Mu‘awiya ki majlis mein Aaqa ﷺ ki taraf dhokhe ki nisbat par Mu‘awiya ki mujrimana khamoshi”

Mu‘awiya ki majlis mein Aaqa ﷺ ki taraf dhokhe ki nisbat par Mu‘awiya ki mujrimana khamoshi”

Ek martaba kisi shakhs ne Maula Ali Karramallahu Wajhah ke saamne yeh keh diya ke
“Ka‘b bin Ashraf ko dhokhe se qatl kiya gaya”
(haalanke Ka‘b bin Ashraf ke qatl ka hukm khud Nabi Kareem ﷺ ne diya tha, aur is hukm ki ta‘meel mein ek Sahabi ne puri planning ke saath usay qatl kiya tha)،
to Sayyidna Ali al-Murtaza ne hukm diya ke foran us shakhs ki gardan uda di jaye۔
(Al-Saif al-Maslul, Imam Subki rah., p.303, Qissa-e-Ka‘b bin Ashraf)

Lekin bilkul yahi waqia jab Mu‘awiya ke darbar mein pesh aaya, ke ek shakhs ne kaha:
“Ka‘b bin Ashraf ka qatl dhokhe ka qatl tha”,
to is par Hazrat Muhammad bin Maslamah r.a. ne sardar-e-mehfil Mu‘awiya ko mukhatib karte hue farmaya:
“Mu‘awiya! Tere saamne Nabi Kareem ﷺ ki taraf dhokhe ki nisbat ki ja rahi hai, phir bhi tum mana nahi kar rahe? Allah ki qasam, main aur tum ek chhat ke neeche jama nahi ho sakte.”
(Sharh Mushkil al-Athar, Imam Tahawi, jild 1, p.190 / Dala’il an-Nubuwwah, Imam Baihaqi, jild 3, p.193)

Aap ne dekha ke Nabi Kareem ﷺ ki taraf dhokhe ki nisbat jaise intehayi khatarnaak jumle par bhi waqt ka Muslim badshah, aur baazon ke nazdeek ajalla Sahaba mein shamil shakhs, tas se mas na hua, aur na hi peshaniyon par bal aaye,
jabke Maula Ali ne isi jumle par sar tan se juda karwa diya tha۔

Lihaza jo log “Haadiyan Mahdiyan wa Ihdi Bih” ki sahat ke mudda‘i hain, hamara un se sawal yeh hai ke
jab Mu‘awiya ke saamne Aaqa ﷺ ki taraf dhokhe ki nisbat ki ja rahi thi,
to us waqt is “Haadiyan Mahdiyan wa Ihdi Bih” dua ki maqbooliyat kahan chali gayi thi؟
Aur Ameer-e-Shaam ki ghairat-e-Islami, muhabbat-e-Nabawi aur haadiyat-o-mahdiyat ki sifat-e-khaasah kahan ghaib ho gayi thi؟

✍️ Azhar Mansoor Nadvi