Afzaliyate Imam Ali Alayhissalam
Sayyedna Huzaifa Ibn al-Yaman Ne Farmaya Baad Az Nabi Afzalul Bashar Sayyedna Ali Hein.
Sayyedna Jabir Ibn Abdullah al-Ansari Ne Farmaya Khuda Ki Qasam! Ameer al-Mu’minin Sayyedna Ali Rasoolullah (ﷺ) Ke Baad Saare Logo’n Se Afzal Thae.
Sayyedna Ammar Ibn Yasir Farmate Hein Sayyedna Ali Sabse Pehle Musalman Thae Aur Sabse Zyada Allah ke Deen Ka Ilm Janne Wale Thae.
Imam Abu Bakr al-Baqillani Farmate Hein Ke Sahabae Kiram Ki Ek Jama’at Sayyedna Ali Ki Afzaliyat Sayyedna Abu Bakr Ke Samne Bhi Aur Unke Baad Bhi Zahir Kiya Karti Thi, Unmein Se Sayyedna Abdullah Ibn Abbas Jinhone Khawarij Ke Samne Ye Baat Irshad Farmayi Mein Tumhare Pas Us Shakhs Ki Taraf Se Aaya Hun Jo Sabse Afzal Hai Aur Islam Mai Sabse Pehla Musalman Hai.
(Manaqib al-A’immah al-Arba’ah, Safah-480)
Aal-e-Qutub Aal-e-Syed Abdullah Shah Ghazi 