Ho gya ye munkashif phir ahle Haq ke darmiya.n
Seerat e Hasani hai’n ‘Qutubuddin’
basoorate Husainiya.

“Ajmer ki Daasta.n ka bhi yahi unwan tha
Hukmara.n waha.n ka prithvi raj chauhan tha
Bhai tha khalera ye jai chand rathaur ka
Aur aisa hi ye bhi dushmane islam tha”

“Hoti hai Daastan Iski kuch yoo.n bayan
Kufro shirk ki thi har simt yaha’n
raanaiya.n
Rasmo kasmo ki unchi deewar thi
Bazm e hasti mein thi badi kathinaiya.n

“Har taraf zulm ki chaayi hui thi badliyan
Muflison ki dard se ghut gyi thi siskiyan
Hosh mein aata nahi tha koi ahle sitam
Kufl e gham mein qaid thi Ajmer ki bastiyan”

“Tha magar manzoor mashiyat ilahi ko kuch aur hi
Isfahan ke sanjar par pahuche ibraheem darwesh e dee.n
Bagh mein ek pahuch Kar ruk gye Allah ke wali
Dekha us bagh mein Darwesh ne ek noor e Nabi”

“Bagh ke malik the.n wo naam tha Moinuddin hasan
Tha hasee’n chehra, noori tha Unka pairahan
Gul e baagh e hussain ke woh the ek gulbadan
Mahek raha tha Jinke dam se sanjar ka Sara chaman

“Darwesh ko dekha jo phir khwaja moinuddin ne
Kho diya sab hosh o khirad deen ke is moin ne
Kar ke istakhbaal Unka maqsad Sara pa liya
Maal o zar sab sadqa kiya raah e khuda e azeem mein”

“Kah Kar sanjar ko alvida hote hue samarkhand, baghdad, bukhara
Ilm e deen akhaz kiya phir hua ye ishara
Ki Jao moinuddin sarzamine harwan
Peer e kaamil Kar raha hai intezar tumhara”

“Hazrat Usman harwani se pa liya sab raazo niyaz
Pahen Kar libas e bahisht ho gye sozo gudaz
Bargah e peer mein phir Sar e kham tazeem kiya
Aur Jism par hua Aaraasta zewar e ahraz”

“Pahuche khwaja phir waha’n se shahre haram
Peer kamil sath the.n aur ladhkhadate the unke qadam
Aayi dewaare haram se phir ye nida e ghaibiya
Aye moinuddin tum ho maqbool bargah e Sanam”

“Paakar ye inaam ilahiya, sajda kiya shukr ka ada
Aage badha phir ye qafila janib e shahre Mahboob e khuda
Rauza e sarkar par pahuche jo Khwaja e chishtiya
Aawaz di sarkar (s.a.w) ne ki ‘Aao
mahtab e deen e huda’.

“Dekar sarkar (s.a.w) moinuddin Ko daulat e khidmat e deen
Aur ye bole ki farzand tum ho hindal wali
Muntazir jiski thi barso ‘Ajmer’ ki wo sarzami
Jao tumko hai diya maine waha’n ki naebi”

“Paa Kar phir sarkar (s.a.w) Se ye tamgha e naebi
‘Meer Moinuddin hasan waarid hue hindustan.
Dikhla Kar shan e muhabbat Zahir kiya mojeza e Nabi
Aur barsaya yaha’n rahmat ki har su jhadi”

“Ahle Haq par munkashif inke ye darjaat hain
Seerat e Hussain hai’ Moinuddin’ basoorat e Hasan Kya baat hai
Raaz tujh par hai Khula Aye ‘Aquib’
Ba waseela ‘charo peer’
Kada aur Ajmer Sarkar (s.a.w) ke Mojezaat hain.

” Meer aquib “

[Image 354.jpg]

[Image 354.jpg]

بسم اللہ الرحمٰن الرحیم
Imam Hussain Alaihissalam ki shahadat par Imam Shafai Raziallah Anhu ke Ash.aar.

(1) Jis cheez ne meri neend uda di aur mere baalon Ko safaid kar diya woh aisi gardish e zamana hai jismein badi badi musibate.n hai.

(2) Mera qalb ghum wa aah se choor hai
mera dil ghamgeen wa ranjoor hai meri neend udd chuki hai aur ye be khwabi ajeeb hai.

(3) koi hai jo Hazrat Hussain Alaihissalam Ko meri taraf se ye Paigham pahucha de khwah kisi Ko kitna hi gira.n Kyun na guzre.

(4) Unhe bila kisi jurm ke hi Shaheed kar diya gaya aur unki qamees aisi lagti hai jaise use arjwaan ke paani mein rang diya gaya ho.

(5) Unke wafaat par talware.n fariyaad Kuna hain neze nauha khwa.n aur ghodo.n ki awaaz Aah o fugha.n mein badal chuki hai.

(6) Aale Muhammad sallallahu alaihe wasallam ki shahadat ki wajah se duniya hil gayi hai aur qareeb tha ki pahado.n ka goonga pan khatm ho jaye aur woh cheekh pade.n.

(7) Sitare doob gaye sayyare kapkapa uthe parde phaad diye gaye aur girebaa.n chaak kar diye gaye.

(8) kitni Ajeeb baat hai ki Banu Hashim ke nabi maba’oos sallallahu alaihe wasallam par Darood bheja jaye aur inki Aulad se jung ki jaaye.

(9) Agar mera gunah ye hai ki mujhe Aale Muhammad sallallahu alaihe wasallam se muhabbat hai to ye aisa gunah hai ki jis se maye kabhi tauba nahi karne wala hoon.

(10) Hashro nashr ke din jab dekhne waale musibat mein giraftar honge uss waqt yahi Hazraat mere sifarishi honge.