*Hazrat Sayyedna Mola Imaam Musa Kazim Alahis Salam Ke Mazar Mubarak Se Barkat Hasil Karna*
Nasir ul Sunnat Hazrat Imaam Abu Abdullah Muhammad Bin Idrees Almaroof Imaam Shafayi Razi Allahu Tala Anhu Farmate Hain :- Hazrat Sayyedna Mola Imaam Musa Kazim Alahis Salam Ki Qabr e Anwar Dua’on Ki Qubooliyat Ke Liye Asar Daar Jagah Hain.
📚 *Reference* 📚
Ash’atul Lam’aat Shar’ha Mishkat ul Masabeeh, Jild 2, Safa 923.
Hazrat Shaikh Abdul Haq Muhaddis Dehlawi Rehmatullah Alaih.
*Qaid Khane Me Hazrat Sayyedna Mola Imaam Musa Kazim Alahis Salam Ka Mamool*
Sayyedna Imaam Musa Kazim Alahis Salam Ka Qaid Khane Me Ye Mamool Tha Ke Jab Aap Isha Ki Namaz Padh Lete To Allah Ki Hamd o Sana Aur Dua Me Mashghool Ho Jaate Hatta Ke Saari Raat Isi Haal Me Guzar Jati Phir Raat Ke Aakhri Hisse Me Khade Hokar Fajr Tak Namaz Padhte Rehte Phir Fajr Ki Namaz Ada Karte Aur Tulu e Shams Tak Zikr Me Masroof Ho Jate, Phir Chasht Ke Waqt Tak Baithe Rehte Baad Azaan Uth Kar Miswak Karke Kuch Tanawul Farmate Phir Zawal Se Kuch Pehle Tak Aaram Karte Uske Bad Uth Kar Wuzu Karte Aur Zuhar Se Asr Tak Namaz Me Mashghool Rehte, Asr Se Maghrib Ke Mabain Qibla Ki Janib Mutawajjah Hokar Zikr Karte Phir Maghrib Se Isha Tak Namaz Me Mashghool Ho Jate The.
📚 *Reference* 📚
Tahzib Al Kamal, Imaam Jamaluddin Abu Al Ḥajjaj Yusuf Imaam Al Mizzi, Safa 29.
Aal-e-Qutub Aal-e-Syed Abdullah Shah Ghazi 