Hadith:Beshaq Yeh Dono Haq Se Nahi Hatenge

Hazrat Huzaifa Bin Usayd Ghaffari RadiAllahu Anhu Se Riwayat Hai Ki Aap SallAllahu Ta’ala wa’ala aalaihi wa Sallam Ne Farmaya : “Aye Logo! mujhe Latif-o-Khabir zaat ne khabar di hai ki Allah ne har Nabi ko apne se pehle Nabi ke nisf umr Ata farmayi aur mujhe gumaan hai mujhe (Anqarib) bulaawa ayega aur mai use qubool kar lunga, aur mujhse (meri zimmedriyo ke mutalliq) puchha jayega aur tum se bhi (Mere Mutalliq) puchha jayega, (Is baat par tum kya lehte ho? Unhone kaha : hum gawaahi dete hain ki aap ne hamein Intehayi Jidd-o-Jahad ke saath deen pohchaya aur bhalayi ki baatein Irshad farmayi Allah Ta’ala aap lo Jaza-E-Khair ata farmaye. Aap SallAllahu Ta’ala wa’ala aalaihi wa Sallam me farmaya : Kya tum I
is baat ki gawaahi nahi dete ki Allah ke siwa koi Mabood nahi aur Muhammad Allah ke bande aur us ke Rasool hai, Jannat wa Dozakh haq hai aur maut aur maut le bad ki zindagi haq hai, Aur Qaiyamat ke aane me koi shaq nahi, Aur Allah Ta’ala Ahle Quboor ko Dobaara Uthayega? Sab ne jawab diya : Kyu nahi! Hum in sab ki gawaahi dete hai. Aap SallAllahu Ta’ala wa’ala aalaihi wa Sallam ne farmaya : Aye Allah! Tu gawaah ban ja, Aap SallAllahu Ta’ala wa’ala aalaihi wa Sallam ne farmaya : Aye Logo! Beshaq Allah mera mawla hai aur mai tamaam mominin ka mawla hu aur mai unke Jaano se qaribtar hu. Jiska mai Maula Hu uska yeh (Ali) Maula Hai. Aye Allah! jo ise dost rakhe tu use dost rakh, Jo isse adaawat rakhe tu usse adaawat rakh. “Aye Logo! “Mai Tum Se Pehle Jaane Wala Hu Aur Tum Mujhe Hawz Par Miloge, Yeh Hawz Basra Aur Sana Ke Darmiyani Faasle Se Bhi Ziyaada Chawda Hai. Is Me Sitaaro Ke Baraabar Chandi Ke Pyaale Hai, Jab Tum Mere Paas Aaoge Mein Tum Se Do Intehayu Aham Chizo Ke Mutalliq Puchunga, Dekhne Ki Baat Yeh Hai Ki Tum Mere Piche Un Dono Se Kya Sulook Karte Ho! Pehli Aham Chiz Allah Ki Kitab Hai, Jo ek Haithiyyat Se Allah Se Ta’alluq Rakhti Hai. Tum Use Mazbooti Se Thaam Lo To Na Gumraah Hoge Na (Haq) Se Munharif, Aur (Dusri Aham Chiz) Meri Itrat Yani Ahle Bayt Hai (Un Ka Daaman Thaam Lena). Mujhe Latif-o-Khabir Zaat Ne Khabar Dee Hai Ki Beshaq Yeh Dono Haq Se Nahi Hatenge Yaha Tak Ki Mujhe Hawz Par Milengi.”

Is Hadith Ko Imam Tabarani Ne “Al-Mu’jam-ul-Kabir” Me Riwaayat Kiya Hai.
–
[Tabarani Fi Al-Mu’jam-ul-Kabir, 03/180, 181, Al-Hadith Raqam-3052,
Tabarani Fi Al-Mu’jam-ul-Kabir, 03/67, Al-Hadith Raqam-2683,
Tabarani Fi Al-Mu’jam-ul-Kabir, 05/166, 167, Al-Hadith Raqam-4971,
Haythami Fi Majma’-uz-Zawa’id Wa Manba’-ul-Fawa’id, 09/164, 165,
Hisam-ud-Deen Hindi Fi Kanz-ul-’Ummal, 01/188, 189, Al-Hadith Raqam-957, 958,
Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/166, 167,
Ibn Kathir Fi Al-Bidayah Wa An-Nihayah, 05/463,
Kanz-ul-Matalib Fi Manaqibi ‘Ali Ibn Abi Talib KarramAllahu Waj’hahu,/42_44, Al-Hadith Raqam-41.]