Manaqib e Ummul Momineen Hazrat Ayesha Siddeeqa Salamullah Alaiha

*Manaqib e Ummul Momineen Hazrat Ayesha Siddeeqa (Part 1)*

• Hazrat Ayesha Ko Hazrat Jibrail Ka Salam

Hazrat Ayesha Siddeeqa Salamullah Alaiha Ne Bayan Kiya Ke Rasoolullah ﷺ Ne Ek Din Farmaya :- Aye Ayesha Ye Jibrail Alahis Salam Tumhe Salam Kehte Hain Mene Jawab Diya Un Par Bhi Salam Ho Aur Allah Ki Rahmat Aur Barkat Ho, Sayyeda Ayesha Ne Arz Kiya Aap Yani (Rasoolullah ﷺ) Un Cheezon Ko Dekhte Hain Jinko Me Nahi Dekhti.

📚 *Reference* 📚
*1.* Sahih Bukhari, Hadees No 3768.
*2.* Sahih Muslim, Hadees No 6179.

*Manaqib e Ummul Momineen Hazrat Ayesha Siddeeqa (Part 2)*

Ummul Momineen Sayyeda Ayesha Siddeeqa Salamullah Alaiha Se Riwayat Hain Ke Huzoor Nabi e Kareem ﷺ Ne Unse Farmaya : Mene Khwaab Me Do Martaba Tumhe Dekha Mene Dekha Ke Tum Reshmi Kapdo Me Lipti Hui Ho Aur Mujhe Kaha Gaya Ke Ye Aap Ki Biwi Hai Parda Hata Kar Dekhiye Jab Mene Dekha To Tum Thi To Mene Kaha Ke Agar Ye Allah Ta’ala Ki Taraf Se Hain To Wo Aesa Karke Hi Rahega.

📚 *Reference* 📚
*1.* Bukhari, As Sahih, Kitab Fazail e Ashab un Nabi, Jild 3, Safa 1415, Hadees No 3682.
*2.* Muslim, As Sahih, Kitab Fazail e Sahaba, Jild 4, Safa 1889, Hadees No 2438.
*3.* Ahmad Bin Hanbal, Al Musnad, Jild 6, Safa 41, Hadees No 24188.

*Manaqib e Ummul Momineen Hazrat Ayesha Siddeeqa (Part 3)*

• Huzoor ﷺ Ki Hazrat Ayesha Se Muhabbat

Hazrat Anas Razi Allahu Tala Anhu Bayan Karte Hain Ke Huzoor Nabi e Kareem ﷺ Ka Ek Farsi Padosi Bhut Accha Salan Banata Tha, Ek Din Usne Huzoor Nabi e Kareem ﷺ Ke Liye Salan Banaya Phir Aap ﷺ Ko Dawat Dene Ke Liye Hazir Hua To Aap ﷺ Ne Farmaya : Aur Ye Bhi Ya’ani Hazrat Ayesha (Bhi Mere Saath Maddu Hai Ya Nahi) To Usne Arz Kiya Nahi, Is Par Aap ﷺ Ne Farmaya Nahi Me Nahi Jaunga, Us Shaks Ne Daubara Aap ﷺ Ko Dawat Di To Aap ﷺ Ne Farmaya Ye Bhi To Us Aadmi Ne Arz Kiya Nahi, To Aap ﷺ Ne Phir Inkaar Farma Diya, Us Shaks Ne Teesri Bar Aap ﷺ Ko Dawat Di, Aap ﷺ Ne Farmaya Ye Bhi Usne Arz Kiya Haa Ye Bhi, Phir Dono Ya’ani (Aap ﷺ Aur Hazrat Ayesha) Ek Dusre Ko Thame Hue Uthe Aur Us Shaks Ke Ghar Tashrif Lekar Aaye.

📚 *Reference* 📚
*1.* Muslim, As Sahih, Jild 3, Safa 1609, Hadees No 2037.
*2.* Ahmad Bin Hanbal, Al Musnad, Jild 3, Safa 123, Raqam 12265.

*Manaqib e Ummul Momineen Hazrat Ayesha Siddeeqa (Part 4)*

Ummul Momineen Hazrat Ayesha Siddeeqa Salamullah Alaiha Se Marwi Hain Ke Hazrat Jibrail Alahis Salam Resham Ke Sabz Kapde Me Lipti Hui Unki (Hazrat Ayesha Ki) Tasweer Lekar Huzoor Nabi e Kareem ﷺ Ki Bargah e Aqdas Me Hazir Hue Aur Arz Kiya :- Ya Rasool Allah ﷺ Ye Duniya o Aakhirat Me Aapki Ahliya Hain, Is Hadees Ko Imaam Tirmizi Aur Ibne Hibban Ne Riwayat Kiya Hain Aur Imaam Tirmizi Ne Farmaya Hain Ke Ye Hadees Hasan Hain.

📚 *Reference* 📚
*1.* Tirmizi, As Sunan, Kitab Al Manaqib An Rasool Allah, Jild 5, Safa 704, Hadees No 3880.
*2.* Ibne Hibban, As Sahih, Jild 16, Safa 6, Hadees No 7094.
*3.* Zahabi, Siyar Alam Al Nubala, Jild 2, Safa 140 141.

*Manaqib e Ummul Momineen Hazrat Ayesha Siddeeqa (Part 5)*

• Hazrat Ayesha Ki Sakhawat

Hazrat Urwa Bin Zubair Razi Allahu Tala Anhu Bayan Karte Hain Ke Hazrat Ayesha Siddeeqa Salamullah Alaiha Ke Pas Allah Ke Rizq Me Se Jo Bhi Cheez Aati Wo Usko Apne Pas Na Roke Rakhti Balke Usi Waqt Khade Khade Us Ka Sadqa Farma Deti Thi.

📚 *Reference* 📚
Bukhari, As Sahih, Kitab Al Manaqib, Bab Manaqib e Quraish, Jild 3, Safa 1291, Hadees No 3314.

*Manaqib e Ummul Momineen Hazrat Ayesha Siddeeqa (Part 6)*

Hazrat Umm e Zarah Jo Ke Hazrat Ayesha Siddeeqa Ki Khadima Thi Bayan Karti Hain Ke Hazrat Abdullah Bin Zubair Razi Allahu Tala Anhu Ne Do Theliyon Me Se Aapko (Hazrat Ayesha Ko) 80 Hazar Ya 1 Lakh Ki Maliyat Maal Bheja, Aapne Maal Rakhne Ke Liye Ek Thaal Mangwaya Aur Aap Us Din Roze Se Thi Aap Wo Maal Logo Me Taqseem Karne Ke Liye Bedh Gayi, Sham Tak Us Maal Me Se Aapke Paas 1 Dirham Bhi Na Bacha Jab Sham Ho Gayi To Aapne Farmaya Aye Ladki Mere Liye Iftar Ke Liye Kuch Lao Wo Ladki Ek Roti Aur Thora Sa Ghee Lekar Hazir Hui, Umm e Zarah Ne Arz Kiya : Kya Aapne Jo Maal Taqseem Kiya Hain Usme Se Hamare Liye Ek Dirham Ka Gosht Nahi Khareed Sakti Thi Jisse Aaj Ham Iftaar Karte, Hazrat Ayesha Ne Farmaya :- Ab Mere Sath Is Lehje Me Baat Na Kar Agar Us Waqt (Jab Me Maal Taqseem Kar Rahi Thi) Tu Ne Mujhe Yad Karaya Hota To Shayad Me Aesa Kar Leti.

📚 *Reference* 📚
*1.* Abu Nu’aym, Hilyatul Auliya, Jild 2, Safa 47.
*2.* Zahabi, Siyar Alam Al Nubala, Jild 2, Safa 187.
*3.* Ibne Saad, Al Tabqaat Al Kubra, Jild 8, Safa 67.