Hazrat Soban(رحمتہ اللہ علیہ)

 

Hazrat Soban RaziAllahu Anhu se Rivayat hai ki,

Rasoolallah Sallallahu Alaihi wasallam ne farmaya :

“Qareeb hai ki dusri Qaumein tum par aisi toot padengi jaise bhukha khane par toot padta hai,

Kisi ne arz kiya, “Ya RasoolAllah sallallahu Alaihi Wasallam kya hum us waqt Bahut kam honge??”

farmaya ki ,”Nahi balki tum us zamane mein bahut ziyada hoge lekin tum Sailab (ya Samundar) ke upar tairtey hue koode kachre (ya jhaag) ki tarah hoge Aur Allah ta’ala tumhare dushmano ke seene se tumhara khauf aur Ruaab nikal dega aur Allah tumhare seeno mein wahan daal dega..”

Kisi ne kaha,”Ya Rasoollallah Sallallahu Alaihi Wasallam Wahan kya cheez hai”?

Apne farmaya Duniya se muhabbat aur Maut ko na-pasand karna..”

(Sunan Abu Dawood: Volume 3, hadees#892)

Hazrat Soban razi-allahu anhu riwayat kertay hain:
“Rasool Allah Sallal la hu aleyhe wasallam nai wazu kertay waqt sahaba ko Pagriyon aur Jarabo’n per massah kernay ka hukam diya.”

(Sahih Sunan Abi Daud- Kitab: Al-Taharah: 146)