Ek Sufi Khayaal — Dua kab aur kaise qubool hoti hai?
Hazrat Khwaja Banda Nawaz Gesu Daraz Syed Muhammad Zaidi Hussaini (r.a.) farmate hain:
“Baargah-e-Khudawandi ka darwaaza har waqt khula rehta hai — subah ho ya shaam, din ho ya raat.”
Log aksar dua ke liye khaas lamhon ki talaash karte rehte hain.
Tasawwuf humein yeh samjhata hai ke dua ka waqt nahi, dua karne wala dil khaas hota hai.
Qur’an me Allah Ta‘ala farmata hai: “Mujhe pukaaro, main tumhari dua qubool karunga.”
Aur Huzoor nabi e kareem sallallahu alaihi wa aalihi wa sallam ne irshaad farmaya ke Allah us dil ki dua qubool nahi karta jo ghaafil ho.
Hazrat Imam Ali alaihissalam ki talimaat bhi isi taraf ishara karti hain ke ikhlas, yaqeen aur muhabbat ke baghair ki gayi dua sirf alfaaz reh jaati hai. Jab banda apni majboori ko pehchan kar, bina shikwa aur jaldbazi ke Allah ki taraf palat aata hai, wahi dua apni rooh paida karti hai.
Tasawwuf ke nazdeek dua apne aap ko Allah ke hawale kar dena hai.
Jab niyyat khaalis ho, yaqeen zinda ho, aur dil jhuka hua ho,
to har waqt waqt-e-qubooliyat ban jaata hai.
Follow for more sufi post @dargah_hamza_pir
Aal-e-Qutub Aal-e-Syed Abdullah Shah Ghazi 