Hazrat Makhdoom Sheikh Sarang (رحمتہ اللہ علیہ)

h0001_Fotorh0006_Fotorh0007_Fotorh0008_Fotorh0009_Fotorh0010_Fotorh0011_Fotor

Hazrat Makhdoom Shaik Sarang(Reh) Ka Naam Shaikh Mohammed Khamis Urf Abdullah Rumi Hai. 

Hazrat Sayed Kabber Ahmed Bukhari Aur Hazrat Sayed Safdar Ali Bukhari(Reh) Namak Do Bhai Thae. Hazrat Sayed Kabir Ahmed(Reh) Ke Do Ladke Thai Bade Ka Naam Hazrat Makhdoom Jalaluddine Jahaniya Jahangasht Aur Chote Ka Naam Hazrat Sayed Abul Fazal Urf Raju Kattal Tha.

Hazrat Safdar Ali Bukhari Ko Ek Ladka Tha Jiska Naam Shaikh Mohammed Khamis Urf Abdullah Rumi Tha, Jinhe Baad Main Hazrat Makhdoom Shaikh Sarang Ke Naam Se Jana Gaya. Hazrat Sayed Safdar Ali Bukhari(Reh) Islam Pehlane India Aye Thai. Allah Ke Hukum Se Apne Malwa Main Kayam Kiya, Jab Malwa Ke Raja Ko Pata Chala Ki Koi Buzrg Aya Hai To Wo Unse Mulakat Ke Liye Gaye  Aur Unke Akidatmando Main Shamil Hogaye.
Hazrat Sayed Safdar Ali Bukhari(Reh) Malwa Main Kafi Arsa Rehne Ke Baad  Wapsi Ke Bare Main Socha To Wahan Ke Raja Ne Unse Guzarish Ki Ap Malwa Chod Kar Nahi Jaye Aap Ke Jane Ke Baad Hamara Kya Hoga.

Ye Baatain Sunkat Hazrat Sayed Safdar Ali Bukhari(Reh) Ne Farmaya Ki Jis Tarah Bhi Aap Log Chate Hai Mujhe Batladijye To Raja Ne Kaha Ki Apne Bete Ko Yahan Hamre Pass Chod Jaye Is Main Hamari Bhalaye Hai Aur Ise Hamara Sagar Sarang Hojayega. Hazrat Ne Apne Bete  Hazrat Makhdoom Shaikh Sarang(Reh)  Ko Us Raja Ke Pass Chod Diya Aur Wapas Hogaye.

Us Raja Ne Bhi Hazrat Makhdoom Shaikh Sarang(Reh) Ko Apne Beta Bana Liya Aur Pure Awaam Main Ailan Kardiya Ki Aaj Se Ye Ladka Yahan Ka Raja Hai Aur Khud Wahan Ka Mantari Bangaya. Aisa Karte Hi Allah Ka Us Raja Par Karam Hua Aur Uski Charo Biwiyan Hamal Se Hogaye Aur Teen Raniyon Ko Ladke Aur Ek Ko Ladki Paida Hui. Ye Dekh Kar Raja Bohat Kush Hua Aur Allah Ka Shukr Ada Kiya.

Raja Ke Parde Ke Baad Hazrat Makhdoom Shaikh Sarang(Reh) Pure Milkiyat Ke Malik Bangaye Unhone Us Jagah Ka Naam Malik Sarang Rakha Jo Aaj Bhi Malwa Main Is Naam Se Jana Jata Hai. Jab Raja Ki Ladki Badi Hui Jo Hazrat Ki Khooni Rishtey Se Behan Hui Apne Uski Shadi Feroz Shah Tughlak Ke Bete Se Kardi Aur Khud Apna Bhi Nikkah Shahi Gharane Main Kiya Aur Ek Sehar Saranag Pura Bus Gaya Jo Aaj Bhi Malwa Rajye Main Hai.

Hazrat Abdul Haq Mohaddis Dhelvi(Reh) Ne Akhbarool Akhiyar Namak Kitab Main Likha Hai, Shuruwat Main Hazrat Makhdoom Shaikh Sarang(Reh)  Sultan Feroz Shah Tughlak Ke Darbar Main Bohat Khass Ameer Thai. Unki Uohda Bohat Ucha Tha Wo 12000 Ghudsawaron  Ke Sardar Thai. Har Bade Faisle Main Hazrat Ki Raye Zaroor Lijati Thi.
Khazinat Ul Asfiya Ke Writer Mufti Ghulam Sarwar Ne Likha Hai Ki Ek Baar Hazrat Makhdoom Jalaluddine Jahaniya Jahangasht(Reh) Aur Hazrat Sayed Raju Kattal(Reh) Sultan Feroz Shah Tughlak Ke Mehan Main Tashreef Laye. Us Waqt Hazrat Shaikh Sarang(Reh) Mahal Main Umrah Ki Hasiyat Se Hazir Thai. Dono Buzrgon Ke Khidmat Ka Kaam Hazrat Ne Khud Apne Zime Le Liya. Aap Ne In Dono Pahunce Huye Buzrgon Ki Bohat Dil Se Khidmat Ki. Ek Din Hazrat Raju Kattal(Reh) Ne Hazrat Shaikh Sarang(Reh) Se Kaha Ki Agar Tum 5 Waqt Ke Namaz Ada Karoge To Main Tumhain Hazrat Hazrat Makhdoom Jalaluddine Jahaniya Jahangasht(Reh) Ka Jhuta  Khana Khilaunga. Hazrat Shaikh Sarang(Reh) Ne Aisa Hi Kiya Ye Dekh Kar Hazrat Kattal(Reh) Ne Hazrat Shaikh Sarang(Reh) Ko Namaz Chaast Aur Ushraq Padhne Ka Tariqa Bataya Aur Kaha Ki Agar Ye Namazin Tum Roz Padhne Lagoge To Main Tumhare Sath Ek Hi Bartan Main Khana Kahunga. Kuch Waqt Guzarne Ke Baad Ek Din Hazrat Raju Kattal(Reh) Ne Hazrat Shaikh Sarang(Reh) Ko Ek Bartan Main Khana Khaya Aur Kuch Lukme Apne Hath Se Bhi Khila Diye, Bus Kya Tha Yahan Niwala Andar Jana Tha Aur Allah Ka Karam Hona Tha.
Hazrat Shaikh Sarang(Reh) Wo Lukme Main Khane Ke Baad Apne Andar Ek Aisa Badlaw Pate Hai Aur Unke Andar Jazba Haqiqi Paida Hua. Unka Dil Duniya Ki Chamak Dhamak Se Bhargaya. Hazrat Apni Sari Daulat Gareebon Main Baat Dete Hai Aur Sachhe Peer Ke Talash Main Nikal Padte Hai.

Khazinat-Ul-Awliya Ain Likha Hai Ki Hazrat Shaikh Sarang(Reh) Ne Fakiri Ke Katon Bhare Raston Par Kadam Rakha Aur Apne Peer Haji Harman Sahab(Reh) Ke Bargah Main Hazair Hotey Hai Aur Unse Bayat Lete Hai Baad Main Apko  Hazrat Makhdoom Jalaluddine Jahaniya Jahangasht(Reh) Aur Hazrat Sayed Raju Kattal(Reh) Se Khilafat Hasil Hui.
Ek Baar Jaab Hazrat Shaikh Sarang(Reh) Apni Biwi Bachon Ke Sath Kaba Shairf Jane Ke Liye Ek Kafile Ke Sath Hogaye,  Hazrat Ka Zindagi Bohat Aram Se Guzari Thi Wo Kabhi  Paidal Nahi Chale Thai, Thodi Door Nange Pair Paidal Chalne Se Unke Aur Unke Biwi Bachoon Ke Pairon Main Chale Padjate Hai, Majboor Hokar Hazrat Ko Kafile Se Door Hona Padta Hai. Unhone Bachoon Ke Sath Raat Ek Ujad Aur Sunsan Jagah Par Bitaye Isi Tarah 3 Din Guzar Gaye. Teesri Raat Ke Teesre Pehar Achanak Hazrat Shaik Sarang(Reh) Uthai Aur Apne Biwi Bachoon Se Kehte Hai Ki Ankhain Band Karo, Jab Anhkahin Khulti Hai To Sab Apne Aap Ko Wo Kafila Jo Choot Gaya Tha Uske Samne Patain Hai Aur Is Tarah Kaba Sharif Pahuncte Hai. Kafi Waqt Kaba Sharif Main Rehne Ke Baad  Aap Wapas Ate Hai Aur Hazrat Yusuf Aerzi(Reh) Ke Khidamt Main Waqt Guzarteh Hai. Yahan Rehkar Hazrat Shaikh Sarang(Reh) Ko Kharqa Khilafat Se Nawaza Jata Hai Aur Raaz-O-Niyaz Ki Batain Ata Hoti Hai.

Hazrat Bich Bich Main Apne Peer Sahab Hazrat Haji Haramin Sahab(Reh) Se Bhi Milte Rehte Thai Aur Faiz Pate Rehtey. Apne Peer Sahab Ke Parde Ke Waqt Hazrat Shaikh Sarang(Reh) Unke Pass Nahi Thai Wo Haj Par Thai Aur Unke Bachoon Ko Sultan Ne Good Le Liya Tha Aur Apne Bachoon Ke Tarah Hindustan Main Rakha Tha.
Hazrat Makhdoom Shaikh Sarang Ki Biography Main Ye Likha Hai Ki Ek Baar Hazrat Raju Kattal(Reh) Ne Punjab Se Khirqa Aur Bohat Se Cheezain Hazrat Shaikh Sarang(Reh) Ke Pass Bhijwaye. Hazrat Ne Bohat Adab Se Ye Sara Saman Wapas Karwadiya Ye Kehkar Ki Main Tariqat Main Naya Naya Muslim Hun Aur Ye Libaas To Auliya Allah Ka Bheja Hua Hai Main Itna Kabil Nahi Ke Ise Pehan Lu.Dusri Baar Phir Hazrat Raju Kattal(Reh) Ne Apne Peer Ke Taraf Se Ata Ki Gaye Sare Cheezain Hazrat Shaik Sarang(Reh) Ke Pass Bhijwaye Aur Kaha Ki Ke Sari Cheezain Allah Ke Habbeb(Sal Lal Laho Tala Alaihi Wasalam) Ke Hukum Se Tumhare Pass Bhej Raha Hun. Ye Sunkar Hazrat Makhdoom Shaikh Sarang(Reh)  Ne Wo Sara Saman Bohat Adab Se Ek Bohat Pahunche Huye Buzrg Jinka Naam Hai Hazrat Shaikh Hissam Uddine(Reh) Jo Ki Shoharwariya Silsile Se Taluk Rakhtey Thai Unse Li Aur Apne Sar Ankhon Par Lagaya.

Hazrat Shaikh Sarang(Reh) Khirqa Aur Dusre  Saman Milne Ke Baad Ilm Se Aise Bhar Gaye Ki Kya Kehna. Ek Din Hazrat Shaikh Sarang(Reh) Ko Bargah-E-Nabvi(Sal Lal Laho Tala Alaihi Wasalam) Se Hukam Hua Ki Tum Hindustan Wapas Jao Aur Jahn Bhi Koi Naye Baat Dikhye Wahi Apni Kahayam Gah Banana.
Hazrat Us Jagah Ki Talash Main Lag Gaye Aur Lucknow Aye Par Yahan Ki Bhid Bhad Dekh Kar Wahan Se Chaldiye.Kuch Waqt Guzarne Ke Baad Ap Ajmer Shairf Gaye Wahan Bhi Apko Yahi Hukum Hua Ki Awad Chalejao Aur Jahan Bhi Koi Naye Baat Dekhna Wahain Kayam Karna.
Hazrat Shaikh Saranag(Reh) Wapas  Ajmer Se Awadh Ke Taraf Aye Aur Us Jagah Ki Talash Main Lag Gaye. Ek Din Aap Ek Jungle Main Pahunche Magrib Ka Waqt Horaha Tha Aap Ne Wahi Azzan Di Aur Namaz Ke Liye Khade Hogaye. Us Waqt Awadh Ke Charo Taraf Raajbar Jaati Ke Log Rehte Thai. Jahan Hazrat Ne Azaan Di Thi Wahan Ka Swami Raajbar Jati Ka Hi Tha. Usne Apne Logon Ko Hukum Diya Ki Jao Is Azzan Dene Wali Ki Gardan Kaat Lao. Ye Sunte Hi Log Us Hazrat Ki Taraf Daudpade Aur Un Hain Charo Taraf Se Gher Liya. Us Waqt Hazrat Namaz Main Mashgool Thai Achanak Ek Karamat Hoti Hai, Jin Logon Ne Hazrat Ko Gher Liya Tha Unke Pair Zammen Se Chipak Gaye Aur Hath Talwaron Se Band Gaye Aur Unke Bolne Ke Takat Khatm Hogaye.

Jab Hazrat Namaz Padhkar Uthai To Unhone Dekha Ki Bheed Unhain Ghere Huye Khadi Hui Hai Apko Bahrgah-E-Nabvi(Sal Lal Laho Tala Alaihi Wasalam) Ke Kahi Hui Baat Yaad Aye Aur Aap Samjh Gaye Ki Ye Wahi Jagah Hai Jahan Ke Liye Hukum Hua Tha. Aap Ne Un Logon Se Pucha Ki Tumlog Yahan Kyu Aye Ho. Jaise Hi Hazrat Ne Ye Pucha Un Logon Ke Bolne Ke Takat Wapas Agaye Aur Ek Shaksh Ne Kaha Ki Hamre Raja Ne Ap Ka Sar Katne Ke Liye Hmain Bheja Hai Ispar Hazrat Ne Kaha Ki To Tum Log Apna Kaam Kyu Nahi Kartey Usne Jawab Diya Ki Zammen Ne Hamre Pair Jakadliye Hai Aur Hath Ne Talwar Ko Pakad Rakha Hai Isliye Majboor Hai Nahi To Kab Ka Kaat Diya Hota Sir. Ye Batain Sunkar Hazrat Bole Jao Wapas Chale Jao Aur Apas Main Samjah Lo. Ye Kehte Hi Bheed Ke Hath Pair Azad Hogaye Aur Wo Apas Main Hu Ladne Lage  Ladaaye Itni Khatarnak Hui Ki Pure Rajbar Ke Gharana Kahatam Hogaya Sirf Ek Aurat Jo Hamal Se Thi Wahi Bachi Jiske Khadan Ke Auladain Aj Bhi Bashar Namak Gao Main Rehti Hai. Bashar Mazgawan Se 3miles Door Hai. Is Hadse Ke Baad Hazrat Ne Allah Ka Shukr Ada Kiya Aur Wahi Mazgawan Main Rehne Lage Aur Deen Ki Khidmat Main Puri Tarah Doob Gaye Aur Logo Ko Sirate Mustaim Par Chalate Ka Tarika Batate Rahey.
Is Karmat Ke Baad Hazrat Ka Charcha Sare Hindustan Main Phail Gaya Dhere Dhere Ye Khabar Delhi Ki Badsha Tak Pahuchi Wo Badsha Hazrat Ka Rishtey Main Bhanja Lagta Tha  Usne Apni Khwaish Jataye Hazrat Se Mulakat Ke Liye Par Hazrat Ne Mana Kardiya. Kuch Arsey Baad Hazrat Ke Sahab Zade Hazrat Masood Alam Urf Malik Mina Jo Us Samay 12000 Faujiyon Ke Senapati Thai Wo Hazrat Shaikh Sarang Ki Khidmat Main Hazir Huye Aur Kadambosi Ka Sahrf Hasil Kiya.
Hazrat Ki Tarike Wafat:
Hazrat Ke Sahab Zade Hazrat Malik Mina(Reh) Hazrat Ke Sath Hi Rehne Lagey. Ek Din Malik Mina Sahab(Reh) Shikar Par Gaye Eid Ki 17 Tarikh Thi Jumeraat Thi Raat Ke 9 Baje Thai, Achanak Shaik Sarang  Sahab Ke Pukarne Par Har Baar Malik Mina(Reh) Ki Jagah Shah Mina Shah Lucknowi(Reh)  Tashreef Late Aur Arz Kartey Ki Hazrat Ghulam Mina Apki Khidmat Main Hazir Hai. Aisa 3 Baar Hua Uske Baad Shaikh Sarang(Reh) Ne Hazrat Shah Mina Sahab(Reh) Se Kaha Ki Aaj Se Lucknow Ki Wilayat Hum Tuhme Dete Hai Aur  Nasiyat Famaye Ki Haar Haal Main Allah Ki Raza Main Razi Rehna, Aur Apne Bete Malik Mina Sahab(Reh) Ke Liye Ap Ne Kha Ki Use Kehdena Sagawa Patwa Kahiyo Bin, Rahiyo Ghar Do Teen, Iske Baad Hazrat Makhdoom Sahik Sarang(Reh) Ne Sara Saman Jo Unhai Apne Buzrgon Se Mila Tha Wo Sab Shah Mina Sahab(Reh) Ko Ata Kardiya Aur Jumeraat Ki Raat 17 Tariq Ko 855 Hijri Main Apka Wisal Hogaya. 
Hazrat Shah Mina Sahab Apne Peer Ke Parde Ke Waqt Wahan Akele Thai. Isi Wajah Se Wo Pareshan Thai Ki Kafan Dafan Ka Intezam Kaise Hoga Yahan To Charo Taraf Door Door Tak Jungle Hai. Isi Pareshni Main Ap Giraftar Thai Aur Soch Rahey Thai Ki Kaise Hoga Sab Achanak Shaikh Sarang(Reh) Ne Sar Par Se Chadar Hata Kar Kaha “Ay Shaikh Mina Fikar Na Kunad Khuday Tala Kifayat Karad”
.
Hazrat Shah Mina Shab Ye Karamat Dekh Kar Behosh Hogaye, Unke Behosh Hone Ke Thodi Deer Baad Kuch Naqab Band Log Wahan Hazir Huye , Un Logon Ne Hazrat Ko Madfan Kiya Aur Janaze Ke Namaz Ada Ki. Jab Hazrat Shah Mina Sahab(Reh) Ko Hosh Aya To Apne Dekha Ki Sara Kaam Ho Chuka Hai Aur Kale Naqab Pehne Bohat Se Log Samne Khade Hai. Makhdoom Shah Mina Sahab(Reh) Ne Unse Pucha Ki Aap Log Kaun Hai To Un Naqab Posh Logon Ke Sardar Ne Kaha Ki Hum Log Shaheed-Ane-Karbala Hai Hamain Allah Ke Paigambar (Sal Lal Laho Tala Alaihi Wsalm) Ne Hukum Diya Tha  Is Allah Ke Wali Ki Janaze Main Shirkat Ka, Itna Kehkar Wo Lashkar Wapas Chalagaya. Hazrat Makhdoom Shah Mina(Reh) Wahi Rukey Rahey 3 Din Baad Hazrat Shaikh Sarang(Reh) Ke Sahab Zade Hazrat Malik Mina(Reh) Shikar Se Wapas Aye Unhain Sara Haal Malum Hua. Shah Mina Sahab(Reh) Ne Sara Saman Jo Unhain Makhdoom Shaikh Sarang Sahab(Reh) Se Mila Tha Wo Unke Samne Rakhdiya. Ye Dekh Kar Bohar Prem Se Malik Mina Sahab(Reh) Ne Kaha Ki Ye Sara Saman Aur Tabarukat Tumhare Liye Hi Hai Mere Liye Allah Aur Uske Rasool(Sal Lal Laho Tala Alaihi Wasalam) Kafi Hai. Itna Kehkar Hazrat Malik Mina Sahab(Reh) Gaon Se Bahar Agaye Aur Allah Ki Yaad Main  Baith Gaye Aur Apni Sari Zindagi Wahi Rahe Haq Ki Dawat Detehui Guzar Di.

Hazrat Makhdoom Shaikh Sarang (Reh) Ke Do Khalifa Huye 1) Hazrat Shah Mina Shah Baba(Reh) 2) Hazrat Makhdoom Hissam Uddine Fatehpuri(Reh). 

36721657_1317976748336846_1380416443283144704_n

Hazrat Makhdoom Sayyed Mohammad Khaamis urfe Shaikh Saarang rahmatullāhi alaihi :

Alqaab :
‾‾‾‾‾‾‾‾‾‾
Makhdoom-ul-Mulk, Sultaan-ul-Avadh.

****************
Aap ke waalid ka naam Hazrat Sayyed Safdar Ali bin Makhdoom Sayyed Jalaal-ud-deen Hasan Haidar Surkh-posh Bukhari rahmatullāhi alaihi hai.

Aap Husaini saadaat hain.

****************
Hazrat Sayyed Safdar Ali isha’at e Islaam ke liye Uch (Punjab) se Malwa tashreef laaye. Malwa ke Raaja ko khabar mili to woh Aap ki khidmat me haazir hua. Hazrat ki ziyarat karke woh Aap ka aqeedat-mand ho gaya.
Kaafi arsa Malwa me qayaam karne ke baad jab Hazrat waha se rawaana hone lage to Raaja ne arz kiya “Huzoor! Aap ke jaane ke baad hamara kya hoga?” Hazrat ne farmaaya “Kya chaahte ho?” Raaja ne arz kiya “Aap apne bete ko yaha chhod jaayen, isi me hamari bhalai hai.” Hazrat ne apna saahabzaada raaja ko sonp diya aur farmaaya “Aaj se yeh ladka Saarang ho gaya.”
Raaja ko koi aulaad nahi thi. Hazrat ke jaane ke baad Raaja ne apne wazeer aur afsaro se mashwara karke Shaikh Mohammad Khaamis urfe Abdullāh Rumi ko Raaja bana diya aur khud un ka wazeer ban gaya aur pure mulk me is ka elaan kara diya.

Shaikh Mohammad Khaamis ki barkat se ALLĀH ke fazl se Raaja ki chaaro biwiya haamila hui. Teen raaniyo ko ladka aur ek raani ko ladki paida hui.

****************
Raaja ke intiqaal ke baad Shaikh Mohammad Khaamis mulk ke haakim bane aur us jagah ka naam ‘Malik Saarang’ rakha.

Raaja ki ladki badi hui to Aap ne us ka nikaah Sultaan Firoz Shaah Tughlaq ke ladke Muhammad se karaaya.
Aap ka nikaah bhi Shaahi khaandaan me hua.

Aap ne ek shaher basaaya jo ‘Saarangpur’ ke naam se mash’hoor hai.

Sultaan Firoz Shaah Tughlaq ne Aap ko apne darbaar me bahot khaas ameer banaaya aur ooncha ohada diya. Aap 12,000 ghud-sawaaro ke sardaar the. Mulk ke aham faisle me Aap ki raay li jaati thi.

****************
Ek martaba Hazrat Makhdoom Jahaaniyan Jahaangasht Sayyed Jalaal-ud-deen Husain rahmatullāhi alaihi apne bhai Hazrat Shaikh Sayyed Sadr-ud-deen Mohammad Raajan Qattaal rahmatullāhi alaihi ke saath Sultaan Firoz Shaah Tughlaq ke mahel me tashreef laaye to Shaikh Mohammad Khaamis ne dono buzurgo ko bahot khidmat ki. Khaane peene ka aur deegar haajato ka intazaam Aap khud karte.
Ek martaba Sayyed Sadr-ud-deen Raajan Qattaal ne Aap se farmaaya “Agar tum paabandi se khushu aur khuzu ke saath panj waqta namaaz ada karne ke wa’ada karo to main tumhe Hazrat Makhdoom Jahaaniyan Jahaangasht ka paskhorda (jhuta) khilaaunga.” Hazrat ke farmaan par Aap panj waqta namaaz paabandi se ada karne lage.” Phir Hazrat ne farmaaya “Agar tum Ishraaq wa Chaasht ki namaaz roz ada karna shuru karo to main tumhare saath ek bartan me khaana khaaunga.” Aap ne Ishraaq wa Chaasht ki namaaz bhi ada karna shuru kiya. Kuchh waqt baad Hazrat ne Aap ke saath ek bartan me khaana khaaya aur apne haath se chand luqme bhi khilaaye. Jis se Aap ke dil ka aalam badal gaya.
Usi waqt Sultaan Firoz Shaah Tughlaq ka intiqaal hua.
Aap apni saari daulat ghareebo me khairaat karke Peer e kaamil ki talaash me nikal gaye.
Aakhir me Aap Hazrat Haaji-ul-Haramain Shaikh Qawaam-ud-deen rahmatullāhi alaihi ki baargaah me pahunche aur un se Bai’at ki aur Hazrat ki khidmat me rehkar ta’aleem haasil ki.

****************
Ek martaba Hazrat Sayyed Sadr-ud-deen Raajan Qattaal ne Uch (Punjab) se Khirqa e khilaafat aur deegar tabarrukaat bheje. Aap ne adab aur ta’azeem karke un sab ko waapas bheja aur kaha “Main abhi naya hu aur is qaabil nahi hu ki Auliya Allāh ke silsile ki in cheezo ko rakh saku.”
Hazrat Sayyed Raajan Qattaal ne dobaara in sab ko bheja aur paighaam bheja ke “Ye sab cheezen Huzoore akram sallallāhu alaihi wa sallam ke farmaan par bhej raha hu.” Yeh sunkar Aap ne Hazrat Shaikh Hisaam-ud-deen Suharwardi ke zariye sab cheezen li aur apne sar aur aankho se lagaaya. In ke milne se Aap ko aur zyada roohaani taaqat mili.

****************
Ek martaba Aap apne pariwaar ke saath Hajje Baitullāh ke liye rawaana hue. Qaafile ke saath paidal chalte chalte Aap ke biwi aur bacho ke paav me chhaale pad gaye. Aap ne apne pariwaar ke saath ek maqaam par wuqoof kiya aur 3 din wahi guzaare. Phir ek raat ko Aap uthe aur apne pariwaar se farmaaya “Sab log apni aankhen band karke mere pichhe chalo. Jab sab ne aankhen kholi to dekha ki jo qafila 3 din pehle aage jaa chuka tha wo saamne hai. Qaafle ke saath chalkar sab Makka mukarrama pahunche.
Aap ne kaafi waqt Makka me qayaam farmaaya. Ek din baargaahe Nabawi se bashaarat hui ki “Hindustan waapas jaao aur jaha koi nai baat dekho waha sukoonat ikhtiyaar karna.”

Is ke baad Aap Hindustan waapas aaye aur Hazrat Shaikh Yousuf Airji rahmatullāhi alaihi ki khidmat me rehkar ta’aleem wa faiz haasil kiya.
Aap apne Peer Hazrat Haaji-ul-Haramain Shaikh Qawaam-ud-deen Lakhnawi rahmatullāhi alaihi ki khidmat me ziyarat ke liye haazir hote rehte. Lekin Hazrat ke wisaal ke waqt Aap maujood nahi the.
Is ke baad Aap ne Lucknow me qayaam farmaaya magar logo ki bheed ki wajah se waha se rawaana hue.
Kuchh waqt baad jab Khwaja Ghareeb nawaaz rahmatullāhi alaihi ki ziyarat ke liye Ajmer gaye to Khwaja ki baargaah se farmaan hua ki “Avadh chale jaao aur jaha ko nai baat dekho waha sukoona pazeer hona.”

Aap Avadh tashreef laaye. Ek din Aap jangal se guzar rahe the to bich me saaf jagah dekhi. Aap ne maghrib ki azaan di aur namaaz ada karne lage. Is ilaaqe me ‘Raajbhar’ qabeele ki hukoomat thi. Azaan ki aawaaz sunkar Raajbhar ke sardaar ne hukm diya ki “Jis ne azaan pukaari hai us shakhs ka sar kaat kar laao.” Raajbhar qabeele ke log bhaagkar waha pahunche aur Aap ko gher liya. Aap namaaz me mashroof the. Magar Rab ta’ala k madad se un logo ke pair zameen se chipak gaye, haath talwaar se chipak gaye aur bolne ki taaqat khatm ho gai.
Aap namaaz se faarigh hue to logo ki bheed dekhkar puchha ki “Tum log yaha kyun aaye ho?” Jaise hi Aap ne puchha un ke bolne ki taaqat waapas aa gai. Ek shakhs bola ki “Hamare raaja ne Aap ka sar kaat laane ke liye kaha hai.” Aap ne kaha “Phir apna kaam kyun nahi karte?” Un logo ne kaha “Hamare pair zameen se chipak gaye hain, hamare haath talwaaro se bandh gaye hain. Is wajah se hum majboor hain warna hum aap ka sar kaat chuke hote.” Ye sun kar Aap ne farmaaya “Jaao, waapas chale jaao aur aapas me samajh lo.” Foran un logo ke haath pair aazaad ho gaye aur aapas me ladne lage aur saare log maare gaye. Sirf ek haamila aurat bach gai. Jis ki nasl ke log Majhgawan se 3 mile door Bashaara me rehte hain.
Aap ne ALLĀH ka shukr ada kiya. Aur Huzoor Nabi e kareem sallallāhu alaihi wa sallam ki aur Khwaja Ghareeb nawaaz ki bashaarat ke mutaabiq usi maqaam par sukoonat pazeer hue aur ta’aleem wa faiz ata farmaate rahe. Yeh jagah ‘Majhgawan’ (ya’ani bich jangal) ke naam se mash’hoor hui.

Kuchh waqt baad Aap ke saahabzaade Mas’ood Aalam ufe Malik Meena Aap se milne aaye jise Aap Hajj ke liye rawaana hote waqt baadsaah ke paas chhod gaye the.

****************
17 Shawwaal 855 Hijri ki raat ko Aap ke bete Malik Meena shikaar par gaye the. Aap ne 3 baar ‘Miyan Meena’ kehkar aawaaz lagai. Har baar Shaah Meena Lakhnawi Hazrat ki khidmat me haazir hue aur arz kiya ‘Huzoor! Ghulaam Meena haazir hai’. Hazrat ne khush hokar farmaaya ‘Tu hi Meena hai arsh ka nageena hai. Aaj se hum tumhe Lucknow ki wilaayat ata karte hain.’ Aur khirqa aur apne buzurgo se jo tabarrukaat mile the wo bhi Hazrat ne Aap ko ata farmaaye aur naseehat farmaai ki ‘Haar haal me ALLĀH ki raza me raazi rehna.’ Aur farmaaya ki “Malik Meena aaye to use keh dena ‘Sagwa patwa khaaiyo bin, Rahiyo ghar do teen.”

Usi raat Aap ka wisaal hua. Hazrat Shaah Meena ne Aap ke jisme paak par chaadar daali aur bahot pareshaan hue kyun ki jangal me woh tanha the. Achaanak Hazrat ne apne sar par se chaadar hata kar farmaaya ‘Aye Shaikh Meena! Fikr na kunad, Khuday ta’ala kifaayat karad.” Yeh dekhkar Shaah Meena behosh ho gaye. Jab unhe hosh aaya to dekha ke kaale naqaab-posh ka giroh khada hai aur Hazrat ka tajheez wa tadfeen ka kaam ho chuka hai. Unho ne puchha ki “Aap log kaun hain?” Naqaab-posh ke sardaar bole “Hum shohada e Karbala hain aur Huzoore akram sallallāhu alaihi wa sallam ke farmaan par yaha aaye hain.” Aur phir wo log waha se rawaana ho gaye.

Teesre din Malik Meena shikaar se waapas aaye to Shaah Meena ne jo saamaan Shaikh Saarang se mila tha wo sab un ke saamne rakh diya. Malik meena ne bahot mohabbat ke saath kaha “Ye saara saamaan aur dua tumhare liye hai. Mere liye ALLĀH aur us ke Rasool kaafi hain.” Aur phir woh gaanv se baahar chale gaye aur mujaahida me mashgool ho gaye aur wahi puri zindagi ibaadat wa riyazat aur ta’aleem e deen karte rahe.

****************
Aap Hazrat Haaji-ul-Haramain Shaikh Qawaam-ud-deen rahmatullāhi alaihi ke mureed aur khalifa hain.
Hazrat Shaikh Sayyed Sadr-ud-deen Mohammad Raajan Qattaal rahmatullāhi alaihi ne bhi Aap ko khilaafat ata farmai hai.
Hazrat Shaikh Yousuf Airji rahmatullāhi alaihi ne bhi Aap ko khilaafat ata farmai hai.
Aap ko ‘Chishti Naasiri’ aur ‘Suharwardi Jalaali’ silsile ki khilaafat mili hai.

Aap ke khulfa :
(1) Hazrat Makhdoom Shaah Meena Mohammad Lakhnawi rahmatullāhi alaihi
(2) Hazrat Makhdoom Hisaam-ud-deen Fatehpuri rahmatullāhi alaihi.

****************
Aap ka wisaal 17 Shawwaal 855 Hijri ko Shabe Jumeraat ko nhua.

Aap ka mazaar Majhgawan, Barabanki (Uttar Pradesh) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Makhdoom Sayyed Mohammad Khaamis urfe Shaikh Saarang rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.