Day: March 28, 2024

*Roze Qayamat Sayyeda Fatima Ki Aamad Par Sab Ahle Mehshar Nighaen Jhuka Lenge*

Mola e Kaynat Hazrat Ali Shere Khuda Alahis Salam Riwayat Karte Hain Ke Huzoor Nabi e Akram ﷺ Ne Farmaya :- Jab Qayamat Ka Din Hoga To Kaha Jayega Aye Ahle Mehshar! Apni Nighaen Jhuka Lo Ta’ake Allah Ke Rasool ﷺ Ki Beti Fatima Guzar Jaye, Pas Wo Do Sabz Chadaro Me Lipti Hui Guzar Jayengi.

📚 *Reference* 📚
*1.* Hakim, Al Mustadrak, Jild 3, Safa 175, Raqam 4757.
*2.* Ahmad Bin Hanbal, Fazail e Sahaba, Jild 2, Safa 763, Raqam 1344.
*3.* Tabrani, Al Muajjam Al Kabeer, Jild 1, Safa 108, Raqam 180.
*4.* Tabrani, Al Muajjam Al Kabeer, Jild 22, Safa 400, Raqam 999.
*5.* Tabrani Al Muajjam Al Awsat, Jild 3, Safa 35, Raqam 2386.
*6.* Haythami, Majma uz Zawa’id, Jild 9, Safa 212.

*Manaqib e Ummul Momineen Hazrat Ayesha Siddeeqa*

Ummul Momineen Hazrat Ayesha Siddeeqa Salamullah Alaiha Se Riwayat Hain Ke Huzoor Nabi e Kareem ﷺ Ne Unse Farmaya :- Mene Khuwab Me Do Martaba Tumhe Dekha Mene Dekha Ke Tum Reshmi Kapdo Me Lipti Hui Ho Aur Mujhe Kaha Gaya Ke Ye Aap Ki Biwi Hai Parda Hata Kar Dekhiye Jab Mene Dekha To Tum Thi To Mene Kaha Ke Agar Ye Allah Ta’ala Ki Taraf Se Hain To Wo Aesa Karke Hi Rahega.

📚 *Reference* 📚
*1.* Bukhari, As Sahih, Kitab Fazail e Ashab un Nabi, Jild 3, Safa 1415, Hadees No 3682.
*2.* Muslim, As Sahih, Kitab Fazail e Sahaba, Jild 4, Safa 1889, Hadees No 2438.
*3.* Ahmad Bin Hanbal, Al Musnad, Jild 6, Safa 41, Hadees No 24188.

*Huzoor Nabi e Kareem ﷺ Ki Hazrat Ayesha Siddeeqa Se Muhabbat*

Hazrat Anas Razi Allahu Tala Anhu Bayan Karte Hain Ke Huzoor Nabi e Kareem ﷺ Ka Ek Farsi Padosi Bhut Accha Salan Banata Tha, Ek Din Usne Huzoor Nabi e Kareem ﷺ Ke Liye Salan Banaya Phir Aap ﷺ Ko Dawat Dene Ke Liye Hazir Hua To Aap ﷺ Ne Farmaya :- Aur Ye Bhi Ya’ani Hazrat Ayesha (Bhi Mere Saath Maddu Hai Ya Nahi) To Usne Arz Kiya Nahi, Is Par Aap ﷺ Ne Farmaya Nahi Me Nahi Jaunga, Us Shaks Ne Dobara Aap ﷺ Ko Dawat Di To Aap ﷺ Ne Farmaya Ye Bhi (Ya’ani Hazrat Ayesha Bhi) To Us Aadmi Ne Arz Kiya Nahi, To Aap ﷺ Ne Phir Inkaar Farma Diya, Us Shaks Ne Teesri Bar Aap ﷺ Ko Dawat Di, Aap ﷺ Ne Farmaya Ye Bhi (Ya’ani Hazrat Ayesha Bhi) Usne Arz Kiya Haa Ye Bhi, Phir Dono Ya’ani (Aap ﷺ Aur Hazrat Ayesha) Ek Dusre Ko Thame Hue Udhe Aur Us Shaks Ke Ghar Tashrif Lekar Aaye.

📚 *Reference* 📚
*1.* Muslim, As Sahih, Jild 3, Safa 1609, Hadees No 2037.
*2.* Ahmad Bin Hanbal, Al Musnad, Jild 3, Safa 123, Raqam 12265.

*Ummul Momineen Hazrat Ayesha Siddeeqa Salamullah Alaiha Ki Sakhawat*

*1.* Hazrat Urwa Bin Zubair Razi Allahu Tala Anhu Bayan Karte Hain Ke Hazrat Ayesha Siddeeqa Salamullah Alaiha Ke Paas Allah Ke Rizq Me Se Jo Bhi Cheez Aati Wo Usko Apne Pas Na Roke Rakhti Balke Usi Waqt Khade Khade Us Ka Sadqa Farma Deti Thi.

📚 *Reference* 📚
Bukhari, As Sahih, Kitab Al Manaqib, Bab Manaqib e Quraish, Jild 3, Safa 1291, Hadees No 3314.

*2.* Hazrat Umm Zarah Jo Ke Hazrat Ayesha Siddeeqa Salamullah Alaiha Ki Khadima Thi Bayan Karti Hain Ke Hazrat Abdullah Bin Zubair Razi Allahu Tala Anhu Ne Do Theliyo Me Se Aapko (Hazrat Ayesha Ko) 80 Hazar Ya 1 Lakh Ki Maliyat Maal Bheja, Aapne Maal Rakhne Ke Liye Ek Thaal Mangwaya Aur Aap Us Din Roze Se Thi Aap Wo Maal Logo Me Taqseem Karne Ke Liye Bedh Gayi, Pas Sham Tak Us Maal Me Se Aapke Paas 1 Dirham Bhi Na Bacha Jab Sham Ho Gayi To Aapne Farmaya Aye Ladki Mere Liye Iftar Ke Liye Kuch Lao Wo Ladki Ek Roti Aur Thora Sa Ghee Lekar Hazir Hui, Umm Zarah Ne Arz Kiya :- Kya Aapne Jo Maal Taqseem Kiya Hain Usme Se Hamare Liye Ek Dirham Ka Gosht Nahi Khareed Sakti Thi Jisse Aaj Ham Iftaar Karte, Hazrat Ayesha Ne Farmaya :- Ab Mere Saath Is Lehje Me Baat Na Kar Agar Us Waqt (Jab Me Maal Taqseem Rahi Thi) Tu Ne Mujhe Yaad Karaya Hota To Shayad Me Aesa Kar Leti.

📚 *Reference* 📚
*1.* Abu Nu’aym, Hilyatul Auliya, Jild 2, Safa 47.
*2.* Zahabi, Siyar Alam Al Nubala, Jild 2, Safa 187.
*3.* Ibne Saad, Al Tabqaat Al Kubra, Jild 8, Safa 67.

*Manaqib e Ummul Momineen Hazrat Ayesha Siddeeqa Salamullah Alaiha*

Ummul Momineen Hazrat Ayesha Siddeeqa Salamullah Alaiha Se Marwi Hain Ke Hazrat Jibrail Alahis Salam Resham Ke Sabz Kapde Me Lipti Hui Unki (Hazrat Ayesha Ki) Tasweer Lekar Huzoor Nabi e Kareem ﷺ Ki Bargah e Aqdas Me Hazir Hue Aur Arz Kiya :- Ya Rasool Allah ﷺ Ye Duniya o Aakhirat Me Aapki Ahliya Hain.. Is Hadees Ko Imaam Tirmizi Aur Ibne Hibban Ne Riwayat Kiya Hain Aur Imaam Tirmizi Ne Farmaya Hain Ke Ye Hadees Hasan Hain.

📚 *Reference* 📚
*1.* Tirmizi, As Sunan, Kitab Al Manaqib An Rasool Allah, Jild 5, Safa 704, Hadees No 3880.
*2.* Ibne Hibban, As Sahih, Jild 16, Safa 6, Hadees No 7094.
*3.* Zahabi, Siyar Alam Al Nubala, Jild 2, Safa 140 141.

Sahabi e Rasool Hazrat Sayyedna Ammar Bin Yasir Razi Allahu Tala Anhu Aur Hazrat Sayyedna Mola Imaam Hasan Mujtuba Alahis Salam Mola e Kaynat Mola Ali Murtaza Alahis Salam Ko Hazrat Sayyedna Abu Bakar Siddique Razi Allahu Tala Anhu Aur Hazrat Sayyedna Umar Farooq Razi Allahu Tala Anhu Se Afzal Samajhte The.

📚 *Reference* 📚
Al Fasl Fi Al Milal, Jild , Safa 134, Imaam Ibn Hazm.

Sahabi e Rasool Hazrat Sayyedna Salman Farsi, Sahabi e Rasool Hazrat Sayyedna Abu Zar Ghifari, Sahabi e Rasool Hazrat Sayyedna Miqdad, Sahabi e Rasool Hazrat Sayyedna Jabir Bin Abdullah Ansari, Sahabi e Rasool Hazrat Sayyedna Abu Saeed Khudri, Sahabi e Rasool Hazrat Sayyedna Zaid Bin Arkam Razi Allahu Tala Anhum Se Riwayat Kiya Gaya Hain Ke Hazrat Sayyedna Mola Ali Shere Khuda Alahis Salam Pehle Shaks Hain Jo Musalman Hue Aur Ye Log Hazrat Sayyedna Mola Ali Alahis Salam Ko Dusre Sabhi Sahaba e Kiram Se Afzal Samajhte The.

📚 *Reference* 📚
Al Istiyab Fi Marifat ul Ashab, Jild 3, Safa 27, Imaam Abdul Bar.

*1.* Sahabi e Rasool Hazrat Sayyedna Ammar Bin Yasir Razi Allahu Tala Anhu
*2.* Sahabi e Rasool Hazrat Sayyedna Miqdad Razi Allahu Tala Anhu
*3.* Sahabi e Rasool Hazrat Sayyedna Abu Zar Ghifari Razi Allahu Tala Anhu
*4.* Sahabi e Rasool Hazrat Sayyedna Salman Farsi Razi Allahu Tala Anhu
*5.* Sahabi e Rasool Hazrat Sayyedna Jabir Bin Abdullah Ansari Razi Allahu Tala Anhu
*6.* Sahabi e Rasool Hazrat Sayyedna Ubai bin Kaab Razi Allahu Tala Anhu
*7.* Sahabi e Rasool Hazrat Sayyedna Huzaifa Razi Allahu Tala Anhu
*8.* Sahabi e Rasool Hazrat Sayyedna Buraidah Razi Allahu Tala Anhu
*9.* Sahabi e Rasool Hazrat Sayyedna Abu Ayyub Ansari Razi Allahu Tala Anhu
*10.* Sahabi e Rasool Hazrat Sayyedna Sahal Bin Haneef Razi Allahu Tala Anhu
*11.* Sahabi e Rasool Hazrat Sayyedna Usman Bin Haneef Razi Allahu Tala Anhu
*12.* Sahabi e Rasool Hazrat Sayyedna Abu Al Hasheem Razi Allahu Tala Anhu
*13.* Sahabi e Rasool Hazrat Sayyedna Khuzaima Bin Sabit Razi Allahu Tala Anhu
*14.* Sahabi e Rasool Hazrat Sayyedna Abu Al Tufail Razi Allahu Tala Anhu
*15.* Sahabi e Rasool Hazrat Sayyedna Aamir Bin Wasla Razi Allahu Tala Anhu
*16.* Sahabi e Rasool Amm e Rasool Hazrat Sayyedna Abbas Bin Abdul Mutallib Razi Allahu Tala Anhu

Inke Bete Aur Tamam Banu Hashim Tafzeel e Mola Ali Ka Aqida Rakhte The, 52 Sahaba e Kiram Baad Az Nabi Afzalul Bashar Hazrat Mola Ali Shere Khuda Alahis Salam Ko Mante The.

📚 *Reference* 📚
Hayat Hazrat Imaam Abu Hanifa, Safa 180. Hazrat Abu Zahrah Misri.

Mudabbir e Quran Haleef Al Quran Faqih e Ahle Baith Hazrat Sayyedna Zaid Shaheed Bin Imaam Zainul Aabideen Bin Imaam Hussain Bin Mola Ali Bin Abu Talib Alahimus Salam Ka Mazhab Ye Tha Ke Afzal Ke Hote Hue Mafzool Ki Imaamat Durust Hain, So Unhone Kaha Hazrat Sayyedna Ali Ibne Abu Talib Alahis Salam Sab Sahaba Se Afzal The, Magar Ye Ke Khilafat Hazrat Sayyedna Abu Baqr Siddique Razi Allahu Tala Anhu Ko Sounpi Gayi Wo Kisi Mas’lehat Ke Tehat Thi Jisko Unhone Madd’Nazar Rakha Aur Kisi Qaida e Deenia Ke Mutabiq Thi Jiski Unhone Pabandi Ki.

📚 *Reference* 📚
Al Milal Wan Nihal, Jild 1, Safa 155, Hazrat Imaam Abdul Kareem Shahrastani Rehmatullah Alaih.

*Yaha Hazrat Sayyedna Imaam Zaid Shaheed Alahis Salam Ka Aaqida Waze Ho Gaya Ke Aap Baad Az Ambiya Mola e Kaynat Hazrat Sayyedna Mola Ali Alahis Salam Ko Sab Sahaba Se Afzal Mante The.*

Hazrat Imaam Abu Bakar Baqalani Rehmatullah Alaih Farmate Hain :- Ke Sahaba e Kiram Ki Ek Jamaat Hazrat Mola Ali Shere Khuda Alahis Salam Ki Afzaliyat Hazrat Abu Bakar Siddique Razi Allahu Tala Anhu Ke Samne Bhi Aur Unke Baad Bhi Zahir Kiya Karti Thi, Unme Se Kuch Sahaba e Kiram Ke Aqwaal Mojood Hain 👇🏻

*1.* Sahabi e Rasool Hazrat Sayyedna Abdullah Ibne Abbas Razi Allahu Tala Anhu Jinhone Khawarij Ke Samne Ye Baat Irshad Farmayi Thi :- Me Tumhare Pas Us Shaks Ki Taraf Se Aaya Hu Jo Sabse Afzal Hai Aur Islaam Me Sabse Pehla Musalman Hain, Aap Mola Ali Alahis Salam Ki Taraf Se Gaye The.

*2.* Sahabi e Rasool Hazrat Sayyedna Jabir Bin Abdullah Ansari Razi Allahu Tala Anhu Ne Farmaya :- Khuda Ki Kasam! Hazrat Sayyedna Mola Ali Alahis Salam Rasool Allah ﷺ Ke Baad Saare Logo Se Afzal The.

*3.* Sahabi e Rasool Hazrat Sayyedna Huzaifa Razi Allahu Tala Anhu Ne Farmaya :- Baad Az Nabi Afzalul Bashar Mola Ali Alahis Salam Hain.

*4.* Sahabi e Rasool Hazrat Sayyedna Ammar Bin Yasir Razi Allahu Tala Anhu Farmate Hain :- Mola Ali Alahis Salam Sabse Pehle Musalman The Aur Sabse Zada Allah Ke Deen Ka Ilm Janne Wale The.

📚 *Reference* 📚
Aiymma e Arba, Safa 480, Hazrat Imaam Abu Bakar Baqalani Rehmatullah Alaih.

16 Ramzaan Youm e Shahadat Sahezada e Khalifa e Awwal Khalifa-e-Rashid Hazarat Sayyed Abu Baqar Siddique Akbar Sayyeduna Mohammad Bin Abu Baqar Siddique (Radi’Allahu Ta’Ala Anhu)

16 Ramzan Sayyeduna Abu Bakr Siddiq RadiAllahu Anhu ke Shehzade, Maula Ali Alaihissalam ke Adopted Bete (Godh liye hue Bete), Sayyeduna Imam Jafar Sadiq Alaihissalam ke Par-Nana, Hazrat Sayyeduna Muhammad bin Abu Bakr RadiAllahu Anhuma ki Shahadat ka Din hai.

Aapko Maula Ali Alaihissalam ne Apni Khilafat me Egypt ka Governor banakar bheje they lekin bagiyo ke sardar ke hukm par Muawiya bin Hudayj naami zalim ne Hazrat Muhammad bin Abu Bakr RadiAllahu Anhuma ko moblynch karke Shaheed kiya aur fir Aapke Jism-e-Aqdas ko gadhey (donkey) ki khaal me lapet kar jalaya gaya. Itni nafrat thi in zalimo ko Ahle Bayt aur Unke gulamo se.

Aapke Jism-e-Pak ka bacha hua hissa Egypt ke Fustat shehar me dafan kiya gaya.

Allah ke bayinteha Durood o Salam ho Ahle Bayt aur Unke Chahne walo par aur bayshumar lanat ho Unke dushmano par.