Ek din Ameer-ul-Momineen Ali (A.S.) ne apne ashaab se farmaya:
“Mera dil Abu Zar Ghifari ke liye bohot dukhi hota hai, Khuda un par reham kare.”
Ashaab ne poocha: “Kaise?”
Mola ne kaha:
“Us raat jab Usman ke hukm par uske sipahi Abu Zar se Usman ke liye bay’at lene Abu Zar ke ghar gaye, to unhone Abu Zar ko char thailay ashrafiyon ke diye, Usman ki bay’at karne ki shart par.”
Abu Zar ghusse mein aagaye aur sipahiyon se kaha:
“Tum logon ne meri do baar tauheen ki hai.
1. Sabse pehle tumne yeh socha ke main Ali ko bech doonga aur tum mujhe khareedne aaye ho.
2. Kya Ali ki keemat sirf char thailay ashrafiyon ki hai?”**
Phir Abu Zar ne kaha:
“Kya tumne socha hai ke main in char thailay ashrafiyon ke saath bik jaunga?
Main Ali ke ek baal ke badle bhi poori duniya ki daulat nahi loonga.”
Uske baad Abu Zar ne sipahiyon ko ghar se baahar nikal diya aur darwaza mazbooti se band kar diya.
Mola (A.S.) rote hue farmate hain:
“Us Khuda ki qasam jiske qabze mein meri jaan hai, us raat jab Abu Zar ne khaleefa ke sipahiyon ke muqable mein ghar ka darwaza band kiya, to unke ghar walon ne teen din aur raat tak kuch nahi khaya tha.”
📚 Usool-e-Kafi, Jild 8, Safha 57
Aal-e-Qutub Aal-e-Syed Abdullah Shah Ghazi 