Hazrat Shaikh Abul Hasan, Zaid al-Faarooqi rahmatullāhi alaihi

53082606_1513020948832424_3585708109114376192_n
Aap ki wilaadat 25 Ramazaan 1324 Hijri (1906 A.D.) ko Delhi me hui.

Aap ke waalid ka naam Hazrat Abul Khair Abdullāh bin Shaah Muhammad Umar bin Khwaja Shaah Ahmad Saeed al-Faarooqi rahmatullāhi alaihi hai.

Aap Hazrat Mujaddid-e-Alfe-Ṡaani Imaam Shaikh Ahmad Faarooqi Sirhindi rahmatullāhi alaihi ki nasl se hain.

*********************
Aap ne Hazrat Shaikh Muhammad Umar aur Mulla Amaanullāh se ta’aleem haasil ki aur Kaafiyah Ibn al-Hajib ak Ilme Sarf wa Nahaw ki ta’aleem haasil ki.
Phir apne waalid se Nahaw Meer aur al-Kaafiyah ki a’aleem haasil ki.
Phir Madrasa Maulawi Abdul Rab, Delhi me Shaikh Abdul Wahaab, Hakeem Muhammmad Mazharullāh aur Shaikh Mehboob e Ilāhi se ta’aleem haasil ki.

Phir Zil Qa’ada 1349 Hijri (April 1931 A.D.) me Aap apne bhai Abul Sa’ad – Saalim ke saath Jaamiatul Azhar, Cairo (Egypt) tashreef le gaye. Yaha Aap ne Shaikh Yousuf al-Dajawi al-Maaliki se Saheeh Bukhari ki, aur Shaikh Ali Shaib Ajiz se Sharh Ibn Aqeel Fee Alfiyah Ibn Maalik ki ta’aleem haasil ki.
Aap ne Shaikh Muhammad Bukhit al-Muti’i aur Shaikh Muhammad Habeebullāh al-Shinqiti se Musalsal bil Awwaliyah (pattern chained hadith of firstness) ka daura kiya aur ijaazat haasil ki.
1350 Hijri (1932 A.D.) me Aap Hajje Baitullāh ke liye tashreef le gaye to duraane safar Morocco me Sayyed Muhammad Abdul Hayy Mohaddeeṡ al-Kattani se daura kiya aur ijaazat haasil ki.
1351 Hijri (1933 A.D.) me Makka mukarrama me Shaikh Abul Faiz Abul Isaad Abdul Sattaar ibn Maulawi Abdul Wahhab al-Siddeeqi al-Dehlawi al-Makki se Musalsalaat ka daura kiya aur ijaazat haasil ki.
Waapasi ke safar me Shaikh Sayyed Ahmad Shareef al-Sanusi se Musalsalaat ka daura kiya aur ijaazat haasil ki.
Shaikh Badr-ud-deen al-Hasani Mohaddeeṡ ne Aap ko khat ke zariye ijaazat ata farmai.
1354 Hijri (1935 A.D.) me Aap ne imtihaan dekar Jaamiatul Azhar se Aalim ki sanad haasil ki.

*********************
26 Ramazaan 1354 Hijri (22 December 1935 A.D.) ko Aap Hindustan waapas tashreef laaye.

1354 Hijri (1935 A.D.) me Aap apne waalid Hazrat Shaikh Abul Khair Abdullāh al-Faarooqi Naqshbandi rahmatullāhi alaihi ke mureed hue aur 1359 Hijri (1940 A.D.) me ijaazat o khilaafat haasil ki.

*********************
1366 Hijri (1947 A.D.) me aazaadi aur taqseem e mulk ke baad Aap ke bhai Shaah Abul Faiz, Bilaal aur Shaah Abul Sa’ad, Saalim Quetta (Pakistan) tashreef le gaye to Aap ne Khaanqaah e Shaah Ghulaam Ali ki zimmedaari sambhali aur 46 saal tak khidmat e deen karte rahe.

Aap ne Masjid aur Dargaah ki majeed tajdeed wa tarmeem ki.
1403 Hijri (1982 A.D.) me Aap ne Khaanqaah me ek Maktab ki taamir ki.

*********************
Aap ne 3 martaba Hajje Baitullāh ada kiya :
1346 Hijri (1928 A.D.), 1350 Hijri (1932 A.D.) aur 1386 Hijri (1967 A.D.) me.

*********************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Bazm Khair az Zaid Dar Jawaab Bazm Jamshaid (Urdu)
(2) Majmua Khair-ul-Bayaan (Meelaad-un-Nabi sallallāhu alaihi wa sallam ke muta’alliq bayaan)
(3) Manaahij al-Sair wa Madaarij al-Khair (Faarsi)
(4) Khair-ul-Maqaal fee Ruyah al-Hilaal (Urdu)
(5) Mas’ala Dabt Wilaadat (Urdu)
(6) Risaala Wahdat al-Wujood (Urdu aur Faarsi)
(7) Minhaaj-ul-Aba fee Salaam ala al-Ambiya wal Rida un Auliya (Urdu aur Faarsi)
(8) Nabaaqat bin Tabaaqan (Arabi)
(9) Maqaamaat e Khair (Aap ke Aaba o Ajdaad ki sirat ka bayaan) (Urdu)
(10) Maqaamaat e Akhyaar (Faarsi)
(11) Aik Ilmi Maqaala (Hazrat Mujaddid-e-Alfe-Ṡaani Imaam Shaikh Ahmad Faarooqi Sirhindi rahmatullāhi alaihi ki Sirate muabaraka ka bayaan) (Urdu)
(12) Hazrat Mujaddid aur Un Ki Naqideen (Urdu)
(13) Sawaaneh Hayaat Shaah Bilaal (Urdu)
(14) Sawaaneh Imaame Aazam
(15) Mas’ala al-Masaajid ul-Mahjura (Arabi)
(16) Sareer al-Yara lee Irtishaf Himya ul-Sama (Urdu)
(17) Naja-ul-Areeb wa Safra-ul-Labeeb.
(18) Ibn Taymiyyah aur un ke hum asr Ulama
(19) Maulana Ismāeel Dehlawi aur Taqwiyat-ul-Eimaan (Taqwiyat-ul-Eimaan ke 7 Masaa’il ke Rad).

Aap ne Urdu, Arabi, aur Faarsi me Nazamen bhi likh hain.

*********************
Aap ka nikaah 1345 Hijri (1925 A.D.) me hua.
Aap ke 3 saahabzaade ar 6 saahabzaadiya hain :

Saahabzaade :
(1) Abu Turaab Haamid (1358 Hijri me Wilaadat ke baad hi intiqaal hua)
(2) Abul Fazl Muhammad (Wilaadat 1355 Hjri [1936 Hijri], Intiqaal 1404 Hijri [1984 A.D.])
(3) Abul Khair (1363 Hijri me 3 saal ki umr me intiqaal hua).

*********************
Aap Hazrat Shaikh Abul Khair, Abdullāh al-Faarooqi Naqshbandi Mujaddidi rahmatullāhi alaihi ke mureed aur khalifa hain.

Aap ke khalifa (Aap ke pote) Hazrat Shaikh Abul Nasr, Anas al-Faarooqi Naqshbandi Mujadhain.

*********************
Aap ka wisaal 15 Jamaadi uṡ ṡaani 1414 Hijri (1 December 1993 A.D.) ko hua.

Aap ka mazaar Delhi me Khaanqaahe Mazhariya me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Abul Hasan, Zaid al-Faarooqi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.