*Hazrat Imaam Hussain Ki Shahadat Par Aapke Walid e Hazrat e Maula Ali Ki Peshangohi*
*1.* Yahya Hazrami Se Riwayat Hain Wo Kehte Hain Ke Me Safar e Siffin Me Hazrat Ali Alaihis Salam Ke Sath Tha Jab Aap Nenuwa Ke Kareeb Pouche To Aapne Farmaya “Aye Aba Abdullah (Aba Abdullah Hazrat Imaam Hussain Alahis Salam Ki Kunniyat Hain) Furat Ke Kinare Sabr Karna” Mene Arz Kiya Ye Kya Farmaya Hain ? Imaam Ali Ne Farmaya Ke Rasool Allah ﷺ Ne Farmaya Ke Jibrail Alaihis Salam Ne Mujhe Bataya Hain Ke Hussain Furaat Ke Kinare Qatl Kiye Jayenge Aur Mujhe Waha Ki Matti Dikhayi.
📚 *Reference* 📚 *1.* Khasais e Kubra, Jild 2. *2.* Tehzeeb Al Tehzeeb, Jild 2, Safa 347.
*2.* Asbag Bin Hanana Se Riwayat Hain Ke Hum Hazrat Ali Ke Sath Hazrat Imaam Hussain Ki Qabr Ki Jagah Par Aaye To Hazrat Ali Ne Farmaya Ye Unke Ounto Ke Bedhne Ki Jagah Hain Aur Ye Unke Kajawe Rakhne Ki Jagah Hain Aur Ye Unke Khoon Behne Ka Maqaam Hain Aal e Mohammad ﷺ Ka Ek Giroh Is Maidan Me Shaheed Hoga Jis Par Aasman Aur Zameen Royenge.
Hazrat Imaam Hussain Alaihis Salam Yaume Ashoora Ke Din Yazeediyo Par Hujjat Tamaam Karne Ke Liye Maidan e Karbala Me Khutba Irshad Farma Rahe The, Us Waqt Aapke Mazloom Qafile Ke Khaimo Ki Hifazat Ke Liye Khandak Me Roshan Karda Aag Ki Taraf Dekh Kar Ek Badzaban Yazeedi Malik Bin Urwa Is Tarha Bakwas Karne Laga Aye Hussain Tumne Waha Ki Aag Se Pehle Yahi Aag Laga Di (Astagfirullah). Hazrat Imaam Hussain Ne Farmaya Aye Dushman e Khuda Tu Jhoota Hain Kya Tujhe Ye Gumaan Hain Ke Me Dozak Me Jaunga, Imaam Hussain Ke Qafile Ke Ek Jaan Nisaar Jawan Hazrat Muslim Bin Ausaja Razi Allahu Tala Anhu Ne Hazrat Imaam Hussain Se Us Muh Phat Bad Lagaam Ke Muh Par Teer Marne Ki Ijazat Talab Ki Imaam Hussain Ne Ye Farma Kar Ijazat Dene Se Inkar Kar Diya Ke Hamari Taraf Se Hamle Ka Aagaz Nahi Hona Chahiye Phir Imaam Hussain Ne Daste Dua Buland Karke Arz Ki Aye Allah Isko Aazab e Naar (Dozak Ka Aazab) Se Qabl Bhi Is Duniya Me Aag Ke Aazab Me Mubtala Farma Foran Dua Mustujaab (Qabool) Hui Aur Us Shaks Ke Ghode Ka Paaw Zameen Ke Ek Suraakh Par Pada Jisse Ghode Ko Jhatka Laga Aur Wo Gustakh Yazeedi Ghode Se Gira Uska Paaw Rakaab Me Uljha Ghoda Use Ghaseet Ta Hua Dora Aur Aag Ki Khandak Me Dal Diya Aur Wo Aag Me Jal Kar Bhasam Ho Gaya, Imaam Hussain Ne Sajda e Shukur Ada Kiya Aur Arz Ki Ya Allah Tera Shukur Hain Tune Aal e Rasool Ke Gustakh Ko Saza Di.
Yazeedi Fauj Ka Ek Sakht Dil Shaks Hazrat Imaam Hussain Alaihis Salam Ke Samne Aakar Yu’n Bakne Laga Dekho To Sahi Darya e Furat Kese Mauje Maar Raha Hain Khuda Ki Qasam! Tumhe Iska Ek Qatra Bhi Na Milega Aur Tum Yuhi Piyase Haalak Ho Jaoge (Maaz Allah). Mola Imaam Hussain Ne Allah Pak Ki Bargah Me Arz Ki Ya Allah Isko Piyasa Maar Imaam e Hussain Ke Dua Mangte Hi Us Be’Haya Ka Ghoda Bidak Kar Dora Wo Pakadne Ke Liye Uske Peeche Bhaga Piyas Ka Galba Hua Is Shiddat Ki Piyas Lagi Ke Al Aatsh Al Aatsh! Yani Haye Piyas Haye Piyas Pukarta Tha Magar Pani Jab Uske Muh Se Lagate To Ek Karta Bhi Na Pi Sakta Tha Yaha Tak Ke Usi Shiddat e Piyas Me Tarap Tarap Kar Mar Gaya.
Hazrat Imaam Hussain Alaihis Salam Jab Madina Pak Se Makkah Mukarrama Ki Taraf Rawana Hue To Raste Me Hazrat Ibne Muti Razi Allahu Tala Anhu Se Mulaqat Hui Unhone Arz Ki Mere Kue Me Pani Bhut Hi Kam Hain Bara e Karam Dua e Barkat Se Nawaz Dijiye Hazrat Imaam Hussain Ne Us Kue Ka Pani Talab Farmaya Jab Pani Ka Dol Hazir Kiya Gaya To Hazrat Imaam Hussain Ne Muh Laga Kar Usme Se Pani Nosh Farmaya Aur Kulli Ki Phir Dol Ko Wapas Kue Me Dal Diya To Kue Ka Pani Kafi Badh Bhi Gaya Aur Pehle Se Zada Meedha Aur Lazeez Bhi Ho Gya.
📚 *Reference* 📚 Al Tablat ul Kubra, Jild 5, Safa 110.
Aal-e-Qutub Aal-e-Syed Abdullah Shah Ghazi 