Month: November 2021

Ahle Sunnat hone ki Alamat!

Imam Zainul Aabideen Alaihissalam farmate hain Unke Walid Hazrat Sayyeduna Imam Hussain Alaihissalam ne farmaya:

“Ahle Sunnat ki Alamat ye hai ke sirf wohi Ahle Sunnat hai jo Mustafa par kasrat se Durood aur Salam padhta hai.”

SallAllahu Alaihi wa Aalihi wa Sallam

Ibne Hajar Haytami Makki, Ad Durral Manzood, Page 81

Allahumma Salli wa Sallim Ala Sayyedina Muhammadiw wa Ala Aali Sayyedina Muhammadin Ala Qadree Muhabbatika Feeh.

Salawatullahi Ta’ala wa Malaikatihi wa Ambiyaihi wa Rasoolihi wa Jamiyi Khalqihi Ala Sayyedina Muhammadiw wa Ala Aali Sayyedina Muhammadin Alaihi wa Alaihi-Mussalamu wa Rehmatullahi wa Barakatuhu.

Har Thursday ko Asar ke baad Durood-o-Salam padhne ka Azeem Ajr!

Sayyeduna Maula Ali al Murtaza KarramAllahu Wajhahul Kareem se riwayat hai ke:

“Allah Ta’ala ke zameen par kuch Farishte aise hain jinko Noor se paida kiya gaya aur wo zameen par sirf Juma ki raat aur Juma ke din utrate hain. Unke haath ne sone ke qalam aur chaandi ki dawaaten aur Noor ke awraaq hote hain aur wo sirf Huzoor Nabi-e-Akram SallAllahu Alaihi wa Aalihi wa Sallam par Durood likhte hain!”

Aur Imam Jafar Sadiq Alaihissalam farmate hain ke
“Jumeraat ke din Asar ka waqt hota hai to Allah Ta’ala aasmaan se zameen ki taraf aise Farishto ko nazil farmata hai jinke paas Sufahaat hote hain aur Unke haatho me sone ke qalam hote hain aur ye Farishte us din aur raat aur agle din gurub-e-aaftaab (yaani thursday ki shaam se Friday ki magrib tak) Huzoor SallAllahu Alaihi wa Aalihi wa Sallam par Durood likhte hain!”

Alaihim Afdalus Salawatu was Salaam

Daylami, Musnad al Firdaus, 1/184, 8700
Bayheqi, Shobul Imaan, 3/112, 3037

(Yaani jo log Durood Shareef padhte hain unka Durood likhte hain. Aur Ahadees me hai ke In aukaat me jisne sabse zyada Durood padha ho us khushkismat ka naam alag se Aaqa SallAllahu Alaihi wa Aalihi wa Sallam ki Bargah-e-Aqdas me pesh karte hain!)

Allahumma Salle Ala Sayyedina wa Maulana Muhammadi Nin Nabiyyil Ummiyyil Habibil Aalil Qadril Azeemil Jaahi wa Ala Aalihi wa Sahbihi wa Baarik wa Sallim.

Huzoor Ghous us Saqalain Syedna Shaykh Abdul Qadir Jilani Al Hasani Qaddas AllaHu Sirrahu Al Aziz Farmate Hain;;!!

Aur Allah Raazi Ho Us Bahadur Syed Se Jis Mein Tamam Shifaat Ki Khair Mouzood Hain Jo Syeda Zahera Pak Ka Sohar Jo Rasool’Allah ﷺ Ke Chacha Syedna Abi Talib AlaihisSalam Ka Beta Jo Allah Ki Tez Dhaari Talwaar Jo Qana Al’Baab Hain Jo Kafiron Ki Jamat Ko Shikast Dene Wala Jo Deen’e Ilahi Ka Imam Aur Us ka Aalim Jo Shariyat Aur Uska Hakim Hain Jis Ne Namaj Mein Apni Anghooti Sadqa Mein Di Jis Ne Apni Jaan Ko Rasool’Allah ﷺ Par Fida Kiya Jo Mazhar ul Ajaib Hain Raazi Ho Allah Imam Hasnain Kareemain Ke Waalid Ali Ibne Abi Talib AlaihisSalam Se Un Dono Saheed Nawason Ke Saath Raazi Ho Yaani Syedna Imam Hasan AlaihisSalam Aur Syedna Imam Hussain AlaihiSalam.””

Refrence 📚
Book: Qalaid Al-Jawahir Fii Manaqib Shaykh Abdul Qadir Jilani
Musannif :Imam Qazi Muhammad Bin Yahya Al-Tadfi Al-Hanbali
Page No : 59