Muawiya ka kirdaar

–

Ameer-e-Sham Muawiya ka zahreela kirdaar Imam Ahle-Sunnat Abdul Shakoor Farooqi Lakhnowi ke qalam se,
Sahabi Abdulrahman bin Khalid bin Walid R.A ko kyon zeher diya gaya?


—

Abdulrahman bin Khalid bin Walid ne Rasool Allah ﷺ ka zamana paya aur aap ﷺ ko dekha bhi tha.
Magar Syedna Maula Ali A.S aur Banu Hashim se kadorat rakhte the.

Jab Jang-e-Siffin hui to Abdulrahman, Ameer-e-Sham Muawiya bin Abi Sufyan ke lashkar mein shamil the.

Abdulrahman bin Khalid nihayat sharif, bardaar aur awaam dost shakhsiyat ke haamil the. Ahl-e-Sham unse bepanah mohabbat karte the kyunki woh unke darmiyan baithte, unki shikayatein sunte, mazloomon ko insaaf dilwate aur aam logon ke janaazon mein shamil hote the. Isi khuloos aur awaami raabte ki bunyaad par log Abdulrahman ko bohot pasand karte the.

Abdulrahman ki Muawiya se wafadari ka sila:
Jab Muawiya ne Yazid ko apna jaanashin banane ka mansooba banaya aur Ahl-e-Sham ko jama kar ke khitaab kiya:

“Logo! Main boodha ho chuka hoon aur meri maut qareeb hai. Main tumhare liye aisa jaanashin muqarar karna chahta hoon jo tumhare nizaam ko qaim rakhe, aakhir mein bhi to tum mein se hoon!”

To haazireen mein se aksar ne yak zubaan ho kar Abdulrahman bin Khalid ka naam liya.

Muawiya ke dil mein aag lag gayi. Use yeh andesha haalaq ho gaya ke agar Abdulrahman zinda raha to Yazid ki baiyat mein rukawat banega.

Jab Abdulrahman bimaar hua, Muawiya ne shahi tabeeb Othal ko hukm diya ke dawa ke bahaane zeher de kar use khatam kar diya jaye.

Chunanche aisa hi hua. Abdulrahman ko dawa ki jagah zeher diya gaya aur isi zeher ke asar se Abdulrahman mar gaya.

Hawala: Tarjuma Asad al-Ghaba, Imam Ahle-Sunnat Abdul Shakoor Farooqi Lakhnowi, Jild 6, Safha 87, Bab al-Ain wa al-Ba, Syedna Abdulrahman ibn Khalid
Mazid hawala: Kitab Asad al-Ghaba fi Ma’rifat al-Sahaba, Jild 3, Safha 436,