Hazrat Imaam Abu Abdullāh, Muhammad Haakim Nishapuri rahmatullāhi alaihi

43878757_1412980498836470_2946189377115521024_n

Alqaab :
‾‾‾‾‾‾‾‾‾‾
Imaam-ul-Mohaddeeṡeen, Mohaddeeṡ-e-Nishapur.

****************
Aap ki wilaadat 3 Rabi-ul-Awwal 321 Hijri (3 March 933 1580 A.D.) ko Nishapur (Iran) me hui.

Aap ke waalid ka naam Abdullāh bin Muhammad hai.

****************
Aap ne apne waalid aur chacha se ta’aleem haasil ki.

Phir Aap ne Iraq, Khurasan, Maawaara-un-Nahr aur deegar mulk me jaakar ta’aleem haasil ki.

Aap ne Hazrat Mohammad bin Ali Umar, Hazrat Hasan bin Ya’aqoob Bukhari, Hazrat Abu Nasr Mohammad bin Yousuf, Hazrat Abu Waleed Hasan bin Mohammad, Hazrat Abu Umar bin Simaak, aur Hazrat Abu Sahl Mohammad bin Sulaimān Ma’aluki aur deegar ulama se ta’aleem haasil ki.
Aap ne Hazrat Shaikh Abu Uṡmaan Maghribi, Shaikh Ja’afar Khuldi aur Shaikh Ismāeel Saffar rahmatullāhi alaihi se faiz haasil kiya.
Aap ne taqreeban 200 ulama se ta’aleem haasil ki.

Aap Hadeeṡ, Qir’at, Fiq’h, Tafseer, Tawaarikh aur Tasawwuf ke maahir the.

Aap Shaafi mazhab ke muqallid the.

Aap farmaate hain ke ‘Maine aabe zamzam piya aur ALLĀH ta’ala se dua ki ke mujhe kitaaben tehreer karne me khai o barkat ata farmae.’

Aap ne 72 saal ki umr me apni kitaab Al-Mustadrak alaa al-Saheehain likhna shuru kiya jo ‘Mustadrak al-Hakeem’ ke naam se mash’hoor hai.

****************
Aap chothi sadi ke Mujaddid e Islaam hain.

****************
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Al-Mustadrak alaa al-Saheehain
(2) Al-Abwaab
(3) Al-Amaali
(4) Amaali al-Ashiyyaat
(5) Fazaa’il-ul-Shafi’i
(6) Fawaa’id-ul-Nusaakh
(7) Fawaa’id-ul-Khurasaniyyin
(8) Al-Ikleel fee Dalaa’il ul-Nabuwwat
(9) Al-Ilal
(10) Maa Tafarrada bi Ikhraajihi Kullu Waahidin min al-Imaamain
(11) Al-Madkhal ilaa Ilm-ul-Saheeh
(12) Maa Rifat Anwa Uloom-ul-Hadeeṡ
(13) Muzakkaa-ul-Akhbaar
(14) Al-Saheehain
(15) Al-Talkhees
(16) Taraajim al-Musnad alaa Shart al-Saheehain
(17) Taraajim-ul-Shuyookh
(18) Taareekh Ulama e Ahle Nisapur.

****************
Aap ke mash’hor shaagird :
(1) Imaam Abu Bakr Ahmad ibn Husain al-Bayhaqi rahmatullāhi alaihi,
(2) Imaam Ali ibn Umar al-Daraqutni rahmatullāhi alaihi,
(3) Abul Fatah bin Abul Fawaris,
(4) Abul Ula Wasiti,
(5) Muhammad bin Ahmad
(6) Abu Zar Harwi,
(7) Abu Ya’ala Khaleeli,
(8) Abu Uṡmaan Ismāeel Sabuni,
(9) Uṡmaan bin Mohammad,
(10) Imaam Shaikh Abul Qaasim Qushairi,
(11) Shaikh Abu Bakr bin Ali Qifaal,
(12) Hasan ibn Ash’aṡ al-Quraishi.

****************
Aap ka wisaal 3 Safar 403 Hijri (1 September 1014 A.D.) ko hua.

Aap ki namaaze janaaza Hazrat Qaazi Abu Bakr ne padhaai.

Aap ka mazaar Nishapur (Iran) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Abu Abdullāh, Muhammad Haakim Nishapuri rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.