Hazrat Sayyed Saahib Husaini Qaadri rahmatullāhi alaihi

43388433_1409258555875331_3337627009936261120_n

Aap ki wilaadat 1219 Hijri (1805 A.D.) me Tekmal me hui.

Aap ke waalid ka naam Hazrat Sayyed Abdur Razzaaq bin Sayyed Abdul Waahid Ṡaani Qaadri al-Jilani rahmatullāhi alaihi hai.

Aap Hasani Saadaat hain.
Aur Hazrat Ghauṡe aazaam Shaikh Sayyed Abdul Qaadir Jilani radiy-Allāhu ta’ala anhu ki nasl se hain.

Aap ke pardaada Hazrat Sayyed Ibrāheem Qaadri Baghdad se Hindustan tashreef laaye the.

*******************
14 saal ki umr me Aap Hyderabad tashref laaye aur 5 saal tak ta’aleem haasil karte rahe.
1238 Hijri (1924 A.D.) me beemaari ke sabab Aap ke waalid ka inteqaal hua aur Aap Tekmal waapas aaye.
Aap ko is baat ka bahot afsos hua ke waalide mohtaram se uloom e baatini ki ta’aleem haasil na kar paaye.
1239 Hijri (1925 A.D.) me Aap ke waalid ne khwaab me bashaarat farmai ke “Mere khalifa Shaah Muhammad Ma’aroof Shahidullāh Faarooqi se ta’aleem haasil karo.”
1240 Hijri (1926 A.D.) me Aap Hyderabad jaakar Shaah Muhammad Ma’aroof Shahidullāh Faarooqi rahmatullāhi alaihi ke mureed hue aur ta’aleem wa faiz haasil krte rahe. Kuchh mahine baad Hazat ne Aap ko khilaafat ata farmai.
Phir Aap Tekmal waapas tashreef laaye. Hazrat kai baar Aap se milne Tekmal aate rehte.
1245 Hijri (1931 A.D.) me Hazrat ne Aap ko sajjaada nasheen banaaya.
1248 Hijri (1933 A.D.) me Hazrat ne farmaaya ke “Agle saal mera inteqaal hoga.” aur apni madfan ki jagah bhi batai.
2 Sha’abaan 1249 Hijri ko Hazrat ka wisaal hua.

***************
Aap Tekmal me ta’aleem aur faiz ata farmaate rahe.

1243 Hjri (1827 A.D.) me Aap ne apne maal se Madrasa-e-Husainiya ki taamir ki.
Usi saal Tekmal Masjid ki taamir ki.

Aap ne Tekmal ke ird gird kai Kuen bhi taamir kiye.

***************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Shawaahid-e-Husaini
(2) bMaṡnawi Shahid-ul-Askar (Hazrat Khwaja Banda Nawaaz Gesudaraaz ki kitaab ‘Khaatimah’ ki tafseeer)
(3) Shaahid-ul-Wujod (Tasawwuf)
(4) Nukat-e-Shaahid (Aap ke shaagirdo ke sawaalo ke jawaab)
(5) Farhang-e-Husaini (Faarsi Qaa’ida)

‘Maktoob-e-Husaini’ me Aap ke likhe hue khato ko jama kiya gaya hai.

***************
Aap ke 5 saahabzaade aur 1 saahabzaadi hain :

Saahabzaade :
(1) Sayyed Ahmad Baadshaah (Sajjaada nasheen),
(2) Sayyed Ma’aroof Baadshaah,
(3) Sayyed Yāseen Baadshaah,
(4) Sayyed Muhyi-ud-deen Baadshaah,
(5) Sayyed Abdul Qaadir Baadshaah.

Saahabzaadi :
Saahibni Bi (Jin ka nikaah Khwaja Husaini se hua).

***************
Aap Hazrat Shaah Muhammad Ma’aroof Shahidullāh Faarooqi Qaadri rahmatullāhi alaihi ke mureed aur khalifa hain.

***************
Aap ka wisaal 26 Moharram 1297 Hijri (9 January 1880 A.D.) ko hua.

Aap ka mazaar Tekmal (Telangana) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Saahib Husaini Qaadri rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.