Hazrat Khwaja Siraaj-ud-deen Uṡmaan urfe Akhi Siraaj rahmatullāhi alaihi

WhatsApp Image 2019-06-29 at 7.41.28 AM

 

 

Hazrat Khwaja Siraaj-ud-deen Uṡmaan urfe Akhi Siraaj rahmatullāhi alaihi :
Laqab :
‾‾‾‾‾‾‾‾
Aa’ina e Hind (Mirror of India).
*****
Aap ki wilaadat Gaur (Lakhnauti), Bengal me hui.
Aap safar karke Delhi tashreef le gaye aur Hazrat Khwaja Nizaam-ud-deen Auliya rahmatullāhi alaihi ke mureed hue.
Hazrat ki ijaazat se Hazrat Shaikh Fakhr-ud-deen Zarradi rahmatullāhi alaihi ne Aap ki ta’aleem shuru ki aur Aap ko 6 mahine me Aalim banaane ka waada kiya.
Is ke baad Aap ne Maulana Rukn-ud-deen se Kafiah, Mufassal, Quduri aur Majmua-ul-Bahrain ki ta’aleem haasil ki.
Aap Hazrat Khwaja Nizaam-ud-deen Auliya ke shuruat ke mureedo me se hain aur apne Peer ki khidmat me 4 saal tak rahe.
Aap saal me ek baar apni waalida se mulaaqaat ke liye apne watan jaate the.
*****
725 Hijri (1325 A.D.) me apne wisaal se pehle Khwaja Nizaam-ud-deen Auliya ne Aap ko Bengal jaakar Islaam ki isha’at karne ke liye farmaya.
729 Hijri (1329 A.D.) me Sultaan Muhammad bin Tughlaq ke zamaane me Aap Gaur (Lakhnauti) aaye aur khaanqaah ki taamir ki.
Kuchh waqt baad Aap ne Langar jaari kiya aur miskeeno aur mohtaajo ko khaana khilaana shuru kiya.
Aap se Bengal me Chishtiya silsila ki shuruat hui.
*****
Tasannif :
‾‾‾‾‾‾‾‾‾‾‾‾
Aap ki likhi hui mash’hoor kitaaben :
(1) Meezaan-us-Sarf,
(2) Hidaayat-un-Nahaw,
(3) Punchaganj.
*****
Aap Hazrat Khwaja Nizaam-ud-deen Auliya Chishti rahmatullāhi alaihi (Delhi) ke mureed aur khalifa hain.
Aap se ‘Chishti (Nizaami) Siraaji’ silsila jaari hai.
Aap ke khalifa Hazrat Makhdoom Ala-ul-Haq Pandawi rahmatullāhi alaihi hain.
*****
Aap ka wisaal 758 Hijri (1357 A.D.) ko hua.
Aap ka mazaar Gaur (Bengal) me hai.
Aap ka Urs 1 Shawwaal ko manaaya jaata hai.
****
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Siraaj-ud-deen Uṡmaan Akhi Siraaj rahmatullāhi alaihi aur Tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.