Muharram aur Aulia Allah part 2

*Muharram Me Hara Libas*
*Auliya Allah Se Sabit Hain*

Taaj ul Auliya Shehansha e Hafta e Aqleem Taaj ul Millat e Waddin Hazrat Sayyed Baba Taajuddin Muhammad Nagpuri Rehmatullah Alaih Ka Mamool Tha 10 Muharram ul Haraam Ko Sabz (Hara) Jubba Pehan Kar Bahar Maidan Me Tashrif Le Jate The.

📚 *Reference* 📚
*1.* Azkare Taaj ul Auliya, Safa 397.

*132 Saal Purane Silsila e Naqshbandiya Ke Jaleel ul Qadr Buzurgh Aarifbillah Qutub ul Irshad Hazrat Khawaja Sai Tawakkal Shah Sahab Ambalwi Rehmatullah Alaih Ka Ashra e Muharram Ka Mamool* 👇🏻

Hazrat Sai Tawakkal Shah Sahab Ambalwi Rehmatullah Alaih Ka Mamool Tha Ke Aap Ashra e Muharram Me (Muharram Ke Shuru Ke 10 Din) Khand Ka Sharbat Doodh Me Mila Kar Pilate Aur Khana Khilaya Karte Aur Inka Sawaab Hazrat Imaam Hussain Alahis Salam Ko Pouchaya Karte The.

📚 *Reference* 📚
Zikr e Khair Almaroof Ba Sahifa e Mehboob, Bab 5, Safa 224.

*Dusri Sadi Ke Mujjaddid 1243 Saal Purane Imaam Maslak e Shafai Ke Bani Nasir ul Sunnat Hazrat Abu Abdullah Muhammad Bin Idrees Al Maroof Imaam Shafai Ke Gham e Imaam e Hussain Me Likhe Hue Ashaar Ka Urdu Tarjuma*

*1.* Duniya Aale Muhammad ﷺ Ke Gham Me Kaanp Uthi
Qareeb Tha Ke Be Jaan Pahad Bhi Pighal Jayen.

*2.* Sitare Chup Gaye Aur Taaron Par Kapkapi Taari Ho Gayi
Parde Phaad Diye Gaye Aur Gireban Taar Taar Kardiye Gaye.

*3.* Us Hashmi Paighambar Par Durood Padha Jaye Aur
Unki Aulad Se Jung Ki Jaye Kitni Tajjub Ki Baat Hain.

*4.* Agar Aale Muhammad ﷺ Se Mahabbat Karna Hi Mera Gunah Hai To
Ye Aesa Gunah Hai Jisse Me Tobah Nahi Kar Sakta.

*5.* Yahi Woh Log Hain Jo Maidan e Hashr Me Mere Sifarshi Honge
Jis Waqt Aankhein Aazab o Iqab Ke Haulnaaq Manazir Dekhengi.

📚 *Reference* 📚
Diwan Imaam Shafai, Safa 83.

*756 Saal Purane Buzurgh Silsila e Sabriya Ke Imaam Hazrat Makhdoom Alauddin Ali Ahmad Sabir Pak Kaliyari Rehmatullah Alaih Ka Hazrat Imaam Hussain Alahis Salam Ki Shan Me Likhe Hue Marsiya Ka Urdu Tarjuma* 👇🏻

Muharram Ka Mahina Aa Gaya Hain Aur Dard o Alam Phir Se Taza Ho Gaye Hain
Balqe Ins o Jaa’n Ke Zakham Sitam Taza Ho Gaye Hain.

Juhi Kaano Ne Muharram Ka Naam Suna
To Mere Pareshan Khatir Dil Me Gham Ki Aag Taza Ho Gayi.

Azal Se Hi Kaynat Me Aah o Buka Jari Hain
Lekin Gham e Hussain Ke Dard Ne Ye Aah o Nala Taza Kar Diye Hain.

Yazeed e Laeen Ki Saikdon Talwaro Ne Ye Zulm o Sitm Kiya
Goya Usne Maghmoom Dilo Par Ye Iqdaam Karke Hizn o Malal Taza Kar Diya.

Jo Koi Bhi Gham e Hussain Me Aansu Bahata Hain
Us Par Allah Ta’ala Ka Lutf o Karam Taza Ho Jata Hain.

Aye Sabir! Us Khoon Aasham Raat Ki Wajah Se Har Raat Ghamgeen o Dardnaak Ho Gayi
Muharram Ka Mahina Aa Gaya Hain Aur Ranj o Alam Taza Ho Gaye Hain.

📚 *Reference* 📚
Deewan e Sabir, Az Hazrat Makhdoom Alauddin Ali Ahmad Sabir Sahab Kalyari, Safa 33.

*782 Saal Purane Buzurgh Silsila e Chishtiya Ki Mashoor o Maroof Shaksiyat Hazrat Baba Fareeduddin Masood Ganj Shakar Aur Gham e Imaam e Hussain*

Hazrat Shah Sulaiman Phulwari Chishti Qadri Rehmatullah Alaih Jo Hazrat Baba Fareeduddin Masood Ganj Shakar Rehmatullah Alaih Ki Nasal Se Hain Aur Mureed o Shagird Ghous e Zama’n Hazrat Fazle Rehma’n Ganj Muradabadi Rehmatullah Alaih Ke Hain Aur Khalifa Hazrat Haji Imdadullah Muhajir Makki Rehmatullah Alaih Ke Hain Wo Apni Kitab Gham e Hussain Me Likhte Hain :- Hazrat Baba Fareeduddin Masood Ganj Shakar Se Manqool Hain Ke Baghdad Sharif Me Ek Buzurgh The Jinke Samne Hazrat Imaam Hussain Ki Shahadat Ka Zikr Hua Wo Is Qadar Roye Ke Rote Rote Zameen Par Sar De Mara Aur Unka Sar Phat Gaya Jiski Wajah Se Unka Wisal Ho Gaya, Usi Raat Logo Ne Unko Khuwab Me Dekha Aur Haal Poucha To Farmaya :- Mene Ahle Baith Ki Muhabbat Me Apni Jaan Dedi Thi Isliye Khuda Ne Mujhko Baksh Diya Aur Me Hazrat Imaam Hussain Ke Saath Rehta Hu. Aur *Khud Hazrat Baba Fareeduddin Masood Ganj Shakar Bhi Aashura Ke Din Karbala Ki Yaad Me “Hay Hay” Ka Nara Lagate Aur Behosh Ho Jate The.*

📚 *Reference* 📚
Gham e Hussain, Safa 55, 56.

*722 Saal Purane Buzurgh Silsila e Chishtiya Ki Mashoor o Maroof Shaksiyat Nizami Silsila Ke Imaam Hazrat Khawaja Nizamuddin Auliya Mehboob e Ilahi Aur Gham e Imaam e Hussain*

Hazrat Khawaja Ameer Khusro Rehmatullah Alaih Farmate Hai Ki :- Muharram Ki 5 Tareekh Ko Hazrat Khawaja Nizamuddin Auliya Rehmatullah Alaih Ki Qadambosi Ka Sharf Hasil Hua, Bat Cheet Ke Dauran Hazrat Khawaja Nizamuddin Auliya Khoob Rone Lage Aur Farmaya Ki Hazrat Fatima Salamullah Alaiha Ke Jigar Gosho Ka Haal Sabko Maloom Hain Ki Zalimo Ne Unko Dashte Karbala Me Kis Tarah Bhooka Piyasa Shaheed Kiya Phir Farmaya Ki Imaam Hussain Ki Shahadat Ke Din Sara Jahan Teera wa Taar Ho Gaya Bijli Chamak Ne Lagi Aasman Aur Zameen Jumbish Karne Lage Farishte Gazab Me The Aur Bar Bar Allah Ta’ala Se Ijazat Talab Karte The Ke Hukum Ho To In Tamaam Iza Darindo Ko (Yazeediyo Ko) Maliya Met Kar Dein Hukum Hota Hain Ke Tumhe Usse Kuch Wasta Nahi Hain Takdeer Yu Hi Hain Me Janu Aur Mera Dost Hussain Tumhara Isme Dakhal Nahi Hain Me Qayamat Ke Din Un Zalimo Ke Bare Me Unhi (Imaam Hussain) Se Faisla Karaunga Jo Kuch Wo Kahenge Usi Ke Mutabik Hoga.

📚 *Reference* 📚
*1.* Rahat ul Muhibbeen, Safa 157,158.
*2.* Shame Karbala, Safa 336.

*Chehlum e Imaam e Hussain Alahis Salam Aur Auliya e Ikraam Ka Tarika*

*Makhdoom ul Asfiya Taaj ul Fuqara Hazrat Haaji Sayyed Waris Ali Shah Sahab Rehmatullah Alaih Ka Mamool Sharif Tha :-* Aap Aayyam e Muharram Me Khususan Imaam Bargaho Me Hazri Dete Aur Taziya Sharif Ki Ziyarat Ko Jate The, Taziya Sharif Ki Ziyarat Ke Waqt Ak Ajeeb Kaifiyat Aapke Chehra e Mubarak Par Mulahiza Farmayi Jaati Aur Dair Tak Aap Par Sukoot Ka Ak Aalam Taari Ho Jata, Aashra e Muharram Aur *Chehlum Ke Din Khususan Aastana e Aaliya Par Sabeel Ka Ahtamaam Hota Tha.*

📚 *Reference* 📚
Mishkat ul Haqqaniya, Safa 110.

*782 साल पुराने बुज़ुर्ग सिलसिला ए चिश्तिया की मशहूर ओ मारूफ़ शक्सियत हज़रत बाबा फरीदुद्दीन मसूद गंज शकर और ग़म ए इमाम ए हुसैन*

हज़रत शाह सुलेमान फुलवारी चिश्ती कादरी रहमतुल्लाह अलैह जो हज़रत बाबा फरीदुद्दीन मसूद गंज शकर रहमतुल्लाह अलैह की नसल से हैं और मुरीद ओ शागिर्द ग़ौस ए जमान हज़रत फ़ज़ले रहमान गंज मुरादाबादी रहमतुल्लाह अलैह के हैं और ख़लीफ़ा हज़रत हाजी इमदादुल्लाह मुहाजिर मक्की रहमतुल्लाह अलैह के हैं वो अपनी किताब ग़म  ए हुसैन में लिखते हैं:- हजरत बाबा फरीदुद्दीन मसूद गंज शकर से मनकूल हैं के बगदाद शरीफ में एक बुजुर्ग थे जिनके सामने हजरत इमाम हुसैन की  शहादत का ज़िक्र हुआ वो इस कदर रोए के रोते रोते ज़मीन पर सर दे मारा और उनका सर फट गया जिसकी वजह से उनका विसाल हो गया, उसी रात लोगो ने उनको ख्वाब में देखा और हाल पूछा तो फरमाया :- मेने अहले बैत की मुहब्बत में अपनी जान दे दी थी इसलिए खुदा ने मुझको बख्श दिया और मैं हज़रत इमाम हुसैन के  साथ रहता हूँ.  और *ख़ुद हज़रत बाबा फ़रीदुद्दीन मसूद गंज शकर भी आशूरा के दिन करबला की याद में “हाय हाय” का नारा लगाते और बेहोश हो जाते थे।*

📚 *Reference* 📚
ग़म ए हुसैन, सफ़ा 55, 56.

*102 Saal Purane Buzurgh Taj ul Auliya Hazrat Baba Tajuddin Nagpuri Aur Juloos e Imaam e Hussain*

Hazrat Baba Tajuddin Nagpuri Ka Ye Dastoor Tha Ke *Har Saal Muharram Ki 12 Tareekh Ko Hare Rang Ka Jubba Pehan Kar Maidan Me Jate The* Baba Sahab Ke Sath Muhammad Hussain Baba, Ameeruddin, Khawaja Mohiuddin Wagera Ki Gadiyan Hoti Aur Charo Taraf Aaqidat Mando Ki Bheed Hoti Huzoor (Baba Tajuddin Nagpuri) Ki Baggi Ke Kareeb Do Nishan Bardar Adab Se Chalte The, *Is Saal Muharram Ki 12 Tareekh Ko Baba Sahab Ne Alam Bardar Se Alam Apne Hath Me Liya Aur Ya Hussain Ya Hussain Ki Sadai Buland Hone Lagi* Log Zauk Dar Zauk Baba Sahab Ki Qadambosi Ko Aage Aane Lage, Hindu Musalman Sab Hi Baba Sahab Ke Deedar Ki Sharaab Se Jhoom Rahe The Baba Sahab Ashaar Padh Rahe The *Is Tarah Maidan e Karbala (Nagpur Ki Karbala) Jakar Baba Sahab Wapas Hue* Ye 2 August 1925 Ka Din Tha.

📚 *Reference* 📚
Tazkira Baba Tajuddin Auliya, Safa 70.

*639 Saal Purane Buzurgh Silsila e Ashrafiya Ke Imaam Ghous ul Aalam Hazrat Makhdoom Ashraf Jahangir Simnani Ka Ashra e Muharram Me Mamool* 👇🏻

Hazrat Sayyed Ali Qalandar Rehmatullah Alaih Hazrat Khawaja Yousuf Chishti Rehmatullah Alaih Ke Mureed The Aur Bade Aali Martabat Buzurgh The Aur *Unka Mamool Tha Ke Muharram Ke Ashra e Awwal (Shuru 10 Din Me) Alam Ke Neeche Bedhte The* Aur Apne Mureedo Ko Dore Ke Liye Bhej Dete The *Nafees Libaas (Acche Kapde) Is Ashra Me Nahi Pehante The Aur Aesh wa Shadi Ke Asbaab Tark Kar Dete The.* Hazrat Makhdoom Ashraf Simnani Rehmatullah Alaih Ne Bhi Kabhi Ye Dora Tark Nahi Kiya. *Hazrat Sayyed Ali Qalandar Ki Tarah Khud Alam Ke Neeche Bedhte* Aur Ashaab Ko Dore Ki Ijazat Dete Lekin Ashra Ke Aakhir 3 Din Khud Bhi Ashaab Ke Sath Galiyon Me Gasht Lagate The.

📚 *Reference* 📚
Lataif e Ashrafi, Jild 2, Safa 245, 246.
Muallif – Hazrat Shaikh Nizam Yamani Rehmatullah Alaih.
Matbua – Makhdoom Ashraf Academy, Khichucha Sharif, Uttar Pradesh, India.

*Sayyed Gulzar Miya Wasti (Gulzar e Millat) Ke Jadd e Amjad Sarkar e Masauli Hazrat Meer Sayyed Muhammad Ismaile Wasti Rehmatullah Alaih Ke Peero Murshid 310 Saal Purane Silsila e Qadriya Ke Azeem ul Martabat Shaikh e Tariqat Makhdoom ul Aafaq Hazrat Sayyed Abdur Razzak Qadri Bansawi Rehmatullah Alaih Kiya Farmate Hain Taziya Sharif Ke Bare Me* 👇🏻

Hazrat Abdur Razzak Bansawi Rehmatullah Alaih Taziya Ki Ziyarat Ko Kabhi Jate Kabhi Nahi Jate The, Ek Roz 9wi Tarikh (9 Muharram) Ko Aapne Khuwab Me Dekha Ke Me Taziya Ki Ziyarat Ko Gaya Hun Wahan Dono Sahabzade (Hazrat e Hasnain Karimain) Maujood Hain Aur Mujhko Ye Baat Farmayi Ke Abdur Razzak Tum Hamare Yahan Nahi Aate Ho, Us Roz Se Hazrat Abdur Razzak Bansawi Har Roz Jane Lage Aur Farmate Taziya Jise Kaghaz Aur Baans Ki Lakdi Se Banate Hain Use Sirf Lakdi Aur Kaghaz Tasawwur Nahi Karna Chahiye Balqi Arwahe Muqaddasa (Rooh e Hasnain Karimain) Bhi Uski Taraf Mutwajjah Hoti Hain.

📚 *Reference* 📚
Karamaat e Razzakiya, Safa 19.

*661 Saal Purane Silsila e Chishtiya Nizamiya Ke Shaikh e Tariqat Hazrat Makhdoom Ashraf Jahangir Simnani Ke Peer o Murshid Shams ul Zahideen Hazrat Makhdoom Ala ul Haq Pandawi Ganj e Nabat Aur Gham e Imaam e Hussain*

Hazrat Makhdoom Ashraf Jahangir Simnani Rehmatullah Alaih Farmate The Ke Jab Wo Bengal Me Hazrat Alauddin Ganj e Nabat Rehmatullah Alaih Ki Khidmat Me Hazir The To Wahan Bhi Ek Martaba Ye Behas Hui Thi Aur Bengal Ke Aalimo Aur Fazilo Ne Behas Aur Hujjat Ke Bad Ye Tay Kiya Tha Ke Yazeed Par Lanat Jayaz Hain, Makhdoom Alauddin Ganj e Nabat Ka Bhi Yehi Dastoor Tha Ke Ashra e Muharram Ke Ibtadayi 10 Din Giryazari Me Basar Karte The Aur Farmate The Ke Wo Wali Bhi Ajeeb o Gareeb Hoga Jo Khandan e Rasool Aur Jigar Gosha e Batool Ke Matam Par Aansu Na Bahaye Aur Unka Gham Na Kare.

📚 *Reference* 📚
Lataif e Ashrafi, Jild 2, Safa 246, 247.
Muallif – Hazrat Shaikh Nizam Yamani Rehmatullah Alaih.
Matbua – Makhdoom Ashraf Academy, Khichucha Sharif, Uttar Pradesh, India.

*197 Saal Purane Silsila e Niyaziya Ke Imaam Qutub e Aalam Hazrat Shah Niyaz Be Niyaz Ka Zaeefi Ke Aalam Me Taziya Ki Ziyarat Ko Jana* 👇🏻

Aakhri Umar Me Jab Hazrat Shah Niyaz Be Niyaz Rehmatullah Alaih Ki Jismani Taqat Zaeefi Ki Wajah Se Kam Hui Aur Aap Taziya Sharif Ki Ziyarat Ko Nahi Ja Sake Aap Khamosh Bedhe The Ke Usi Waqt Surat e Noorani Hazrat Janab e Sayyeda Fatima Zahra Salamullah Alaiha Jalwagar Hui Aur Farmaya :- Miya Aaj Hamare Baccho Ki Ziyarat Ko Nahi Uthoge Is Irshad e Sayyeda Fatima Ko Sunna Tha Ke Aap Par Ek Kaifiyat Tari Hui Aapne Khuddamo Ko Hukum Diya Ke Hum Ko Le Chalo Khadimo Ne Arz Kiya Ke Huzoor Ko Chaarpayi Pe Le Chale Aapne Farmaya Nahi Balki Paidal Hi Le Chalo Lihaza Dono Janib Se Khuddam Ne Pakda Aur Aap Paidal Taziya Sharif Ki Ziyarat Ko Tashrif Le Gaye.

📚 *Reference* 📚
*1.* Karamaat e Nizamiya, Safa 37.
*2.* Makhzan ul Khazain, Safa 339.

*197 Saal Purane Buzurgh Silsila e Niyaziya Ke Imaam Apne Waqt Ke Qutub e Aalam Hazrat Shah Niyaz Be Niyaz Shab e Aashoor Taziya Ki Ziyarat Ko Tashrif Le Jaya Karte The* 👇🏻

Hazrat Shah Niyaz Be Niyaz Rehmatullah Alaih Shab e Aashura Ko Taziya Ki Ziyarat Ki Garz Se Raat Ko 2 Baje Ke Baad Taziya Ki Ziyarat Ko Tashrif Le Jate The Aur 5 Ya 7 Taziyo Ki Ziyarat Karke Wapas Aate The Ek Martaba Ek Aalim Surat Ke Rehne Wale Hazrat! Ke Hamrah Taziya Ki Ziyarat Ko Chale Gaye Hamesha Hazrat Shah Niyaz Sahab Ki Ye Aadat Thi Ke Taziya Ke Takht Ko Hath Laga Kar Apne Muh Aur Qalb Par Pehrte The Magar Is Martaba Hazrat Ne Taziya Ke Takht Ko Bosa Diya Is Par Molvi Sahab Ke Dil Me Khayal Guzra Ke Hazrat Ne Ye Kiya Gazab Kiya Hazrat Shah Niyaz Sahab Ne Unki Baat Se Aagah Hokar Unse Ek Taziya Ki Taraf Dekhne Ko Farmaya Molvi Sahab Ne Dekha Ke Taziya Ke Dono Janib Hazraat e Hasnain Karimain Tashrif Rakhte Hain Ek Shahzade Ka Libaas Sabz Hain Aur Dusre Ka Surk Molvi Sahab Dekhte Hi Gir Pade Behosh Ho Gaye Aur Un Par Behad Rikkat Tari Ho Gayi Yahah Tak Ke Loutne Lage Aur Hazrat Waha Se Dusre Taziye Ki Ziyarat Ke Liye Tashrif Le Gaye.

📚 *Reference* 📚
*1.* Karamat e Nizamiya, Safa 37.
*2.* Riyaz ul Faza’il, Safa 229,230.
*3.* Makhzan ul Khazain, Safa 336.

*124 Saal Purane Hindustan Ke Jaleel ul Qadr Buzurgh Taaj ul Fuqara Hazrat Haji Sayyed Waris Ali Shah Sahab Bhi Taziya Sharif Ki Ziyarat Ko Jate The Aur Sabeel e Imaam e Hussain Lagate The*

Maah e Muharram Me Huzoor Waris e Pak Taziya Khano Me Jate The Aur Aakhiri Zamane Me Bhi Dewa Sharif Me Choti Bibi Aur Ghaseete Shah Ke Taziyo Me Jate The Kabhi Kabhi Thori Dair Nashist Farmate Aur Kabhi Samne Khade Hokar Chale Aate. Subah Ko Kul Basti Ke Taziye Aapke Darwaze Par Aate The To Waris e Pak Us Waqt Bahar Tashrif Late To Aap Khade Hue Dekhte Rehte The Jab Taziya Daar Taziyo Ko Lekar Chale Jate Us Waqt Waris e Pak Andar Tashrif Late The Taziye Ko Dekhte Waqt Chehra e Anwar Ki Ajeeb Halat Mushahide Me Aati Thi Aur Waris e Pak Sukoot Me Rehte The Aur Ashra e Muharram Aur Chehlum (20 Safar ul Muzaffar) Ke Roz Aastane Par Sabeel Rakhi Jati Thi. Huzoor Waris e Pak Ek Muharram Se Tilawat e Qur’an Khoob Kasrat Se Karte The Magar Akhiri Zamane Me Had Darje Ka Sukoot Dekha Gaya.

📚 *Reference* 📚
Mishkat e Haqqaniya, Safa 91.

*520 Saal Purane Jaleel ul Qadr Buzurgh Hazrat Shaikh Ahmad Shibani Ka Amal Aur Ashra e Muharram*

Shaikh e Muhaqqiq Hazrat Shaikh Abdul Haq Muhaddis Dehlawi Rehmatullah Alaih Hazrat Shaikh Ahmad Shibani Rehmatullah Alaih Ke Halat Likhte Hue Farmate Hain :- Aap Uloom e Shariat o Tariqat Me Kamil The, Aap Hazrat Khawaja Hussain Nagori Rehmatullah Alaih Ke Mureed o Khalifa The, Aap Khandan e Nabuwat Ke Sath Intehayi Muhabbat o Aqidat Rakhne Me Apne Peer o Murshid Ke Tariqe Par The, Aap Ashra e Aashura (1 Muharram Se 10 Muharram) Tak Naye Aur Acche Kapde Nahi Pehante The Aur In Dino Me Raato’n Me Zameen Par Hi Sote The Aur Sadaat Ke Qabristan Me Itikaaf Karte The Aur Rozana Zada Se Zada Hazrat Risalat Ma’aab ﷺ Aur Aapke Khandan e Muqaddas Ki Arwah Ko Sawab e Hadiya Karne Ke Liye Khana Khilate The Aur Aashura 10 Muharram Ke Din Naye Kuze (Matke) Sharbat Se Bhar Kar Apne Sar Par Rakh Kar Sadaat (Sayyedo) Ke Gharo Par Jate The Aur Yateemo Aur Fakeero Ko Pilate The Aur In Ayyam Me Is Tarah Girya (Roya) Karte Ki Goya Waqiya e Karbala Unke Samne Ho Raha Ho.

📚 *Reference* 📚
*1.* Akhbar ul Akhyar, Safa 404.

*208 Saal Purane Muhaddis Raees ul Mufassireen Hazrat Shah Abdul Azeez Muhaddis Dehlavi Aur Majlis e Imaam e Hussain wa Marsiya Khuwani*

Hazrat Shah Abdul Azeez Muhaddis Dehlawi Rehmatullah Alaih Farmate Hain :- Saal Me Do Majlise Fakeer Ke Makan Me Hua Karti Hain Majlise Zikr e Wafat Shareef Aur Majlis e Shahadat e Hussain Alahis Salam, Ye Aashura Ya Usse Ek Do Din Qabl Hoti Hain Darood Sharif, Fazail e Hasnain Karimain, Shahadat Ka Zikr Unke Masaib Ka Bayan Aur Unke Qatilo Ki Bad Unwani Ka Bayan Kiya Jata Hain, Isi Ziman Me Baz Marsiya Jo Jinnat Aur Pariyo Se Sayyeda Umme Salma Salamullah Alaiha Aur Digar Sahabiyo Se Suna Hain Wo Bhi Zikr Kiya Jata Hain Aur Wo Khuwab Jo Hazrat e Ibne Abbas Razi Allahu Tala Anhu Aur Digar Sahaba e Kiram Ne Dekhe The, Isse Maloom Hota Hain Janab e Risalat Ma’aab Rasool e Akram ﷺ Ko Is Waqia Se Nihayat Ranjo Alam Hua, Is Asna Me Sharai Tor Par Marsiya Padhne Par Hazreen e Majlis Aur Is Fakeer Ko Bhi Halat e Rikkat Aur Girya Lahak Ho Jata Hain Agar Ye Sab Fakeer Ke Nazdeek Jayaz Na Hota To Fakeer Hargiz Na Karta.

📚 *Reference* 📚
Fatawa Azeeziya, Safa 199, 200.

*329 Saal Purane Hindustan Ke Badshah 12wi Sadi Ke Mujjaddid Shehanshah e Saltanat ul Hindiya wal Mughaliya Hazrat Abul Muzzaffar Mohiuddin Muhammad Aurangzeb Alamgir Rehmatullah Alaih Ka Taziya Sharif Ko Apne Sar Par Udhane Ka Pura Waqiya*

Tarikh e Aalamgeeri Me Likha Hain Ke Roze Aashura Badshah Aurangzeb Alamgir Ne Ek Zaeefa Aurat Ko Dekha Ki Sar Par Taziya Rakhe Qila (Fort) Ki Taraf Ja Rahi Hain Dekhne Ke Sath Hi Badshah Par Jazb wa Istagrak Ki Kaifiyat (Jo Kashf wa Mushahaida Se Hasil Hoti Hain) Tari Ho Gayi Jisse Wo *Nange Sar Nange Pair Us Zaeefa Aurat Ki Taraf Peeche Peeche Dore Yahan Tak Ki Taziya Usse Lekar Apne Sar Par Rakh Liya* Aur Qila Me Dakhil Ho Gaye Aur Usi Waqt Se Azadari Karne Lage.

📚 *Reference* 📚
Maslak e Ahle Sunnat Aur Taziyadari, Musannif Molana Abdul Kamal Sayyed Ahmad Kazmi, Matbua Meerut.

*Aala Hazrat Fazile Barelvi Ke Dada Jaan Ke Peero Murshid Ghous e Zama’n Sarkar Shah Fazle Rehma’n Ka Marsiye Ko Sunkar Wajd Aana*

Hazrat Shah Fazle Rehma’n Ganj Muradabad Rehmatullah Alaih Jab Mah e Muharram Me Lucknow Tashrif Laye To Raat Ko Marsiye Ki Aawaz Aa Rahi Thi, Aapne Farmaya Ke Ye Chillane Ki Aawaze Kaha Se Aa Rahi Hain To Logo Ne Arz Kiya Ke Muharram Ke Din Hain To Marsiya Ho Raha Hain, Agar Marsiye Ka Ash’aar Marifat Bhara Hota To Aap Nara Marte Aur Do-Do Teen-Teen Din Tak Wajd o Haal Taari Rehta Tha, Hazrat Shah Fazle Rehma’n Ganj Muradabad Ne Farmaya Ke Jo Muharram Me Hazrat Imaam Hussain Alahis Salam Ka Zikr Karte Hai Unki Tareef Karte Hain Sahi Riwayato Se Unka Qissa Bayan Karte Hai Aur Unke Naam Par Jo Kuch Bhi Dete Hai To Imaam Hussain Alahis Salam Unse Khush Hote Hain Aur Un Par Rehmat Nazil Hoti Hai Bhala Aese Logo Ke Zikr Me Khususan Unke Gham wa Alam Ke Bayan Me Bhala Kyu Faizan Nahi Hoga.

📚 *Reference* 📚
Rehmat o Naimat, Safa 199.

*Hindustan Ke Azeem ul Martabat Sufi Buzurgh Sarkar Waris e Panjetan Huzoor Waris e Pak Bhi Noha/Marsiya Suna Karte The*

Hazrat Sayyed Waris Ali Shah Sahab Rehmatullah Alaih Aaghaz e Muharram Se Ashrah Tak Marsiye Bhi Sunte The Magar Ahle Baith e Kiram Ki Shuja’at o Bahaduri Ke Tazkire Aur Sahih Riwayat Jo Mustanad Hoti Thi Sama’at Farmate The, Agar Baeen Wagera Ka Koi Band Padha Jata To Irshad Farmate The Ye Galat Hai Wo Tasleem o Raza Par Qaim The, Aesa Nahi Hua Ye Rone Rulane Ke Liye Banaye Hain, Huzoor Waris e Pak Ko Sehat e Waqiyaat Ka Bhut Khayal Rehta Tha, Shaikh Hussain Ali Warsi Sahab Se Huzoor Waris e Pak Ne Ek Martaba Bad Ashrah e Muharram Irshad Farmaya Ke Tum Ne Koi Noha Nahi Likha Unhone Usi Roz 2 Nohe Tasneef Karke Pesh Kiye, Huzoor Waris e Pak Ne Nihayat Sukoot Se Unko Suna Aur Sunne Ke Bad Irshad Farmaya Ke Ye Khilaaf e Riwayat Nahi Hain Ya’ani (Durust Hain) Aap Unhi Riwayat Ko Pasand Farmate The Jo Sehat Par Mabni Hoti Thi.

📚 *Reference* 📚
Mishqaat e Haqqaniya, Safa 91, 92

*Yaume Aashura 10 Muharram Ko Khichda (Daleem/Haleem) Ki Daleel* 👇🏻

722 Saal Purane Silsila e Chishtiya Ki Mashoor o Maroof Shaksiyat Nizamiya Silsila Ke Imaam Hazrat Khawaja Nizamuddin Auliya Mehboob e Ilahi Rehmatullah Alaih Yaume Aashura Ke Din Khichda Se Mutallik Farmate Hain :-

Hadees Sharif Me Aaya Hain Ke Jo Shaks Aashura Ke Din 7 Qism Ke Dane Pakaye Har Dane Ke Badle Uske Nama e Aamal Me Naiki Likhi Jayegi Aur Isi Qadr Gunha Mitaye Jate Hain.

📚 *Reference* 📚
Rahat ul Muhibbeen, Safa 473.