Amir-e-Shaam Muawiya pehla shakhs the jisne khassi (eunuch) ghulam rakhe. Kya Islam mein mard ko khassi karna jaiz hai?
Darul Uloom Deoband ka fatwa number 603171 baghair kisi istisna ke yeh kehta hai ke Islam mein khassi hona qat‘an haram, najaiz aur bahut bada gunaah hai.
Lekin Tareekh-ul-Khulafa mein Imam Suyuti likhte hain ke Muawiya pehle shakhs the jinhone khassi ghulam rakhe. Ab pehli baat to yeh hai ke itne azeem gunaah ke murtakib shakhs ko apni ma‘iyyat (saath) mein rakhna taqwa ke khilaf baat hai.
Jabke Imam Ibn-e-Kathir likhte hain ke: “Ek din Muawiya apne us khassi ghulam ke saath apni biwi ke paas gaye. Biwi ne parda kar liya aur poocha: aapke saath yeh kaun shakhs hai?
Muawiya ne kaha: yeh khassi hai, tum iske saamne aa jao (parda na karo).
Is par biwi ne kaha: jis cheez ko Allah ne haram kiya hai, aapka usko mutilate (khassi) kar dena us amal ko harگز halal nahi kar deta.”
Is se maloom hota hai ke Muawiya ke hukm se woh shakhs khassi kiya gaya tha. Mazeed yeh ke Muawiya ne apni biwi se kaha ke woh us shakhs se parda na kare.
To kya Muawiya ke nazdeek khassi ke saath saath ajnabi mard ke saamne be-parda hona bhi jaiz tha?
Hawalay:
Tareekh-ul-Khulafa — Imam Suyuti, Kitab Ahd-e-Bani Umayya, Muawiya bin Abi Sufyan, Maktaba Shamila, safha 153
Al-Bidaya wan-Nihaya — Imam Ibn-e-Kathir, sanah 60 ka bab, jild 8, safha 145
Aal-e-Qutub Aal-e-Syed Abdullah Shah Ghazi 