Hazrat Abul Hasan Noori r.a

WhatsApp Image 2019-07-17 at 12.39.17 AM

 

 

Hazrat Shaikh Abul Hasan, Ahmad Noori rahmatullāhi alaihi :

Alqaab :
‾‾‾‾‾‾‾‾‾‾
Shaikh-ul-Mashaa’ikh, Qamar-us-Soofiya, Taa’us-ul-Ibaad.

*********************
Aap ki wilaadat 225 Hijri (840 A.D.) me Baghdad (Iraq) me hui.

Aap ke waalid Afghanistan se hijrat karke Baghdad aaye the.

********************
Aap waqt ke jayyaad Ulama wa Soofiya me se hain.

Raat ke andhere me Aap guftagu farmaate to munh se Noor ki kirne zaahir hoti thi jinse saara maahol roshan ho jaata tha.

Aap sehra me Khaanqaah me qayaam pazeer the. Log Aap ki ziyarat ko jaate to Aapki jaae Maqaam se Noor ki shuaae nazar aati aur andheri raat me bhi aasaani ke saath us maqaam ko pahunch jaate the.

Aap Noore Kashf se logo ke Haalaat ma’aloom kar liya karte the.

********************
Karaamat :
‾‾‾‾‾‾‾‾‾‾‾‾
(1) Ek maretaba ek Shakhs gadhe ke saath safar kar raha tha. Dauuraane safar who Gadha mar gaya. Woh shakhs is fikr me rone laga ke ab main apna saamaan kis cheez par laad kar le jaaunga. 
Ittefaqan us taraf se Aap ka guzar hua. Aap ne jab us musaafir ki bebasi dekhi to Aapko raham aa gaya. Aapne gadhe ko thokar maarte hue farmaaya ke “Yeh Sone ka waqt nahi hai.” 
Foran ALLĀH ta’ala ke fazl se woh gadha uth baitha. Musaafir ne shukriya ada kiya aur apna saamaan us gadhe par laada aur rukhsat hua.

(2) Isfahan ke ek nau-jawaan ke dil me Aap ke deedaar ka shauq paida hua. Isfahan ke Bazashaah ko pata chala to us ne us nau-jawaan se kaha “Agar tum un se milne na jaao to main tumhe ek hazaar deenaar ka mahel saamaan samet aur ek hazaar deenaar ki kaneez zevraat ke saath pesh kar sakta hu.” Lekin woh nau-jawaan un cheezo ki laalach me na phansa balke hazrat se mulaaqaat ke liye nange paav chal pada.
Idhar Hazrat Shaikh Abul Hasan Noori rahmatullāhi alaihi ne apne mureedo se farmaaya ke “Ek meel tak zameen ko saaf o shaffaf kar do kyunki hamara ek Aashiq nange pair chalkar aa raha hai.”
Jab woh nau-jawaan haazire khidmat hua to Aap ne baadshaah ka iraada aur laalach ka pura waaqia bayaan kar diya jisko sun kar woh hairatzada reh gaya.
Phir Aapne us se farmaya ke “Mureed ki shaan yeh hai ke agar saare jahaan ki ne’amaten bhi uske saamne pesh kar di jaae to un par nigaah na daale.”

(3) Ek martaba Aap beemar hue to Hazrat Shaikh Junaid Baghdadi rahmatullāhi alaihi Aap ki mizaaj pursi ke liye haazir hue aur kuchh phal aur phool laae jo Aap ko pesh kiye. 
Kuchh arse ke baad Hazrat Shaikh Junaid Baghdadi rahmatullāhi alaihi beemaar hue to Aap apne mureedo ke saath mizaaj pursi ke liye tashreef le gae.
Aap ne apne mureedo se farmaaya ke “Sab log Hazrat Junaid ka marz apne upar taqseem kar lo.” Sab ne kaha “Ji Huzoor.” Yeh kehte hi Hazrat Shaikh Junaid Baghdadi sehatyaab ho gae. Aap ne farmaaya “Phal aur phool ke saath jaane ke bajaay is tarah iyaadat ko jaana behtar hai.”

(4) Ek martaba Baghdaad ke baazaar me aisi sakht aag lagi ke jis me kai log jal gae. Ek Ameer shakhs ke 2 Ghulaam usi aag me phans gae jinse woh bahot mohabbat karta tha. Us ne yeh ailaan kiya ke “Jo mere ghulaamo ko aag se nikaale use main 1000 deenaar in’aam dunga.”
Ittefaaq se Aap bhi waha se guzar rahe the. Aap Bismillāh padh kar aag me daakhil ho gae aur un ghulaamo ko aag se sahi salaamat nikaal laae. Aapke upar Aag ne koi aṡar nahi kiya.
Jab us Ameer ne 2000 dirham pesh karne chaahe to farmaaya “Inhe tum Apne paas hi rakho kyun ki maine dunya ko aakhirat se tabdeel kar diya hai aur mujhe inki laalach na hone ki wajah se hi ALLĀH ta’ala ne yeh martaba ataa farmaaya hai.”

******************
Aap ne ‘Maqaamaat-ul-Quloob” naami mash’hoor kitaab likhi hai.

Aap irshaad farmaate hain ke “Haq ke saath hone ka matlab un sab cheezo se juda ho jaana hai jo haq se juda karti hain.”

********************
Aap Hazrat Shaikh Sirri al-Saqati rahmatullāhi alaihi ke mureed aur khalifa hain.

********************
Ek martaba Aap ko raaste me ek Naabina shakhs mila jo musalsal ALLĀH ALLĀH ka wird kar raha tha. Use dekhkar Aapne khud se farmaaya “Tu ALLĀH ko kya jaane, agar ALLĀH ko jaan leta to zinda na hota.” Yeh kehkar gash khaa kar zameen par gir pade.
Hosh me aane ke baad phir se aalame wajd me ek jungle me chale gaye. Waha baans ki phaans Aap ke jism me chubhti thi aur har qatra e Khoon se isme ALLĀH ka naqsh zaahir hota tha. Isi haalat me Aap ko ghar laaya gaya aur ‘Laa ilāha illallāh’ padhne ki talqeen ki gai to farmaaya ke “Main usi ke paas to jaa raha hu.” Yeh kehkar dunya se rukhsat ho gae.

********************
Aap ka wisaal 24 Shawwaal 295 Hijri (July 908 A.D.) ko hua.

Aap ka mazaar Baghdad (Iraq) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Shaikh Abul Hasan, Ahmad Noori rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

tazikera auliya0018-1tazikera auliya0019tazikera auliya0020tazikera auliya0021

 

Ahmed Ibn Abu al-Hussain al-Nuri (Persian: ابو الحسین النوری‎) (died 908 AD), known also as Nuri, was a famous early Sufi saint. He was of Persian origins, but born in Baghdad in 840 CE where spent most of his life. He is the author of Maqamat al-qulub (Stations of the Hearts). He is famous for saying, “I love God and God loves me”.[3] He is one of the earliest Sufis who was clearly mystical as illustrated by his saying “Joining with the Truth is parting from everything else, as parting with everything else is joining with it”[4]

Nuri and several of his friends were accused of heresy and charged in 878 C.E. Nuri offered to be tried before his companions. The regent at the time was impressed by such magnanimity and investigated the case and found these Sufis to be good Muslims. Thus he set the accused free. Nuri, however, was exiled to Raqqa in Syria, whence he returned some years later, much deteriorated physically.

Poetry and statements from Nuri are narrated in popular Sufism. According to popular accounts, he gained the title “Nuri” because he “radiated light when talking”. He was acquainted with Junayd Baghdadi.

 

 

Advertisements