Hazrat Maulana Shaah Muhammad Abdul Qaadir Badayuni rahmatullāhi alaihi

52602650_1517564981711354_5207918446519517184_n

Hazrat Maulana Shaah Muhammad Abdul Qaadir Badayuni rahmatullāhi alaihi :

Alqaab :
‾‾‾‾‾‾‾‾‾‾
Taaj-ul-Fahool, Muhibb-ur-Rasool.

****************
Aap ki wilaadat 17 Rajab 1253 Hijri (17 October 1837 A.D.) ko Badaun me hui.

Aap ke waalid ka naam Hazrat Maulana Shaah Fazale Rasool bin Ain-ul-Haq Shaah Abdul Majeed Badayuni rahmatullāhi alaihi hai.

Aap Hazrat Uṡmaan Ghani radiy-Allāhu ta’ala anhu ki nasl se hain.

Aap ke pardaada Hazrat Daaniyal Qatari rahmatullāhi alaihi Sultaan Shams-ud-deen Altamash ki fauj ke saath Badaun tashreef laaye the.

****************
Aap ne apne waalid Hazrat Maulana Shaah Fazale Rasool rahmatullāhi alaihi aur Hazrat Maulana Noor Ahmad Badayuni rahmatullāhi alaihi se ta’aleem haasil ki.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Ahsan-ul-Kalaam Fee Tahqeeq Aqaa’id-ul-Islaam
(2) Radd-e-Rawaafiz
(3) Ikhtilaaf-e-Hazrat Ali o Ameer Muawiya Radiy-Allāhu anhum.

****************
Aap ne ta’aleem wa tadrees o taqreer aur tasannif ke zariye Ahle sunnat wal Jama’at ki azeem khidmat ki hai.

1288 Hijri (1871 A.D.) me Aap ne Muhammad Ahsan Nanotwi ke shaagird Ameer Ahmad bin Ameer Hasan Sahsawani ke saath Imkaan-e-Kizb aur Imkaan-e-Nazeer ke mauzu par Mubaahisa kiya.

****************
Aap Hazrat Moeen-ul-Haq Maulana Shaah Fazale Rasool Badayuni rahmatullāhi alaihi ke mureed aur khalifa hain.

Aap ke khalifa (aap ke saahabzaade) Hazrat Saahib-ul-Iqtidaar Maulana Shaah Abdul Muqtadir Qaadri Badayuni rahmatullāhi alaihi hain.

****************
Aap ka wisaal 18 Jamaadi uṡ ṡaani 1319 Hijri (2 October 1901 A.D.) ko hua.

Aap ka mazaar Khaanqaah-e-Aalia Qaadriya, Maulwi Mohalla, Badaun (Uttar Pradesh) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Maulana Shaah Abdul Qaadir Badayuni rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.