Hazrat Imaam Abu Abdullah, Shams-ud-deen Muhammad al-Zahabi rahmatullāhi alaihi

37291750_1330910317043489_3598752564742455296_n

Hazrat Imaam Abu Abdullah, Shams-ud-deen Muhammad al-Zahabi rahmatullāhi alaihi :

Aap ki wilaadat 3 Rabi uṡ Ṡaani 673 Hijri (5 October 1274 A.D.) ko Damascus me hui.

Aap ke waalid ka naam Ahmad bin Uṡmaan hai.

Aap ke waalid Sunaar the. Is liye Aap ‘al-Zahabi’ kehlaate hain.

*********************
18 saal ki umr me Aap ne Hadeeṡ ki ta’aleem haasil karna shuru kiya.
Aap ne Hadeeṡ sikhne ke liye Balbek, Homs, Hama, Aleppo, Nabulus, Cairo, Alexandria, Jerusalem, aur Hijaaz ka safar kiya.

Aap ne Damishq me Hazrat Umar ibn al-Qawwaas, Ahmad ibn Hibatullāh ibn Asaakir, Yousuf ibn Ahmad al-Ghasooli aur Jamaal-ud-deen Abul Ma’ali Muhammad ibn Ali al-Ansaari al-Damishqi se, Baalbek me Hazrat Abdul Khaaliq bin Ulwaan, aur Zainab bint Umar bin al-Kindi se, Cairo aur Misr me Ahmad ibn Is’hāq ibn Muhammad al-Abarquhi al-Misri, Shaikh-ul-Islaam Ibn Daqeeq al-Eid, Haafiz Sharf-ud-deen Abu Muhammad Abdul Mu’min ibn Khalaf al-Dimyati, Eisā ibn Abdul Mu’min ibn Shihaab, Haafiz Ahmad ibn Muhammad ibn Abdullāh ibn Zahiri al-Halabi se, Alexandria me Abul Hasan Ali ibn Mas’ood ibn Nafis al-Musali al-Ghuraafi aur Abul Hasan Yahyā ibn Ahmad ibn as-Sawwaaf se, Aleppo me Sanqar az-Zayni se, Nabulus me Imaad ibn Badraan se, Makka me at-Tawzari se ta’aleem haasil ki.

Aap ne Hadeeṡ, Fiq’h aur Tawaarikh ki ta’aleem haasil ki.

Aap Shaafi mazhab ke muqallid the.

*********************
Phir Aap ne Damishq waapas aakar ta’aleem wa tadrees shuru ki.

Aap ke shaagirdo me Haafiz Imaad-ud-deen Ismāeel ibn Umar ibn Kaṡeer, Haafiz Zain-ud-deen Abdur Rahmān ibn Hasan as-Salaami, Shams-ud-deen Abul Mahaasin Muhammad ibn Ali al-Damishqi, Taaj-ud-deen Abu Nasr Abdul Wahaab ibn Ali al-Subki aur Salaah-ud-deen Khaleel ibn Abeek al-Safadi mash’hoor hain.

*********************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Taarikh-ul-Islaam al-Kabeer
(2) Siyaar Aalam-ul-Nubaala (23 Jild)
(3) Tazheeb Tahzeeb al-Kamaal
(4) Al-Kaashif fee Ma’arifa Man Lahu Riwaaya fil Kutoob al-Sitta
(5) Al-Mujarrad fee Asmaa Rijaal ul-Kutoob al-Sitta
(6) Mukhtasar Kitab al-Wahm wa al-Iham li Ibn al-Qattan.
(7) Mukhtasar Sunan al-Bayhaqi
(8) Mukhtasar ul-Mustadrak li al-Hakeem
(9) Al-Amsaar Dhawat ul-At’haar
(10) Al-Tajrid fee Asma ul-Sahaaba
(11) Tazkiraatul Huffaaz
(12) Tabaqaat al-Qurra
(13) Al-Mueen fi Tabaqaat al-Muhaddiṡeen
(14) Mu’jam al-Shuyukh
(15) Duwaal-ul-Islaam
(16) Al-Kabaa’ir
(17) Manaaqib-ul-Imaam Abu Haneefa wa saahibayhi Abu Yousuf wa Muhammad ibn Hasan
(18) Mizaan-ul-I’tidaal.

*********************
Aap ke 2 saahabzaade aur 1 saahabzaadi hain.

Saahabzaade : Abdullāh aur Abu Huraira Abdur Rahmān.
Saahabzaadi : Amaat-ul-Azeez.

*********************
Aap Hazrat Ahmad ibn Is’hāq al-Abarquhi al-Misri Suharwardi rahmatullāhi alaihi ke mureed hain.

***********************
Wisaal ke 2 saal pehle Aap ki aankho ki roshni jaati rahi aur Aap naa-bina ho gaye.

Aap ka wisaal 1 Zil Qa’ada 748 Hijri (2 February 1348 A.D.) ko Sanichar ke roz hua.

Aap ka mazaar Damascus (Syria) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Shams-ud-deen Muhammad al-Zahabi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.