Hazrat Imaam Abul Hasan, Ali ibn Umar al-Daraqutni rahmatullāhi alaihi

37577158_1334463156688205_7423055092221214720_n

Hazrat Imaam Abul Hasan, Ali ibn Umar al-Daraqutni rahmatullāhi alaihi :

Alqaab :
‾‾‾‾‾‾‾‾‾‾
Ameer-ul-Mo’mineen fil Hadeeṡ, Imaam-ul-Mohaddeeṡeen.

****************
Aap ki wilaadat 306 Hijri (918 A.D.) me Baghdad (Iraq) ke qareeb Daar al-Qutn me hui.

Aap ke waalid ka naam Umar ibn Ahmad hai.

****************
Aap ne Hazrat Abul Qaasim al-Baghawi, Abu Bakr ibn Abu Daawūd, Abu Bakr ibn Ziyad al-Nishapuri, Abu Ubaid Qaasim aur deegar ulama wa mohaddeeṡeen se ta’aleem haasl ki.

Aap Shaafi mazhab ke muqallid the.

****************
Aap ke shaagirdo me Hazrat Imaam Haakim al-Nishapuri aur Hazrat Abul Hasan Isfaraini mash’hoor hain.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Sunan al-Daraqutni
(2) Al-Mutalif wal-Mukhtalif
(3) Ilal al-Hadeeṡ
(4) Kitaab-at-Tatabbu
(5) Kitaab-us-Sifaat.

****************
Aap ka wisaal 8 Zil-Qa’ada 385 Hijri (995 A.D.) ko hua.

Aap mazaar Baab-ul-Dayr, Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Ali al-Daraqutni rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.