*09 Safar*
*Shahadat Hazrat Sayyaduna Ammar Ibn Yasir (RA)*
Hazrat Ammar Bin Yasir (RA) Ka Shumaar Jaleel-Ul-Qadr Sahaba-E-Kiram Mein Hota Hai. Aap As-Sabiqoon Al-Awwaloon (Islam Qubool Karne Wale Awaleen Momineen) Mein Se Hain. Aap Ke Walid Hazrat Yasir (RA) Aur Walida Hazrat Sumayyah (RA), Islam Ke Sab Se Pehle Shuhada Hain.
Nabi Kareem ﷺ Ne Hazrat Ammar (RA) Ke Baare Mein Farmaya:
“Afsos! Ammar Ko Aik Baghi Giroh Qatal Karega. Ammar Unhein Jannat Ki Taraf Bulaaye Ga, Aur Woh Usey Jahannum Ki Taraf Bulayenge.”
Yeh Azeem Paishgoi Jo Jang-E-Siffeen (37 Hijri) Ke Maidan Mein Harf Ba Harf Sach Sabit Hui.
Is Ma’araka-E-Haq-O-Batil Mein Ammar (RA), Ameer-Ul-Momineen Maula Ali Ibn Abi Talib (RA) Ke Lashkar Mein Shamil Hokar Jannat Ki Dawat De Rahe Thay, Jabke Baghi Aur Jahannum Ki Taraf Bulaane Wale Giroh (Jiska Sarbarah Muawiyah Ibn Abi Sufyan Tha) Ne Aap (RA) Ko Shaheed Kar Diya.
Aal-e-Qutub Aal-e-Syed Abdullah Shah Ghazi 