Imam Hasan Alaihissalam ke irshada’at.

1 –  Imam Hasan (a.s) irshaad farmaate hain:
“Hum hi woh Ahlul Bayt hain jinka zikr Allahﷻ ne Qur’an me Aayat-e-Tathir me farmaya hai.”
(Kitaab Ahlus-Sunnat, Majma‘ al-Zawaid wa Manba‘ al-Fawaid, Imam Haithami r.a.)

2 –  Amirul Momineen Maula Ali (a.s) ki shahadat par Imam Hasan (a.s) ne khutba irshaad farmaya:
“Ae logo! Guzishta raat tumse woh shakhs juda ho gaya jiska saani (barabar) na awwaleen me koi tha aur na hi aakhireen me koi hoga.”
(Kitaab Ahlus-Sunnat, Majma‘ al-Zawaid wa Manba‘ al-Fawaid)

3 – Hazrat Imam Hasan (a.s) irshaad farmate hain:
“Ae logo! Main Basheer o Nazeer ka beta hoon. Main tumhare Nabi ka farzand hoon jo tumhe Khuda ki taraf bulaya karte the. Main Sirajul Muneer ka farzand hoon. Main uska farzand hoon jo Rahmatul lil ‘Aalameen the. Aayat-e-Tathir hamare liye hi nazil hui thi. Hum hi woh Ahlul Bayt hain jinse har rijs ko Allahﷻ door rakhna chahta hai. Aayat-e-Muwaddat hamare liye hi nazil hui. Allahﷻ ne hamari hi mohabbat tum par farz qarar di hai.”
(Kitaab Ahlus-Sunnat, Majma‘ al-Zawaid wa Manba‘ al-Fawaid)

4 – Imam Hasan (a.s) ne khutba irshaad farmaya:
“Ali (a.s) Khatam al-Awsiyaa aur Wasi al-Anbiyaa the.”
(Kitaab Ahlus-Sunnat, Majma‘ al-Zawaid wa Manba‘ al-Fawaid)