Hazrat Maulana Shaah Abdur Raheem Mohaddeeṡ Dehlawi rahmatullāhi alaihi

44593692_1419388841528969_6245314517799010304_o

Aap ki wilaadat 1054 Hijri (1644 A.D.) me hui.

Aap ke waalid ka naam Hazrat Shaah Wajeeh-ud-deen bin Muazzam hai.

Aap Hazrat Umar Faarooq radiy-Allāhu ta’ala anhu ki nasl se hain.

Aap ke pardaada Shaikh Shams-ud-deen Mufti bin Malik Sair Hindustan aaye the aur Rothak me sukoonat ikhtiyaar ki.

****************
Aap ne apne waalid Hazrat Shaah Wajeeh-ud-deen aur apne bhai Shaikh Abul Rida Muhammad se ta’aleem haasil ki.
Phir Hazrat Khwaja Khurd Abdullāh bin Khwaja Muhammad Baaqi Billāh rahmatullāhi alaihi se kuchh ta’alem haasil ki.
Phir Hazrat Allama Mirza Muhammad Zaahid Harawi se Hadeeṡ, Fiq’h aur Falsafa ki ta’aleem haasil ki.
Hazrat Sayyed Abdullāh Akbarabadi rahmatullāhi alaihi se aur un ke wisaal ke baad Khwaja Abul Qaasim rahmatullāhi alaihi se Tasawwuf ki ta’aleem haasil ki.

****************
Aap Jaame uloom aur azeem Mohaddeeṡ aur Faqeeh the.

Aap ne Madrasa Raheemiya, Delhi ki taamir ki aur talba ko dars wa ta’aleem dena shuru kiya.

****************
Aap ‘Fataawa-e-Aalamgeeri’ tayyaar karne waale Ulama me saamil hain (jo Hanafi fiq’h ki motabar kitaabo me se ek hai).

‘Irshaad-e-Raheemiya’ me Aap ki ta’aleemaat ko jama kiya gaya hai.
‘Anfaas-e-Raheemiya’ me Aap ke likhe hue Khato ko jama kiya gay hai.

****************
Aap ke 2 saahaabzaade hain :
(1) Hazrat Shaah Ahmad Waliullāh,
(2) Hazrat Shaah Ahlullāh.

****************
Aap Hazrat Khwaja Khurd Abdullāh bin Khwaja Muhammad Baaqi Billāh rahmatullāhi alaihi ke mureed aur khalifa hain.
Aur ‘Naqshbandi’ silsila ke Shakh hain.

Aap ke khalifa :
Hazrat Shaah Qutb-ud-deen Ahmad Waliullāh Mohaddeeṡ Dehalwi rahmatullāhi alaihi.

****************
Aap ka wisaal 12 Safar 1131 Hijri (January 1719 A.D.) ko Chaasht ke waqt hua.

Aap ka mazaar Delhi me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Maulana Shaah Abdur Raheem Mohaddeeṡ Dehlawi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.