*28 Muharram ul Haraam*
*639 wa Urs e Paak*
*Tarikus Saltanat Ashraf ul Auliya Sultan ul Asfiya Taj ul Atqiya Zubdat ul Azkiya Ghous e Zama’n Mehboob e Yazdani Qutub e Rabbani Ghous ul Aalam Hazrat Sultan Meer Sayyed Makhdoom Ashraf Jahangir Simnani Rehmatullah Alaih*
*Aapki Wiladat 708 Hijri Mutabik 1308 Esvi Me Simnan, Iran Me Hui, Aapka Wisaal 28 Muharram ul Haraam 808 Hijri Mutabik 25 July 1405 Esvi Me Hua, Aap Shaikh ul Mashaikh Hazrat Shaikh Alauddin Pandawi Chishti Siraji Rehmatullah Alaih Ke Mureed wa Khalifa Hain, Siraj ul Akhrat Hazrat Peer Sayyed Badruddin Badr e Aalam Zahidi Rehmatullah Alaih Ne Aapko Silsila e Zahidya Ki Khilafat Ata Farmayi, Aapke Khalifa Shaikh ul Mashaikh Hazrat Sayyed Noor ul Aain Abdur Razzaq Rehmatullah Alaih Hain, Aap Ashrafi Silsile Ke Imaam Hain, Aapka Mazar Mubarak Kichhauchha Sharif, Zila Faizabad, Uttar Pradesh, India Me Marjai Khalaik Hain.*
*Sarkar Makhdoom e Ashraf Ko Mehboob e Yazdani Ka Laqab Kab Mila*
Hazrat Makhdoom Ashraf Jahangir Samnani Rehmatullah Alaih Ko Ramzan Ki 27wi Shab Ko Mehboob e Yazdani Ka Laqab Gaib Se Gulbarga Sharif Me Mila, Makhdoom e Pak Ki Aadate Kareema Thi Ke Rozana Namaz e Fajr Makkah Mukarrama Me Ada Farmate The, Chunache Shab e Qadr Ki Subah Ko Bhi Aap Makkah Mukarrama Namaz e Fajr Ada Farmane Tashrif Le Gaye The Wahan Hazrat Shaikh Najmuddin Asfahani Rehmatullah Alaih Maujood The Unhone Makhdoom e Pak Ko Dekhte Hi Farmaya :- Mehboob e Yazdani Aaye’n Aapko Ye Khuda Wandi Khitab Mubarak Ho Dono Buzurghon Ne Izhare Suroor Ke Liye Muanqa Kiya Us Waqt Taqreeban 500 Mashaik e Kiram Haram Sharif Me Maujood The, Sabne Hazrat Makhdoom e Pak Ko Mubarak Bad Di, Uske Bad Hazrat Makhdoom Ashraf Jahangir Samnani Jahan Bhi Tashrif Le Jate Mashaik e Kiram Aapko Mehboob e Yazdani Keh Kar Pukarte Yahan Tak Ke Ye Aawaze Gaibi Zameen o Aasman Me Goonj Uthi Aur Makhdoom e Pak Ki Mehboobiyat Ka Parcham Farsh Ta Arsh Tak Lehrane Laga.
📚 *Reference* 📚
Hayat e Ghous ul Aalam, Safa 85.
*Sarkar Makhdoom Ashraf Aur Silsila e Zahidya*
Hazrat Makhdoom Ashraf Jahangir Simnani Rehmatullah Alaih Ko Silsila e Zahidya Ki Khilafat o Ijazat Hazrat Peer Sayyed Badruddin Badr e Aalam Zahidi Rehmatullah Alaih Ne Ata Farmayi Thi Jo Hazrat Sayyed Fakhruddin Kabeer Zahidi Makhdoom Shah Wilayat Sahab Meeruti Rehmatullah Alaih Ke Parpote Hain Aur Khanwada e Zahidya Habeebiya (Sadaat e Jafri) Ke Ajdad Me Aate Hain.
*Shajra e Silsila e Zahidya Ashrafiya*
Mehboob e Yazdani Hazrat Makhdoom Ashraf Jahangir Simnani Rehmatullah Alaih Ko Hazrat Khawaja Sayyed Badruddin Badr e Aalam Zahidi Rehmatullah Alaih Se Khilafat Mili Unko Hazrat Shaikh Sayyed Shahabuddin Saani Haq Go Shaheed Zahidi Rehmatullah Alaih Se Unko Hazrat Shaikh Sayyed Fakhruddin Kabeer Zahidi Makhdoom Shah Wilayat Sahab Meeruti Rehmatullah Alaih Se Unko Hazrat Shaikh Sayyed Shahabuddin Kabeer Zahidi Imaam e Kabah Rehmatullah Alaih Se Unko Hazrat Shaikh Sadruddin Rehmatullah Alaih Se Unko Hazrat Khawaja Abdus Salam Rehmatullah Alaih Se Unko Hazrat Shaikh Abdul Kareem Rehmatullah Alaih Se Unko Hazrat Shaikh Qutubuddin Rehmatullah Alaih Se Unko Hazrat Shaikh Khawaja Hasan Sahab Rehmatullah Alaih Se Unko Hazrat Shaikh Abu Ishaq Rehmatullah Alaih Se Unko Hazrat Shaikh Abdullah Rehmatullah Alaih Se Unko Hazrat Shaikh Muhammad Rehmatullah Alaih Se Unko Sayyed ut Taa’ifa Hazrat Junaid Baghdadi Rehmatullah Alaih Se Unko Hazrat Khawaja Shaikh Sirri Al Saqti Rehmatullah Alaih Se Unko Hazrat Shaikh Maroof Karkhi Rehmatullah Alaih Se Unko Hazrat Shaikh Dawood Tai Rehmatullah Alaih Se Unko Hazrat Khawaja Habeeb Ajmi Rehmatullah Alaih Se Unko Hazrat Khawaja Hasan Basri Rehmatullah Alaih Se Unko Hazrat Sayyedna Maula Imaam Ali Alahis Salam Se Unko Imaam ul Ambiya Hazrat Muhammad Mustafa ﷺ Se.
📚 *Reference* 📚
Sahaif e Ashrafi, Jild 2, Safa 44, 45.
*Karamat e Hazrat Makhdoom Ashraf Simnani*
Ek Budha Shaks Tha Usne Sakar Makhdoom Ashraf Simnani Rehmatullah Alaih Se Nihayat Hi Hasrat Ke Sath Kaha Ke Aaj Yaume Arafa Hain Kya Hi Accha Hota Ke Me Bhi Hajj Ki Daulat Se Sarfaraz Hota, Hazrat Makhdoom Ashraf Simnani Ne Farmaya Tum Hajj Karna Chahte Ho Usne Arz Kiya Ye Daulat Naseeb Hoti To Kya Hi Accha Hota, Hazrat Makhdoom Ashraf Ne Farmaya Aao Wo Shaks Aaya Aapne Dast Mubarak Se Ishara Farmaya Ke Jao Ye Farmate Hi Wo Kabah Sharif Pouch Gaya Aur Hajj Ki Adaigi Ki Aur 3 Din Wahi Raha Phir Usko Khayal Aaya Ke Koi Mujhe Mere Watan Poucha Deta Is Khayal Ke Aate Hi Usne Hazrat Makhdoom Ashraf Ko Wahi Dekha To Qadmo Par Gir Pada, Aapne Farmaya Jao Usne Sar Utha Kar Dekha To Apne Watan Me Maujood Tha.
📚 *Reference* 📚
Sahaif e Ashrafi, Jild 1, Safa 223.
Aal-e-Qutub Aal-e-Syed Abdullah Shah Ghazi 